14 ناۋرىز – كٶرٸسۋ كٷنٸنە وراي «قازاقكونتسەرت» مەملەكەتتٸك كونتسەرتتٸك ۇيىمى «كەلكٶرٸسەيٸك» قايىرىمدىلىق جوباسىن ٶتكٸزەدٸ, دەپ حابارلايدى "ۇلت اقپارات".
ٸس-شارا سانيتارلىق نورمالاردىڭ تولىق ساقتالۋىمەن «Qazaqstan» ورتالىق كونتسەرت زالىندا 14 ناۋرىز كٷنٸ ساعات 11:00-دە باستالادى. «#كەلكٶرٸسەيٸك» قايىرىمدىلىق جوباسىنىڭ ەلەۋمەتتٸك ماڭىزى زور. جوبا ەلەۋمەتتٸك تۇرعىدان وسال جاندار مەن از قامتىلعان كٶپبالالى وتباسىلارعا قولداۋ كٶرسەتۋگە باعىتتالعان. جوبا اياسىنداعى ٸس-شارالار كەشەنٸن تاماشالاۋعا ەلەۋمەتتٸك تۇرعىدان وسال وتباسىلاردان شىققان 100 بٷلدٸرشٸن شاقىرىلعان.
بۇل مەرەكەنٸ بالالاردىڭ كٶز قۋانىشىنا اينالدىرۋ ماقساتىندا بٷلدٸرشٸندەرگە ۇلتتىق تاعامداردان تۇراتىن تەتتٸ سىيلىقتار جيناعى (جەنت, قۇرت, ٸرٸمشٸك) تابىستالادى. سونداي-اق مەرەكەلٸك كونتسەرت ٶتٸپ, «استانا سازى» مەملەكەتتٸك فولكلورلىق انسامبلٸ مەن «حالىق قازىناسى» بٶلٸمٸنٸڭ ەرتٸستەرٸ, تانىمال ەسترادا جۇلدىزدارى ٶنەر كٶرسەتەدٸ. مۇنان بٶلەك, «ناۋرىزبەكتٸڭ وقيعاسى» ينتەراكتيۆتٸك ەرتەگٸسٸ كٶرسەتٸلەدٸ. ەرتەگٸنٸڭ سيۋجەتٸندە قازاق ەرتەگٸلەرٸنٸڭ, تانىمال مۋلتفيلمدەر مەن كوميكستەردٸڭ كەيٸپكەرلەرٸ توعىسىپ, قىزىقتى وقيعالارعا تاپ بولادى. زاماناۋي فورماتتاعى قويىلىم جاس بٷلدٸرشٸندەردٸڭ ۇلتتىق قۇندىلىقتار مەن فولكلورلىق مۇراعا قىزىعۋشىلىعىن ارتتىرۋعا باعىتتالعان. قويىلىمدى «استانا ميۋزيكل» تەاترى ۇسىنادى.
ٸس-شاراعا كەلگەن بالالار مەن قوناقتار ٷشٸن «Qazaqstan» ورتالىق كونتسەرت زالىنىڭ فويەسٸندە جابدىقتالعان كيٸز ٷيلەردە ناۋرىز كٶجە ۇسىنىلادى. سونىمەن قاتار كەلۋشٸلەر «قازاقفيلم» اق ۇسىنعان «مۇزبالاق» جەنە «كٷلتەگٸن» مۋلتفيلمدەرٸن تاماشالاي الادى.
