قازاقستاندا مەرزٸمدٸ ەسكەري قىزمەتتٸ ٶتەۋ مەرزٸمٸ ٶزگەرمەيدٸ.
بۇل تۋرالى ورتالىق كوممۋنيكاتسييالار قىزمەتٸندە ٶتكەن ينتەراكتيۆتٸ دەرٸس بارىسىندا قورعانىس مينيسترٸنٸڭ ورىنباسارى گەنەرال-مايور تالعات مۇحتاروۆ مەلٸم ەتتٸ.
«ەل ٸشٸندە ەسكەري قىزمەت 1 جىلدان 2 جىلعا ۇزارتىلادى دەگەن اقپارات تارادى. بٸراق زاڭ جٷزٸندە بٸر جىلدىق ۋاقىت بەلگٸلەنگەندٸكتەن مەرزٸمدٸ ەسكەري قىزمەتتٸ ٶتەۋ ۋاقىتى ٶزگەرٸسسٸز قالادى. بورىشىن ٶتەۋ ٷشٸن شاقىرىلعان ساربازدارعا ەسكەري ەدٸس-تەسٸلدەردٸ وقىپ-ٷيرەنۋگە ون ەكٸ اي جەتكٸلٸكتٸ دەپ ويلايمىن. بٸز ولاردى جٷرگٸزۋشٸ, اتقىش سەكٸلدٸ ماڭىزدى ماماندىقتارعا باۋلىپ, 1 جىلدىڭ ٸشٸندە تولىق يگەرٸپ شىعۋلارىنا مٷمكٸندٸكتەر جاسايمىز. ٶيتكەنٸ بٸزدٸڭ ارنايى ەسكەري وكرۋگتەرٸمٸزدە مامانداندىرىلعان وقۋ ورتالىقتارى جۇمىس جاسايدى. كەلگەن جاستار نەگٸزگٸ ەسكەري بٶلٸمگە جەتكەنشە سول جەردەن جان-جاقتى دايارلانىپ, دەرٸس الىپ شىعادى», - دەدٸ ول.
