قر قارۋلى كٷشتەرٸ باس شتابى باستىعىنىڭ ورىنباسارى, گەنەرال-مايور ەدٸلبەك الدابەرگەنوۆ جازدا «بەكەت اتا» وقۋ پوليگونىندا جارىلعان گراناتادان جاراقات العان ەكٸ ساربازعا قاتىستى مەن-جايدى تٷسٸندٸردٸ, دەپ حابارلايدى "ۇلت اقپارات" قورعانىس مينيسترلٸگٸنٸڭ رەسمي سايتىنا سٸلتەمە جاساپ.
«قولداعى بار مەلٸمەتتەرگە سەنسەك, 2019 جىلدىڭ 17 شٸلدەسٸندە ساباق كەستەسٸنە سەيكەس «بەكەت اتا» وقۋ-جاتتىعۋ پوليگونىندا جەكە قۇراممەن ارنايى وقۋ-جاتتىعۋ جٷرگٸزٸلدٸ. بايلانىسشى, مەرزٸمدٸ قىزمەتتەگٸ قاتارداعى جاۋىنگەر كوشلەۆ وقۋ-جاتتىعۋ ورنىندا بايلانىسشىلارعا جابدىقتى كٶرسەتۋ ٷشٸن تارتىلعان بولاتىن. ەشقانداي جاۋىنگەرلٸك تاپسىرمانى ورىنداۋى تيٸس ەمەس ەدٸ», - دەدٸ ەدٸلبەك الدابەرگەنوۆ.
ونىڭ ايتۋىنشا, ساباققا دايارلىق كەزٸندە كوشلەۆ ەربٸر ەسكەري قىزمەتشٸ بٸلۋٸ تيٸس ەرەجە - بۇيرىقسىز ەشقانداي ٸس-قيمىل جاساۋعا بولمايتىنىن بٸلە تۇرا بۇيرىق بەرٸلمەسە دە, باسقا وقۋ نٷكتەسٸنە قويىلعان وق-دەرٸگە جاقىنداپ, ف-1 گراناتاسىن قولىنا العان.
«تۇتاندىرعىشىن بۇراپ, گراناتا جارعىش مۇرىندىعىن تارتىپ, تەتٸگٸن ٸسكە قوستى. دىبىسىن ەستٸپ, Tadiran راديوستانتسيياسىنىڭ استىنا سالىپ جٸبەردٸ. كوشلەۆپەن بٸرگە قىزمەت اتقارىپ جٷرگەندەردٸڭ سٶزٸنە سەنسەك, وعان گراناتانىڭ جاۋىنگەرلٸك ەكەنٸ ەسكەرتٸلگەن. جارىلىس سالدارىنان راديوستانتسييانىڭ الدىنداعى قاتارداعى جاۋىنگەرلەر كوشلەۆ پەن جامانباەۆ جارالانعان. جاقىن ماڭداعى باسقا ەسكەري قىزمەتشٸلەر زارداپ شەكپەگەنٸمەن, ولارعا دا قاۋٸپ تٶنگەن. زارداپ شەككەن كوشلەۆ پەن جامانباەۆقا بارلىق قاجەتتٸ مەديتسينالىق جەنە پسيحولوگييالىق بٸلٸكتٸ قىزمەت كٶرسەتٸلدٸ. گراناتانىڭ جارىلۋ فاكتٸسٸ بويىنشا ٸٸم ەسكەري تەرگەۋ باسقارماسى بٸردەن قىلمىستىق ٸس قوزعادى. تەرگەۋ شارالارى جٷرگٸزٸلۋدە. ٸٸم ەسكەري تەرگەۋ باسقارماسىنىڭ سۇراۋى بويىنشا ەسكەري بٶلٸم كەلتٸرگەن زالالدىڭ باعاسى بەرٸلدٸ. كەلگەن زالالدىڭ ورنىن تولتىرۋ بويىنشا سۇراقتار قورعانىس مينيسترلٸگٸنٸڭ قۇزٸرەتٸنە جاتپايدى. شەشٸمدٸ سوت قابىلدايدى», - دەيدٸ ول.
سونىمەن بٸرگە, 2019 جىلعى 23 شٸلدەدە ەرتٷرلٸ دەڭگەيدەگٸ جاۋاپتى كومانديرلەردٸڭ تاراپىنان قىزمەتتٸك مٸندەتتەردٸ تيٸستٸ ورىنداماۋ فاكتٸسٸ بويىنشا قىلمىستىق ٸس قوزعالعانى دا حابارلاندى.
«قوسىمشا قارۋلى كٷشتەردٸڭ ٸشكٸ قىزمەت جارعىسىن بۇزۋ فاكتٸسٸ تەكسەرٸلۋدە. وسى جاعدايداعى ەسكەري قىزمەتشٸلەردٸڭ ٸس-ەرەكەتتەرٸن وبەكتيۆتٸ باعالاۋ – وسىنداي فاكتتارعا بۇدان ارى جول بەرمەۋ ٷشٸن قاجەت», - دەدٸ ەدٸلبەك الدابەرگەنوۆ.
ەسكە سالا كەتسەك, وسى جازدا ماڭعىستاۋ وبلىسىنىڭ بەينەۋ اۋدانىندا ورنالاسقان №99116 ەسكەري بٶلٸمٸنٸڭ مەرزٸمدٸ قىزمەتتەگٸ ەكٸ ساربازى جارىلعان گراناتادان جاراقات العان بولاتىن.
