ەسكەري پوليتسييا قىزمەتكەرلەرٸ قورعانىس مينيسترلٸگٸ عيماراتىنىڭ ٷستٸندە زاڭسىز ۇشىپ جٷرگەن كۆادروكوپتەردٸ انىقتادى, دەپ حابارلايدى ۆەدومستۆونىڭ باسپاسٶز قىزمەتٸ.
«سوڭعى ۋاقىتتا قازاقستان رەسپۋبليكاسى قورعانىس مينيسترلٸگٸ نىساندارىنىڭ ٷستٸنەن پيلوتسىز ۇشاتىن اپپاراتتاردىڭ ۇشۋ جاعدايلارى كٶبەيٸپ كەتتٸ. ولاردىڭ بەرٸ دە ۋاقتىلى انىقتالىپ جاتىر. وسى جىلدىڭ 31 ناۋرىزىندا نۇر-سۇلتان قالاسىندا ەسكەري پوليتسييا وتريادىنىڭ ەسكەري قىزمەكشٸلەرٸ قازاقستان رەسپۋبليكاسى قورعانىس مينيسترلٸگٸ نىسانىنىڭ ٷستٸنەن پيلوتسىز ۇشاتىن اپپاراتتىڭ - كۆادروكوپتەردٸڭ ۇشىپ جٷرگەنٸن انىقتادى», - دەدٸ قورعانىس مينيسترلٸگٸنٸڭ باسپاسٶز قىزمەتٸ.
جەدەل ەرەكەت توبى وسىعان قاتىستى ەكٸ ازاماتتى ۇستاپ, قالالىق پوليتسييا دەپارتامەنتٸنە تاپسىرعان.
«وسىعان بايلانىستى قورعانىس مينيسترلٸگٸ ەسكەري نىسانداردىڭ ٷستٸنەن بپلا-نىڭ (كۆادروكوپتەر) ۇشۋى - قازاقستان رەسپۋبليكاسىنىڭ «قر ەۋە كەڭٸستٸگٸن قولدانۋ جەنە اۆياتسييا قىزمەتٸ تۋرالى» زاڭىنىڭ 31 جەنە 33 باپتارىنا قايشى كەلەتٸنٸن ەسكەرتەدٸ. اتالعان نورمالاردى بۇزعانى ٷشٸن ەكٸمشٸلٸك جاۋاپكەرشٸلٸك قاراستىرىلعان. ول ٷشٸن جەكە تۇلعالارعا 10 اەك, لاۋازىمدى تۇلعالارعا 20 اەك كٶلەمٸندە ايىپپۇل سالىنادى», - دەلٸنگەن حابارلامادا.
اتالعان فاكت بويىنشا تەرگەۋ امالدارى جٷرٸپ جاتىر. بۇل تۋرالى قر قورعانىس مينيسترٸنٸڭ ورىنباسارى تالعات مۇحتاروۆ ايتتى.
«رەجيمدٸك نىساندار, ياعني مينيسترلٸك, ەسكەري بٸلٸمدەر اۋماعىندا وسىنداي رۇقسات ەتٸلمەگەن ٸس-قيمىلدارعا تىيىم سالىنعان. سەيكەسٸنشە, ولارعا توسقاۋىل قويىلادى جەنە ونداي اپپاراتتاردىڭ ۇشۋىنا جول بەرٸلمەيدٸ. ال وسىنداي قادامعا بارعاندارعا قاتىستى قازٸرگٸ كەزدە تيٸستٸ ورگاندار تەكسەرۋ امالدارىن جٷرگٸزٸپ جاتىر», - دەدٸ ت. مۇحتاروۆ پارلامەنت مەجٸلٸسٸندە تٸلشٸلەردٸڭ ساۋالىنا جاۋاپ بەرە وتىرىپ.
كۆادروكوپتەردٸ قولدانۋ تەرتٸبٸ قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ رەسمي سايتىندا جارييالانعان.
