قورعانىس مينيسترٸنٸڭ ورىنابسارى تيمۋر دەندٸباەۆ ارىس قالاسىنداعى قازٸرگٸ جاعداي تۋرالى باياندادى, دەپ حابارلايدى "ۇلت اقپارات".
«ارىس قالاسىنداعى جاعدايدى قامتاماسىز ەتۋ ٷشٸن تارتىلعان قارۋلى كٷشتەردٸڭ بارلىق بٶلٸمشەلەرٸ تٶتەنشە جاعداي سالدارىن جويۋدى جالعاستىرىپ جاتىر. ول ٷشٸن 42 مينادان تازارتۋ توبى قۇرىلدى. ولار ارىس قالاسىندا, تٸكەلەي ارسەنال اۋماعىندا تۇرعىنداردىڭ شاقىرتۋى بويىنشا ۇتقىر توپتاردا جۇمىس ٸستەيدٸ. قازٸرگٸ تاڭدا وق-دەرٸلەر قالدىقتارىن جويۋ جۇمىستارى جٷرٸزٸلۋدە. قارۋلى كٷشتەردٸڭ بٶلٸمشەلەرٸمەن جۇمىس كٷندەرٸ تاڭعى ساعات 9:00-دەن كەشكٸ 18:00-گە دەيٸن جويۋ جۇمىستارى جٷرگٸزٸلٸپ جاتىر», - دەدٸ مينيستردٸڭ ورىنباسارى.
ول تاسىمالداۋعا جاتپايتىن وق-دەرٸلەر ارسەنال اۋماعىنان جويىلاتىنىن ايتتى.
«قالعاندارى ارىس قالاسىنىڭ سولتٷستٸگٸندە 50 كم جەردە بۇرىن وق-دەرٸلەردٸ جويۋمەن اينالىسقان ارنايى جابدىقتالعان پوليگونعا تاسىمالدانادى. جەرگٸلٸكتٸ حالىققا قاۋٸپ تۋعىزبايتىن وق-دەرٸلەردٸ جويۋ كەزٸندە تۇرعىندارعا داۋرىقپاۋدى, قاجەتتٸ قاۋٸپسٸزدٸك شارالارىن قابىلداۋدى سۇرايدى. قالادا ساپەرلەر جۇمىسى جالعاسىپ جاتىر. تۇرعىندار وق-دەرٸلەردٸڭ قالدىقتارىن بايقاپ قالعان جاعدايدا موبيلدٸ ساپەرلەر بەكەتتەرٸنە جٷگٸنە الادى.
قالانى وق-دەرٸلەردەن تازارتۋ, ونىڭ قالدىقتارىن جويۋ, ەسكەري بٶلٸمدٸ كٶشٸرۋ جۇمىسى قورعانىس مينيسترٸ نۇرلان ەرمەكباەۆتىڭ جەكە باقىلاۋىندا. بٷگٸن ول ارىستا جٷر», - دەدٸ دەندٸباەۆ.
مينيستردٸڭ ورىنباسارى جەرگٸلٸكتٸ تۇرعىندارمەن كٷدٸكتٸ زاتتاردى تابۋ مەسەلەسٸ بويىنشا تٷسٸندٸرۋ جۇمىسى بەلسەندٸ جٷرگٸزٸلٸپ, جەكە قۇرام ارىس تۇرعىندارىنىڭ ٷيلەرٸنە قايتىپ ورالۋىنا دا كٶمەكتەسٸپ, ەسكەري پسيحولوگتار توبى ٸس-شارا كەشەنٸن, سونىمەن قاتار تۇرعىندارعا كەڭەس بەرٸپ جاتقانىن اتاپ ٶتتٸ.
