Qorǵanys ministriniń orynabsary Timýr Dándibaev Arys qalasyndaǵy qazirgi jaǵdai týraly baiandady, dep habarlaidy "Ult aqparat".
«Arys qalasyndaǵy jaǵdaidy qamtamasyz etý úshin tartylǵan qarýly kúshterdiń barlyq bólimsheleri tótenshe jaǵdai saldaryn joiýdy jalǵastyryp jatyr. Ol úshin 42 minadan tazartý toby quryldy. Olar Arys qalasynda, tikelei arsenal aýmaǵynda turǵyndardyń shaqyrtýy boiynsha utqyr toptarda jumys isteidi. Qazirgi tańda oq-dáriler qaldyqtaryn joiý jumystary júrizilýde. Qarýly kúshterdiń bólimshelerimen jumys kúnderi tańǵy saǵat 9:00-den keshki 18:00-ge deiin joiý jumystary júrgizilip jatyr», - dedi ministrdiń orynbasary.
Ol tasymaldaýǵa jatpaityn oq-dáriler arsenal aýmaǵynan joiylatynyn aitty.
«Qalǵandary Arys qalasynyń soltústiginde 50 km jerde buryn oq-dárilerdi joiýmen ainalysqan arnaiy jabdyqtalǵan poligonǵa tasymaldanady. Jergilikti halyqqa qaýip týǵyzbaityn oq-dárilerdi joiý kezinde turǵyndarǵa daýryqpaýdy, qajetti qaýipsizdik sharalaryn qabyldaýdy suraidy. Qalada saperler jumysy jalǵasyp jatyr. Turǵyndar oq-dárilerdiń qaldyqtaryn baiqap qalǵan jaǵdaida mobildi saperler beketterine júgine alady.
Qalany oq-dárilerden tazartý, onyń qaldyqtaryn joiý, áskeri bólimdi kóshirý jumysy qorǵanys ministri Nurlan Ermekbaevtyń jeke baqylaýynda. Búgin ol Arysta júr», - dedi Dándibaev.
Ministrdiń orynbasary jergilikti turǵyndarmen kúdikti zattardy tabý máselesi boiynsha túsindirý jumysy belsendi júrgizilip, jeke quram Arys turǵyndarynyń úilerine qaityp oralýyna da kómektesip, áskeri psihologtar toby is-shara keshenin, sonymen qatar turǵyndarǵa keńes berip jatqanyn atap ótti.
