جامبىل وبلىسىنىڭ قورداي اۋدانىندا ورنالاسقان قاراقوڭىز سۋ قويماسى جاسىل تٷسكە بويالدى, دەپ حابارلايدى "ۇلت اقپارات".
تامىز ايىنىڭ باسىندا سۋ ايدىنىنىڭ تٷسٸ اياق استىنان جاپ-جاسىل بولىپ كەتكەن. ماسانشى اۋىلىنىڭ تۇرعىندارى سۋدىڭ ەرەكشە تٷسٸنە تاڭعالىپ, ونىڭ سۋرەتٸ مەن ۆيدەوسىن ەلەۋمەتتٸك جەلٸدە جارييالادى.
اۋىل حالقىنىڭ ايتۋىنشا, ولار مۇنداي جاعدايدى بٸرٸنشٸ رەت كٶرٸپ وتىر. ولار قاۋٸپسٸزدٸك ٷشٸن بالالارىن ايدىننىڭ ماڭىنا جولاتپاي, سۋعا شومىلۋىنا تىيىم سالعان.
«قازسۋشار» رمك ماماندارى اۋىل تۇرعىندارىمەن بٸرگە قاراقوڭىز سۋىنان سىناما الىپ, قوردايداعى سانيتارلىق-ەپيدەميولوگييالىق ستانسانىڭ زەرتحاناسىنا جولداعان. الايدا بۇل زەرتحانادا تەك ٸشەتٸن سۋعا زەرتتەۋ جٷرگٸزٸلەدٸ ەكەن, ال مىنا اعىن سۋدى وبلىس ورتالىعىندا عانا ساراپتامادان ٶتكٸزۋگە مٷمكٸندٸك بار.
4 تامىزدا قاراقوڭىز سۋ قويماسىنا جامبىل وبلىسىنىڭ ەكولوگييا دەپارتامەنتٸنەن ٷش مامان كەلٸپ, جاعالاۋ بويىن تەكسەردٸ, بٸرنەشە نٷكتەدەن سىناما الدى.
«تاياۋدا سول زەرتتەۋدٸڭ قورىتىندىسى شىقتى, - دەيدٸ قورداي اۋدانى ەكٸمٸنٸڭ ورىنباسارى مىرزاعالي كٷزەرباەۆ. - قورقاتىنداي ەشتەڭە جوق, بارلىق كٶرسەتكٸشتەر ٶز قالپىندا. تەك كەي كومپونەنتتەر بويىنشا كونتسەنتراتسييانىڭ تيٸستٸ مٶلشەرٸ جوعارىلاعانى بەلگٸلٸ بولدى. بٸراق سۋدىڭ جاسىل تٷسكە بويالۋىنا ول ەمەس, تابيعي قۇبىلىس سەبەپ بولعان. ياعني, سۋداعى بالدىرلار فوتوسينتەز پروتسەسٸندە سۋدىڭ تٷسٸن ٶزگەرتٸپ جٸبەرگەن».
مىرزاعالي كٷزەرباەۆتىڭ ايتۋىنشا, ەكولوگييا دەپارتامەنتٸنٸڭ ماماندارى سۋ قويماسىن بٸرنەشە كٷن بويى باقىلاعان. بٷگٸندە سۋدىڭ بەتٸ قايتادان ٶزٸنٸڭ ٷيرەنشٸكتٸ تٷسٸنە بويالعان.
«الاڭداۋدىڭ قاجەتٸ جوق. كٶلدٸڭ فلوراسى مەن فاۋناسى زارداپ شەككەن جوق» دەيدٸ ول.
ايتا كەتەيٸك, قاراقوڭىز - جامبىل وبلىسىنداعى ەڭ ٸرٸ سۋ ايدىندارىنىڭ بٸرٸ. ونىڭ سۋى ەگٸن القاپتارىن سۋارۋعا پايدالانىلادى.
