قورداي اۋدانىندا پوليتسييا قىزمەتكەرلەرٸنٸڭ زاڭدى تالابىنا باعىنباي قارسىلىق تانىتقان 3 ادام 1,5 جىلدان باس بوستاندىعىنان ايىرىلدى.
بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر باس پروكۋرورىنىڭ ورىنباسارى ەرلٸك كەنەنباەۆ ايتتى, دەپ حابارلايدى قازاقپارات.
«وسى جىلدىڭ 5 اقپانىندا قورداي اۋدانىنا قاراستى سارىتٶبە اۋىلىندا جول ٷستٸندە ەكٸ تٷرلٸ ۇلت ٶكٸلدەرٸنٸڭ اراسىندا بولعان جاعداي كەزٸندە قارت ادامعا جاراقات كەلتٸرٸلدٸ. بۇل قىلمىس بويىنشا 2 ادامعا كٷدٸك كەلتٸرٸلٸپ وتىر. ونىڭ بٸرەۋٸ سوت سانكتسيياسىمەن قاماۋعا الىنعان. جاقىن ارادا تەرگەۋ جۇمىستارى اياقتالىپ, ٸستٸ سوتقا جولدايمىز», - دەدٸ ول.
سونىمەن قاتار ول 7 اقپان كٷنٸ وسى اۋىل تۇرعىندارىنىڭ بٸرٸ «حوندا وديسسەي» ماركالى كٶلٸگٸمەن پوليتسييا قىزمەتكەرلەرٸنٸڭ زاڭدى تالابىنا باعىنباي, ٷيٸنە كەتٸپ قالعان. ٷيٸنٸڭ جانىندا ول تۋىستارىمەن بٸرگە پوليتسييا قىزمەتەكەرلەرٸنە كٷش قولدانعان. كٷدٸكتٸلەر بٸردەن ۇستالىپ, سوت سانكتسيياسىمەن قاماۋعا الىنعان.
«ولاردىڭ زاڭسىز ەرەكەتتەرٸ پوليتسييا قىزمەتكەرلەرٸنٸڭ جاۋاپتارىمەن عانا ەمەس, سونىمەن بٸرگە كۋەگەرلەردٸڭ ۇيالى تەلەفوندارىنا جازىلعان كٶپتەگەن بەينە جازبالارمەن راستالادى. وسى وقيعانى ينتەرنەت رەسرۋستارداعى بەينەروليكتەردەن دە كٶرۋگە بولادى. وسى جىلدىڭ 18 ناۋرىزىندا سوت ٷكٸمٸمەن 3 ادام كٸنەلٸ دەپ تانىلىپ, سوتتالدى. سوت ولاردىڭ ەرقايسىسىنا 1,5 جىلدان باس بوستاندىعىنان ايىرۋ جازاسىن تاعايىندادى», - دەدٸ ەرلٸك كەنەنباەۆ.
