قىرىم پارلامەنتٸنٸڭ ۆيتسە-سپيكەرٸ ۆلاديمير بوبكوۆ ەۋروپالىق وداق كەرچ بۇعازىنداعى قۇرىلىسقا قاتىستى ساياسي ويىنىن توقتاتىپ, ەكٸ تٷرلٸ ستاندارت ساياساتىنان باس تارتۋى قاجەت ەكەنٸن ايتتى, دەپ حابارلايدى Sputnik اگەنتتٸگٸ ريا نوۆوستي پورتالىنا سٸلتەمە جاساپ.
دٷيسەنبٸ كٷنٸ رەسەي پرەزيدەنتٸ ۆلاديمير پۋتين قىرىم كٶپٸرٸندە جولاۋشىلار تاسىمالى قىزمەتٸن رەسمي تٷردە ٸسكە قوسقان بولاتىن. سونداي-اق, مۇندا جٷك تاسىمالى قىزمەتٸ 2020 جىلدىڭ 1 شٸلدەسٸندە ٶز جۇمىسىن باستايدى.
وسىدان سوڭ ەۋروپالىق وداقتىڭ سىرتقى بايلانىس قىزمەتٸنٸڭ رەسمي سايتىندا مەلٸمدەمە جارييالاندى. وندا "رەسەي تاراپى تەمٸرجول قىزمەتٸن ٸسكە قوسۋ ارقىلى ۋكراينا ەگەمەندٸگٸ مەن ونىڭ اۋماعىنىڭ بٸرتۇتاستىعىن تاعى بٸر رەت بۇزعانىن دەلەلدەدٸ" دەپ جازىلعان.
الايدا ۆلاديمير بوبكوۆ بۇل پٸكٸرمەن مٷلدەم كەلٸسپەيدٸ.
"بالل نەمەسە بونۋس الۋ ٷشٸن قىرىم كٶپٸرٸنە قاتىستى ساياسي جەنە ديپلوماتييالىق ويىندى توقتاتاتىن كەز جەتتٸ. كەرچ بۇعازى ارقىلى كٶپٸر سالۋ – تاريحي وقيعا, ونى مويىنداۋ كەرەك. رەسەي ينفراقۇرىلىمدىق تۇرعىدا تاعى بٸر قادام العا باستى", - دەيدٸ قىرىم پارلامەنتٸنٸڭ ۆيتسە-سپيكەرٸ.
ونىڭ پٸكٸرٸنشە, ەۋروپالىق وداق ەكٸ تٷرلٸ ستاندارت ويىنىن جٷرگٸزٸپ وتىر.
"مىسالى, ەۋروپالىقتار مۇنداي ينفراقۇرىلىمدىق جاڭالىقتارعا قۋاناتىن (دانييا مەن شۆەتسييا اراسىنداعى ەرەسۋنن كٶپٸرٸ). الايدا قازٸر ولار ٶكٸنٸپ وتىر. بۇل – ەكٸ تٷرلٸ ستاندارت ساياساتى. مۇنداي ماڭىزدى جاڭالىقتى, ياعني كٶپٸر قۇرىلىسىن مينۋسقا تەڭەۋ تٷسٸنٸكسٸز. سوندىقتان ەۋروپالىق وداقتىڭ مەلٸمدەمەسٸ قارا نيەتپەن ايتىلعان سيياقتى", - دەدٸ ۆلاديمير بوبكوۆ.
