ٶمٸرلٸك قيىن جاعدايدا قالعان ازاماتتاردىڭ نەسيەلٸك بورىش جٷكتەمەسٸن تٶمەندەتۋ اكتسيياسى قايتا ٶتكٸزٸلمەيدٸ. بۇل جايىندا قر پرەزيدەنتٸ ەكiمشiلiگi ٶتiنiشتەردi قاراۋدى باقىلاۋ بٶلiمiنٸڭ اقپاراتىندا ايتىلعان, دەپ حابارلايدى "ۇلت اقپارات".
«قر پرەزيدەنتٸ ەكiمشiلiگi ٶتiنiشتەردi قاراۋدى باقىلاۋ بٶلٸمٸنە ارىزدانۋشىلاردان ٶمٸرلٸك قيىن جاعدايعا تاپ بولعان ازاماتتار ٷشٸن نەسيە بويىنشا بورىش جٷكتەمەسٸن تٶمەندەتۋ تۋرالى سۇراقتار تٷسٸپ جاتىر. وسىعان وراي, مەملەكەت باسشىسىنىڭ تاپسىرماسىنا سەيكەس, بۇل شارا بٸررەتتٸك تەرتٸپپەن جٷرگٸزٸلگەندٸگٸن حابارلايمىز», - دەپ اتاپ ٶتەدٸ قر پرەزيدەنتٸ ەكٸمشٸلٸگٸنەن.
ايتا كەتسەك, اتالعان اكتسييا ەكٸنشٸ دەڭگەيلٸ بانكتەر مەن شاعىن قارجى ۇيىمدارى كەپٸلدٸكسٸز تۇتىنۋشىلىق نەسيەلەرٸ بويىنشا ەسەپتەلگەن ايىپپۇلدار مەن ٶسٸمپۇلداردى ەسەپتەن شىعارۋ تۋرالى شەشٸم قابىلدانعان قازاقستاندىقتارعا قاتىستى بولدى.
سونىمەن قاتار ٶمٸرلٸك قيىن جاعدايدا قالعان قازاقستاندىقتار, اتاپ ايتقاندا, كٶپبالالى وتباسىلار; اسىراۋشىسىنان ايرىلۋ جاعدايىنا بايلانىستى تٶلەم الاتىن وتباسىلار; 18 جاستان اسقان بالا جاسىنان مٷگەدەكتەر بار وتباسىلار; اتاۋلى مەملەكەتتٸك ەلەۋمەتتٸك كٶمەك الاتىندار; جەتٸم بالالار; 2019 جىلعى 26 ماۋسىمداعى جاعداي بويىنشا اتا-اناسىنان كەمەلەتتٸك جاسقا دەيٸن ايىرىلعان, 29 جاسقا تولماعان, اتا-انانىڭ قامقورلىعىنسىز قالعان بالالارعا اكتسيياعا قاتىسۋ مٷمكٸندٸگٸ بەرٸلدٸ. بٸر قارىز الۋشىعا نەگٸزگٸ بورىشى مەن وعان ەسەپتەلگەن سىياقىدان تۇراتىن ٶتەلەتٸن بەرەشەگٸنٸڭ مٶلشەرٸ 300 000 تەڭگەدەن اسپايتىن بولسا, ولاردى ٶتەۋ جولىمەن كٶمەكتەسۋگە شەشٸم قابىلداندى. بۇل رەتتە كەپٸلسٸز تۇتىنۋشىلىق قارىزدارى بويىنشا قارىز الۋشىلاردىڭ جالپى بەرەشەگٸ 2019 جىلعى 1 ماۋسىمداعى جاعداي بويىنشا 3 ملن تەڭگەدەن اسپاۋى تيٸس.
«بۇل اكتسييا 2019 جىلى اياقتالدى. ونىڭ قورىتىندىسىندا جالپى سوماسى 115 ملرد تەڭگەنٸ قۇرايتىن 554 مىڭ ازاماتتىڭ كەپٸلسٸز تۇتىنۋشىلىق نەسيەلەرٸ بويىنشا بورىشتار ەسەپتەن شىعارىلدى. تاياۋ ۋاقىتتا بۇل اكتسييانى قايتالاۋ جوسپارلانىپ وتىرعان جوق», - دەلٸنگەن تاراتىلعان اقپاراتتا.
