كٶپبالالى وتباسىلاردىڭ بالالارىنا بەرٸلەتٸن 5 مىڭ گرانتىنىڭ كونكۋرسى 5-10 تامىز ارالىعىندا ٶتەدٸ. بۇل تۋرالى بٷگٸن ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«5000 گرانت كٶپبالالى جەنە ەلەۋمەتتٸك كٶمەك الاتىن وتباسىدان شىققان بالالارعا تاعايىندالادى. گرانت قاراجاتى ترانسفەرت ارقىلى جەرگٸلٸكتٸ ەكٸمدٸكتەرگە بەرٸلەدٸ. ولار ٶزدەرٸنٸڭ قاجەتتٸلٸگٸن ەسكەرە وتىرىپ, ناقتى ماماندىقتار تٸزبەسٸن انىقتاپ, كونكۋرستىق كوميسسييا قۇرىپ, كونكۋرس جٷرگٸزٸپ, گرانت بەرەدٸ. جالپى, بۇل تەتٸك بٷگٸنگٸ كٷنٸ بار, زاڭناماعا ەنگٸزٸلگەن», - دەدٸ مينيستر.
ونىڭ ايتۋىنشا, كونكۋرسقا قاتىسۋ ٷشٸن تالاپكەر نىسانالى توپقا جاتقانىمەن قاتار, ۇلتتىق بٸرىڭعاي تەستٸنٸڭ شەكتٸ باللىن جيناۋى قاجەت.
«جالپى, وسى گرانتقا يە بولۋ ٷشٸن ٷمٸتكەرلەر ەڭ الدىمەن جىلداعىداي نەگٸزگٸ 53 785 گرانتتى الۋعا رەسپۋبليكالىق كونكۋرسقا 21-31 شٸلدە ارالىعىندا قاتىسىپ, باعىن سىنايدى. سول جالپى كونكۋرس بويىنشا گرانتقا يە بولماعان كٶپبالالى وتباسىدان شىققان جەنە اتاۋلى كٶمەك الۋشىلار ساناتىنداعى تالاپكەرلەر قوسىمشا بەرٸلگەن 5 مىڭ گرانتقا نىسانالى گرانتتار الۋ ٷشٸن تامىزدىڭ 5-10 ارالىعىنداعى كەلەسٸ كونكۋرسقا تاپسىرۋ ٷشٸن جەرگٸلٸكتٸ اتقارۋشى ورگاندارعا ٶتٸنٸش بەرە الادى. بۇل ارادا ەكٸمدٸكتەر گرانتتاردى ۇبت باللىنا جەنە گرانت سانىنا قاراي تاعايىندايدى جەنە جەڭٸمپازداردىڭ تٸزٸمٸن جەرگٸلٸكتٸ باق-تا جارييالايدى. بارلىق نىسانالى گرانت يەگەرلەرٸنە ەدەتتەگٸدەي 20 949 تەڭگە كٶلەمٸندە شەكٸرتاقى تاعايىندالادى. سونىمەن قاتار, دەمالىس كەزٸندە جىلىنا 2 رەت جول ٶتەماقىسى ٶتەلەدٸ», - دەدٸ اسحات ايماعامبەتوۆ.
