مەجٸلٸس تٶراعاسى ەرلان قوشانوۆ جاڭادان قۇرىلعان قوعامدىق پالاتانىڭ قۇرامىنا وپپوزيتسييا ٶكٸلدەرٸن ۇسىندى, دەپ حابارلايدى دەپ حابارلايدى Ulysmedia.kz.
«مەنٸڭ ويىمشا, بٷگٸن بٸز تالقىلاپ جاتقان مەسەلە – ٶتە ماڭىزدى مەسەلە. بۇل كەيبٸر دەپۋتاتتار ايتقانداي, «قويشىنى كٶبەيتۋ» ەمەس. بٸزگە تاعى دا بٸر قوسىمشا الاڭ اشىلدى. پرەزيدەنت قىزۋ پٸكٸرتالاستار كٶشەدە ەمەس, ميتينگتەردە ەمەس, وسى مەجٸلٸس قابىرعاسىندا بولۋى كەرەكتٸگٸن ايتقانىن بٸلەسٸزدەر. سول ٷشٸن وسى پالاتا قۇرىلىپ وتىر. قوعامدىق پالاتانىڭ قۇرامى كەلەسٸ اپتادا ايتىلادى. وسى ينستيتۋت اياسىندا بۇعان دەيٸن پارلامەنت قابىرعاسىنداعى تالقىلاۋلارعا قاتىسپاعان ساراپشىلار كەلەدٸ. بٷگٸنگە دەيٸن مۇنداي قوعامدىق تالقىلاۋلار بولعان جوق. وسى پالاتا اياسىندا ٷلكەن تالقىلاۋلار بولادى دەگەن ٷلكەن ٷمٸتٸم بار», - دەدٸ مەجٸلٸس سپيكەرٸ.
ەرلان قوشانوۆ قوعامدىق پالاتا مٷشەلەرٸ اسا رەزونانستى دەگەن زاڭداردىڭ جوباسىن تالقىلاۋعا شاقىرىلاتىنىن اتاپ ٶتتٸ. ايتۋىنشا, تاياۋدا جەكە تۇلعالاردىڭ بانكروتتىعى جٶنٸندە ٷلكەن زاڭ كەلەدٸ. سونداي-اق, ەلەۋمەتتٸك كودەكس جوباسى تالقىلانادى. وتباسى ينستيتۋتىن دامىتۋ تۋرالى زاڭ جوباسى قارالادى.
«مۇنىڭ بەرٸ – قوعامدا قىزۋ پٸكٸر تۋدىرىپ جٷرگەن ٷلكەن مەسەلەلەر. بٸز سونىڭ بەرٸمەن كەرٸ بايلانىس ورناتۋىمىز كەرەك. ازاماتتار كٶشەدەگٸ ميتينگتەرگە ەمەس, وسى جەرگە كەلسٸن. بٸز سوعان مٷمكٸندٸك بەرەيٸك», - دەدٸ ەرلان قوشانوۆ.
ونىڭ سٶزٸنە قاراعاندا, قوعاممەن وسىنداي فوماتتا كەرٸ بايلانىس ورناتۋدىڭ ماڭىزى زور.
«بٷگٸنگٸ تاڭدا, ٶكٸنٸشكە قاراي, بٸزگە ايتىلىپ جٷرگەن سىن كٶپ. شىنىمىزدى ايتايىق, «زاڭ شىعارۋشىلار حالىقتان الشاقتاپ كەتكەن» دەگەن تٷسٸنٸك بار. ياعني, حالىق بٸر جاقتا, قوعام بٸر جاقتا, زاڭ بٸر جاقتا جۇمىس ٸستەپ جاتىر دەگەن پٸكٸر بار. سوندىقتان قوعامدىق پالاتانىڭ باستى ماقساتى – نەعۇرلىم ٶزەكتٸ, رەزونانستى مەسەلەلەردٸ بٸرٸنشٸ وقىلىمعا دەيٸن قوعامنىڭ تالاپ-تٸلەگٸ تۇرعىسىنان قاراستىرۋ, باستى ەرەكشەلٸك وسى. بۇدان بىلاي رەزونانستى مەسەلەلەردٸ تالقىلاعان كەزدە بەينەبايلانىس ارقىلى ٶڭٸرلەردەگٸ قوعامدىق كەڭەستەردٸ دە قوسۋىمىز كەرەك. سولار ارقىلى جەرگٸلٸكتٸ ازاماتتاردىڭ پٸكٸرٸن ەسكەرە الامىز. پالاتانىڭ قۇرامى زاڭداردىڭ ەرەكشەلٸكتەرٸنە, باعىتتارىنا بايلانىستى ٶزگەرٸپ تۇرادى. باسىم كٶپشٸلٸگٸ دەپۋتاتتار ەمەس, قوعام بەلسەندٸلەرٸ بولادى. مٷمكٸن كونسترۋكتيۆتٸ وپپوزيتسييا دەيمٸز, ولاردى دا قاتىستىرايىق. ٷكٸمەتتٸك ەمەس سەكتوردىڭ ٶكٸلدەرٸ دە تارتىلادى», - دەدٸ مەجٸلٸس تٶراعاسى.
ايتا كەتەيٸك, مەجٸلٸس تٶراعاسى ەرلان قوشانوۆ ۇلىتاۋدا ٶتكەن ۇلتتىق قۇرىلتايدا پالاتا جانىنان ەرتٷرلٸ ۇستانىمى بار ساياسي ۇيىمدار ٶكٸلدەرٸن, ساراپشىلار مەن قوعام بەلسەندٸلەرٸن قاتىستىراتىن قوعامدىق پالاتا قۇرۋ تۋرالى ۇسىنىس ايتقان بولاتىن.
