كونتراباندا مەن زاڭسىز ساۋدا سحەمالارى ەۋرازييالىق مەملەكەتتەر ٷشٸن ورتاق تٷيتكٸلگە اينالىپ وتىر, دەپ حابارلايدى "ۇلت اقپارات" مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸنە سٸلتەمە جاساپ.
ەاەو ەرەجەلەرٸ بويىنشا بارلىق قاتىسۋشىلاردىڭ كەدەندٸك الىمدارى ورتاق قورعا جينالادى جەنە تەپە-تەڭ نەگٸزدە بٶلٸنەدٸ. سوندىقتان قحر-دان كەلگەن كونتراباندا پروبلەماسىن ەلەمەۋگە بولمايدى.
قازاقستانعا ٶنٸمدٸ ەكەلۋ ٷشٸن كونترابانداشىلار تٷرلٸ سحەمالار ويلاپ تابادى. ولاردىڭ بٸرٸ-قىرعىزستان ارقىلى ەاەو اۋماعىنا كٸرۋ. بۇل جەردە قازٸرگٸ زامانعى تەحنيكامەن جەنە ينسپەكتسييالىق-تەكسەرۋ كەشەنٸمەن جابدىقتالماعان ٶتكٸزۋ پۋنكتتەرٸ سۇر يمپورت ٷشٸن مٷمكٸندٸك بەرەدٸ. قۇجاتتاردا مەلٸمدەنگەن دەرەكتەرگە سەيكەس كەلمەيتٸن تاۋار قىرعىزستان ارقىلى جاسىرىن تٷردە تاسىمالدانادى. تاۋارلار جوق الۋشىلاردىڭ اتىنا جٸبەرٸلگەن جاعدايلار تٸركەلگەن. قىرعىزستان تاراپىنان تاسىمالداناتىن جٷكتەردٸ تالداۋ قورىتىندىسى بويىنشا اعىمداعى جىلدىڭ 1 توقسانىندا جوق الۋشىلاردىڭ اتىنا تاۋار ەكەلۋدٸڭ 1,8 مىڭ فاكتٸسٸ انىقتالدى. ولار بويىنشا شىعىندار 1 ملرد تەڭگەنٸ قۇراپ وتىر.
ەستەرٸڭٸزگە سالا كەتەيٸك, اعىمداعى جىلدىڭ 27 ناۋرىزىنان باستاپ قىرعىز رەسپۋبليكاسىمەن ٶتكٸزۋ پۋنكتتەرٸندە باقىلاۋدى كٷشەيتۋ تۋرالى شەشٸم قابىلداندى. قازاقستان-قىرعىز جەنە قازاقستان-رەسەي شەكاراسىندا باقىلاۋ ٸس-شارالارى جول بويىندا جٷرگٸزٸلەدٸ. ٸلەسپە جٷك قۇجاتتارى ناقتى ورنى اۋىستىرىلاتىن جٷكپەن مۇقييات سالىستىرىلىپ تەكسەرٸلەدٸ.
وسىلايشا, قازاقستان ٶزٸن «سۇر يمپورت» پەن كونتراباندادان قورعايدى.
