Kontrabanda men zańsyz saýda shemalary Eýraziialyq memleketter úshin ortaq túitkilge ainalyp otyr, dep habarlaidy "Ult aqparat" Memlekettik kirister komitetiniń baspasóz qyzmetine silteme jasap.
EAEO erejeleri boiynsha barlyq qatysýshylardyń kedendik alymdary ortaq qorǵa jinalady jáne tepe-teń negizde bólinedi. Sondyqtan QHR-dan kelgen kontrabanda problemasyn elemeýge bolmaidy.
Qazaqstanǵa ónimdi ákelý úshin kontrabandashylar túrli shemalar oilap tabady. Olardyń biri-Qyrǵyzstan arqyly EAEO aýmaǵyna kirý. Bul jerde qazirgi zamanǵy tehnikamen jáne inspektsiialyq-tekserý keshenimen jabdyqtalmaǵan ótkizý pýnktteri sur import úshin múmkindik beredi. Qujattarda málimdengen derekterge sáikes kelmeitin taýar Qyrǵyzstan arqyly jasyryn túrde tasymaldanady. Taýarlar joq alýshylardyń atyna jiberilgen jaǵdailar tirkelgen. Qyrǵyzstan tarapynan tasymaldanatyn júkterdi taldaý qorytyndysy boiynsha aǵymdaǵy jyldyń 1 toqsanynda joq alýshylardyń atyna taýar ákelýdiń 1,8 myń faktisi anyqtaldy. Olar boiynsha shyǵyndar 1 mlrd teńgeni qurap otyr.
Esterińizge sala keteiik, aǵymdaǵy jyldyń 27 naýryzynan bastap Qyrǵyz Respýblikasymen ótkizý pýnktterinde baqylaýdy kúsheitý týraly sheshim qabyldandy. Qazaqstan-Qyrǵyz jáne Qazaqstan-Resei shekarasynda baqylaý is-sharalary jol boiynda júrgiziledi. Ilespe júk qujattary naqty orny aýystyrylatyn júkpen muqiiat salystyrylyp tekseriledi.
Osylaisha, Qazaqstan ózin «sur import» pen kontrabandadan qorǵaidy.
