قاھارلى قۇدٸرەت
ول سوڭعى 10 كٷن ٸشٸندە ادامداردىڭ زىعىردانىن قايناتتى. ەشەيٸندە كەشكٸ استان سوڭ ىدىس-اياعىن جۋماي ٷندٸ, تٷرٸك سەريالدارىن قاراۋعا وتىرا كەتەتٸن «حانىمداردىڭ» قولىنا بٸر شەلەك كٶمٸر مەن شىرپى ۇستاتىپ قويدى. كٶشەدە جەلدٸڭ ٶتٸندە جٷرسە دە, كاپرون شۇلىق كيەتٸن قىزداردىڭ نەپسٸسٸن تەۋبەسٸنە تٷسٸردٸ. تٷندەلەتٸپ, كٶشەنٸڭ بۇرىش-بۇرىشىنان تاماق قالدىعىن ٸزدەپ كەتەتٸن يتتەردٸ كٷركەگە تىقتى. كٶشە بويىندا تاڭعى, تٷسكٸ, كەشكٸ ۋاقىتتاردا ادام اياعى كٶپ جٷرەتٸن جەرلەردە وتىراتىن بايىرعى مەملەكەتتٸك قىزمەتكەر, دەرٸگەر, بۋحگالتەر, مۋزىكانت بولعان جانداردىڭ تٷر-تٷرٸن جيناپ بٸر لاشىققا تىقتى.
ارا-اراسىندا قاسقىردىڭ نە جەلدٸڭ داۋسى ەكەنٸ بەلگٸسٸز تەرەزەلەردٸڭ تىعىنىنان اندا-ساندا ەن سالىپ قويادى. بەت قارىعان ىزعاردان قالىڭ بەتتەر دە ۇيالىپ, قىزاراتىن بولدى. ٷي تۇرعىندارىنان ۇيالعاندىقتان داۋىلدى كٷندەرٸ كٶپپەتەرلٸ تۇراقجايلاردىڭ تٶبەسٸ پاتىرلاۋعا كٶشتٸ. كٷندٸزگٸ تىنىق كەزدە ٷن-تٷنسٸز مٷلگٸپ تۇرادى دا, قاراڭعى شىمىلدىعىن جازا سالا قايتا ەنٸنە سالادى. اراسىندا ليريكالىق, بٸردە روك, دجاز, رەپ باعىتتارىندا ەن سالۋ ٷشٸن اسپاپتارىن سايلاپ, ۇقساتا الماسىن بايقاعان سوڭ تىنىشتالا قويادى. جازدى كٷنٸ ينەسٸن قاداپ شاعىپ العان اراداي تۇلا بويىڭدى تٸتٸركەندٸرەدٸ. مٸنە, ساعان جاز بويى مەنٸ اڭساپ ەدٸڭ دەپ, دولى كٷشٸنە ەنەدٸ. قانشا دولى بولسا, تابيعات پەن قۇدايدىڭ الدىندا ٶز ەمٸرٸنٸڭ ۋاقىتشا ەكەندٸگٸن بٸلە مە ەكەن, ەيتەۋٸر, تٷسكٸ ساعات ٷش شاماسىندا كٶڭٸلدەنٸپ, جىلى نۇرىن تٶگەدٸ.
ەنە, ول تاعى دا اشۋىنا مٸندٸ. ايالداماعا تاياۋ ماڭدا اۋىر سٶمكەسٸن ارقالاپ, جەڭٸل كٷرتەمەن جالاڭ باس كەتٸپ بارا جاتقان بويجەتكەننٸڭ نەزٸك ساۋساقتارىن قاۋقارىنان ايىرىپ, كٶزٸنەن جاس اعىزدى.
جاساندى ينتەللەكت
جاس ٸزدەنۋشٸ تاعى مٸنەزٸن تيعان. العاشقىدا ٷستەل ٷستٸنە قارا جۇمىستان كٷس-كٷس بولعان قولىن قويۋعا جاسقاناتىن. تٸپتٸ, كٸتاپ وقىعاندا سىرتىنان بايدىڭ ەيەلٸ دوبالداي قولدارىن كٶرٸپ قويادى ما دەپ قىسىلاتىن. ەلگٸ ٷيدٸڭ ٶزٸنەن 3 جاس ٷلكەن قىزى مەن اناسىنىڭ بٸر-بٸرٸنە سىپايى سٶيلەيتٸنٸنە تاڭداناتىن. ٶزٸ سەكٸلدٸ ماتروستاردىڭ قىلىعى مەن باي بالاسىنىڭ دەرەجەسٸ جەر مەن كٶكتەي دەپ ويلايتىن. ەندٸ مٸنە, ارادا بٸر جارىم جىل ٶتكەندە اقسٷيەكتەر ەۋلەتٸنٸڭ سىرتتاي بٸلٸمدٸ, ٶركەنيەت كٶشٸنەن قالماعان, عىلىم-بٸلٸمنٸڭ سان سالاسىن جاستايىنان بٸلٸپ ٶسكەن اقساۋساق جٸگٸتٸنٸڭ ناداندىعىنا قايران قالىپ وتىر. ٸشٸنەن «مىنالاردىڭ ۋنيۆەرسيتەتكە العان بٸلٸم قايدا كەتكەن? وسىنشا ۋاقىت مىنا مەندەي ماتروسقا قاراعاندا جوعارى تاپ ٶكٸلٸ سانالاتىن «زاڭقويلاردىڭ ەركەتوتايلارى جاساندى ينتەللەكت» ەكەن» دەۋمەن كەڭ ٷيدەگٸ ورتادان جيٸركەنٸپ كەتتٸ.
لاشىقتان شىققان اقىلدىلار
ٶمٸرٸندە دەل ٶزٸندەي ويلايتىن ادامعا جولىعارمىن, تٸل تابىسىپ, شەر تارقاتۋعا تۇرارلىق سەتتەردە كٶسٸلٸپ سٶيلەرمٸن دەپ ويلاماعان. جاڭا تانىسى ودان دا باسقا جاڭاشىل يدەيالارعا باسىمدىق بەرەتٸن دوستارىمەن تانىستىردى. قالانىڭ كەدەيلەرمەن جان-جاقتان جينالعان كەلٸمسەكتەر مەكەن ەتەتٸن شەتكٸ ايماعىنا بارۋعا كٷننٸڭ ەكٸنشٸ بٶلٸگٸن ارنادى. سپەنسەردٸڭ كٶزقاراستارىن تالقىلادى.
بٸر تاڭعالارلىعى, جاڭا تانىسقان جولداستارىنىڭ بارلىعى جوعارى وقۋ ورنىن بٸتٸرمەگەن. ەشقانداي دٸندٸ ۇستانبايدى. بٸراق, جاراتۋشىنىڭ بارىنا تىلسىم كٷشتٸڭ يٸرٸپ ەكەتەتٸنٸنە سەنەدٸ. كەيبٸرٸ ورتا بٸلٸمدٸ دە تولىق الماعان. كٶپبالالى وتباسىندا دٷيەگە كەلٸپ, 9-11 جاسىنان باستاپ تەڭٸزدەن نەپاقاسىن تاۋىپ جٷرگەن جاستار. ەرقايسىسىنىڭ كٶزٸندە وت پەن الىسقا جەتەلەيتٸن ٷمٸت بار. ەلسٸز جانعان شىراقتى سٶندٸرٸپ الماس ٷشٸن ەر اپتانىڭ سوڭىندا ٶزدەرٸن بولاشاقتىڭ زييالى قاۋىمى سانايتىن قارا جۇمىسشىلار تار بٶلمەگە جينالادى. تاڭعا دەيٸن سٶز جارىستىرۋدان, «ۇيقىنى دەمالىسقا جٸبەرۋدەن» تايىنبايدى.
كٶز كامەراسى
جاڭاشىلدىق پەن جاسامپازدىقتى تۋ ەتكەن جاستاردىڭ الدىندا ول ٶزٸن اقىماق كٶرسەتتٸ. دەگەنمەن, اقىماق بولمادى. جاي عانا اقىماق بولىپ كٶرٸنگٸسٸ كەلدٸ. سٶرەدە تۇرعان كٸتاپتاردى مىسىقشا تٸمٸسكٸلەپ, قۇپييا قازىنانىڭ قۇلپىن اشقانداي اڭتارىلىپ جٷردٸ. دىمىن بٸلدٸرمەي بەسەكەلەستەرٸنٸڭ شاماسىن بايقادى. ٶزٸمسٸنگەن ادامدارعا بٶتەنسٸمەدٸ. اۋىق-اۋىق قارسى الدىنداعىلاردىڭ كٶزٸنە قارايدى. كٸم بٸلەدٸ, ەرقايسىسىنىڭ ٸشٸندە بٸر پەرٸشتە, بٸر زۇلىم جاتقان شىعار دەگەن ويمەن كٷدٸكتەنە كٶز تاستايدى. كٶز كامەراسىنا قولايسىز ەشتەڭە تٷسە قويماعان سوڭ بۇرىشتاعى پيانينونى ەرمەك ەتەدٸ.
قايتارىمسىز ەڭبەك
سوڭعى كٷندەرٸ تىعىز كٷن تەربٸنەن ەبدەن تيتىقتادى. جانارى تٶڭكەرٸلٸپ, قىزارا قارايدى. تٷنگٸ ۇيقىنى شام جارىعىمەن وتىرىپ قارايتىن ەسكٸ قولجازبالارعا ايىرباستاعان. 4 ساعات ۇيىقتاعان اتى بولماسا, ەشبٸر سەريالدان كەم ەمەس شىم-شىتىرىق تٷستەردٸ كٶرٸپ شىعادى. اشىعان ميى دا ەلسٸن-ەلسٸن سولق ەتە قالعانىمەن شىداۋعا ٷيرەنگەن. ول دا بٸر كٷنٸ تەكەتٸرەسكە تولى ەڭبەك مايدانىندا جارىلىپ كەتۋٸ مٷمكٸن. قىزىلٸڭٸردەن ٷستەلگە سالبىراعان باسى تٷن جارىمىنا شەيٸن بٸر كٶتەرٸلمەيدٸ. تۋرا بٸر كٷنگە قاراپ ٶسەتٸن كٷنباعىس سەكٸلدٸ. ۇيقى شاقىرىپ, سانا مەڭگٸرە باستاعاندا, قاعاز بەتٸن جاۋلاپ العان ەرٸپتەر تىم-تىراقاي قاشا جٶنەلەدٸ.
شاپاعات سەردەلٸ
.jpg)