بٸز تٷك تە ٶزگەرمەپپٸز.
ٶزٸمٸزدٸ ٶزگەرتۋگە اسا قۇلىقتى دا ەمەس ەكەنبٸز.
بٸرەۋ كەلٸپ قۇلدىق قامىتتى موينىمىزدان الىپ تاستايدى. بٸز قايتادان بارىپ سوعان باسىمىزدى تىعا بەرەدٸ ەكەنبٸز. ٶيتكەنٸ, موينىمىز قامىتقا ەبدەن ٷيرەنگەن. قوعامنىڭ باسى تابىتقا جەتكەنشە قالمايتىن نەتكەن بەرٸك قامىت بۇل?
«سوقىر تاۋىق كٶرگەنٸنەن جازبايدى» دەگەن بار. بٸزدٸڭ دە بار كٶرگەنٸمٸز كسرو, كٶكسەگەنٸمٸز دە كسرو. باسقانى كٸنەلاپ كەرەگٸ جوق. بار پەلە ٶزٸمٸزدە. دەلەل ٸزدەپ الىسقا بارۋدىڭ قاجەتٸ شامالى.
27 قازان كٷنٸ اتىراۋداعى «مۇنايشى» ستاديونىندا كسرو فۋتبول قۇراماسىنىڭ ارداگەرلەرٸ مەن مۇنايلى ٶڭٸردەگٸ ارداگەر-فۋتبولشىلاردىڭ جولداستىق كەزدەسۋٸ ٶتتٸ.
بٸرٸنشٸ تايمدا ورىس ويىنشىلارى بەس دوپ سالدى. اتىراۋ باسپاسٶزٸ «كەزٸندە ەلەمدٸك دوپ دوداسىندا وداقتىڭ نامىسىن قورعاعان شەبەرلەرگە قارسى تۇرۋ اتىراۋلىق ارداگەر-فۋتبولشىلارعا وڭايعا تٷسكەن جوق», دەپ جازدى. اقىرى 6:2 ەسەبٸمەن كسرو-نىڭ ارداگەر-فۋتبولشىلارى جەڭٸسكە جەتتٸ.
«كسرو-نىڭ ارداگەر-فۋتبولشىلارىنىڭ قۇرامىندا قاقپاشى رينات داساەۆ, ولەگ رومانتسەۆ, يگور بەلانوۆ, ۆاگيز حيديياتۋللين, يۋريي كوۆتۋن, ۆالەريي كەچينوۆ, يۋريي گاۆريلوۆ, ۆالەريي شماروۆ سىندى ەلەمگە ەيگٸلٸ شەبەرلەر وينادى», دەگەن اقپاراتتى وقىپ وتىرىپ ويعا قالاسىز. قارتايسا دا قاتاردان قالمايتىن نەتكەن مىقتىلار بۇلار? «ەلەمگە ەيگٸلٸ» دەپ دابىرايتاتىن بٸز عانا. كەز كەلگەن شەتەلدٸكتەن سۇراپ كٶرٸڭٸزشٸ, وسى اتالعان فۋتبولشىنىڭ بٸرەۋٸن دە بٸلمەيدٸ.
وسى فۋتبول ارداگەرلەرٸ دەپ ەسپەتتەپ وتىرعان ادامدار بٸرەسە اتىراۋدا, بٸرەسە الماتىدا, ەندٸ بٸردە استانادا جولداستىق كەزدەسۋلەر ٶتكٸزٸپ جاتادى. نە ٷشٸن? قانداي قارجىعا?
«سول كەزدەگٸ فۋتبولدى ساعىنعانىمىز» ٷشٸن بە? جوق, بٸزدٸڭ قازاقتار فۋتبولدى ەمەس, كسرو-نى ساعىنادى. ٷيٸندە جاتقان رەسەيلٸك زەينەتكەرلەر اقشاسىن تٶلەپ, استىنا تاي, الدىنا ماي توسىپ, بٸرەۋلەر ٶبەكتەپ جاتسا نەسٸ كەتەدٸ? كەلەدٸ. ٸشەدٸ. جەيدٸ. كەتەدٸ. ال سولاردان نە ٷيرەندٸك? قازاقستان فۋتبولى كسرو دەڭگەيٸنە قاراپ ٶسەتٸن بولسا, جەتٸسكەن ەكەنبٸز. نەگە ەلەمگە ەيگٸلٸ پەلە كەلٸپ, بٸزبەن فۋتبول وينامايدى? ٶيتكەنٸ, ول مۇنىڭ ۇيات ەكەنٸن بٸلەدٸ.
تەك فۋتبول ەمەس, قازٸرگٸ تاڭدا قازاقستان ارنالارىن دا كسرو ەلەسٸ كەزٸپ جٷر. ورت ارناسى سونىڭ ايقىن دەلەلٸ. رەسەيدٸڭ «مەرزٸمٸ ٶتكەن» جۇلدىزدارى قازاقستان اسپانىن «جاۋلاپ الۋعا» اسىعادى. جايىلىپ جاستىق, يٸلٸپ تٶسەك بولاتىن مۇنداي ەلدٸ ولار ەلەمنٸڭ باسقا جەرٸنەن يتپەن ٸزدەسە دە تابا الار ما ەكەن?
بولات پەن بالعادان جاسالعان كسرو كٶيلەگٸ كٶنەرمەيدٸ ەكەن. ەشبٸر ەل ول كٶيلەكتٸ قايتا كيگٸسٸ كەلمەيدٸ. سٸرەسٸپ جٷرگٸسٸ كەلمەيدٸ. تەك بٸزدٸڭ ەل عانا ٶز ەركٸمەن كسرو كٶيلەگٸن ٷستٸنەن تاستاعىسى كەلمەيدٸ.
«ەركٸمەن» دەگەندٸ سەل ارتىق ايتقان سيياقتىمىز. قۇلدا ەرٸك بولمايدى ەكەن عوي!
نۇرتٶرە جٷسٸپتٸڭ فەيسبۋكتاعى جازباسىنان
