استاناداعى بالالاردى وڭالتۋ ورتالىعىنا كونديتەرلٸك ٶنٸم جەتكٸزگەن كەسٸپورىنعا 350 مىڭ تەڭگە ايىپپۇل سالىندى, دەپ حابارلايدى قازاقپارات.
بۇل تۋرالى نۇر-سۇلتان قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ حابارلادى.
«نۇر-سۇلتان قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ «University Medical Center» كورپوراتيۆتٸك قورىنىڭ بالالاردى وڭالتۋ ۇلتتىق ورتالىعىندا كونديتەرلٸك ٶنٸمنەن بٶگدە ماتەريال (تىشقان) شىققانىنا بايلانىستى اتالعان ٶنٸمدٸ ٶندٸرۋشٸ مەن جەتكٸزۋشٸنٸڭ ٷستٸنەن جوسپاردان تىس تەكسەرۋ جٷرگٸزٸلگەنٸن حابارلايدى.
تەكسەرۋ كەزٸندە ۇننان جاسالعان كونديتەرلٸك ٶنٸمدەردٸ ٶندٸرۋ تسەحى تيٸستٸ ورىندارعا ٶزٸنٸڭ قىزمەتٸن باستاعانى تۋرالى حابارلاماستان قىزمەتٸن جٷزەگە اسىرعاندىعى انىقتالدى. سانيتارييالىق قاعيدا تالاپتارىنىڭ, ونىڭ ٸشٸندە تاماق ٶنٸمدەرٸن ٶندٸرۋدٸڭ تەحنولوگييالىق پروتسەسٸ بويىنشا بٸرقاتار بۇزۋشىلىقتار انىقتالدى», - دەلٸنگەن دەپارتامەنتتٸڭ دەرەگٸندە.
دەپارتامەنت ماماندارى انىقتاعان زاڭسىزدىقتار بويىنشا كەسٸپكەرلٸك نىسان ەكٸمشٸلٸك قۇقىق بۇزۋ كودەكسٸندەگٸ 425-باپتىڭ 1-بٶلٸگٸ بويىنشا 352 245 تەڭگە كٶلەمٸندە ايىپپۇل تٶلەيتٸن بولدى. ال كەسٸپورىننىڭ قىزمەتٸن باستاعانى تۋرالى حابارلاماعانى تۋرالى ماتەريالدار ەكٸمشٸلٸك قۇقىق بۇزۋ كودەكسٸنٸڭ 463-بابىنىڭ 1-بٶلٸگٸ بويىنشا سوتقا جٸبەرٸلٸپ, سانيتارييالىق نۇسقاما بەرٸلگەن.
«قر ساۋدا جەنە ينتەگراتسييا مينيسترلٸگٸ تەحنيكالىق رەتتەۋ جەنە مەترولوگييا كوميتەتٸنٸڭ نۇر-سۇلتان قالاسى بويىنشا دەپارتامەنتٸنە ٶندٸرٸلەتٸن ٶنٸمگە سەيكەستٸك تۋرالى بەرٸلگەن دەكلاراتسييانىڭ زاڭدىلىعىن انىقتاۋ جەنە ونىڭ كٷشٸن جويۋ تۋرالى مەسەلەنٸ قاراۋ جٶنٸندە حات جولداندى.
دەپارتامەنت بيزنەس سۋبەكتٸلەرٸنە اۋتسورسينگتٸك كومپانييالار مەن تاماق ٶنٸمدەرٸن جەتكٸزۋشٸلەردٸ تاڭداۋدا مۇقييات بولۋدى ۇسىنادى. قاجەت بولسا, وبەكتٸگە بارىپ, ونىڭ دۇرىس سانيتارلىق جاعدايىنا كٶز جەتكٸزگەن جٶن. بۇل بولاشاقتا وسىنداي جاعدايلاردى جەنە تاماقتان ۋلانۋ قاۋپٸن بولدىرماۋعا كٶمەكتەسەدٸ», - دەپ جازىلعان رەسمي اقپاراتتا.
