قازاق-قىتاي بٸرلەسكەن كينوجوباسى - «كومپوزيتور» كٶركەم فيلمٸ IX حالىقارالىق بەيجٸڭ كينوفەستيۆالٸنٸڭ نەگٸزگٸ كونكۋرستىق باعدارلاماسىنا قاتىسادى (The 9th Beijing International Film Festival), دەپ حابارلايدى "ۇلت اقپارات" «قازاقفيلم» كينوستۋديياسىنا سٸلتەمە جاساپ.
اتالعان فەستيۆال 13-20 سەۋٸر ارالىعىندا قىتاي استاناسىندا ٶتەدٸ. قحر نەگٸزٸ قالانۋىنىڭ 70-جىل تولۋىنا وراي كينوفەستيۆالدٸڭ بيىلعى تاقىرىبى «وتان» دەپ اتالادى.
كٶركەم لەنتا قىتايلىق كومپوزيتور سي سينحايدىڭ كەڭەس وداعى كەزٸندە الماتىعا ەۆاكۋاتسييالانعان كەزٸ جەنە ونىڭ قازاق كومپوزيتورى باقىتجان بايقاداموۆپەن دوستىعى تۋرالى باياندايدى. فيلمدٸ ش.ايمانوۆ اتىنداعى «قازاقفيلم» كينوستۋديياسى جەنە قىتايلىق «Shineworks Pictures», «China film coproduction corporation» كومپانييالارى تٷسٸرگەن.
باقىتجان بايقاداموۆتىڭ وبرازىن تانىمال قازاقستاندىق اكتەر بەرٸك ايتجانوۆ سومداعان. ال سي سينحايدى قىتايلىق اكتەر حۋ چجۋن وينايدى. سونىمەن قاتار, كارتينادا باسقا دا وتاندىق اكتەرلەر بوي كٶرسەتەدٸ - التىناي نٶگەربەك, ارۋجان جازىلبەكوۆا, سەرگەي ۋفيمتسەۆ جەنە باسقالار. قويۋشى رەجيسسەرٸ - شەرزات ياكۋب, سو-رەجيسسەرٸ - سەبيت قۇرمانبەكوۆ.
«كومپوزيتور» فيلمٸ بەيجٸڭ كينوفەستيۆالٸندە باستى جٷلدەگە - Tiantan («اسپان عيباداتحاناسى») سىيلىعىنا ٸرٸكتەلٸپ الىنعان ەلەمنٸڭ 14 فيلممەن قاتار باق سىنايدى.
Tiantan Award جٷلدەسٸنٸڭ حالىقارالىق قازىلار القاسى تانىمال كينەماتوگرافيستەردەن قۇرالعان. ولار جٷلدەلەردٸ ون نوميناتسييا - ٷزدٸك كٶركەم فيلم, ٷزدٸك رەجيسسۋرا, اكتەرلٸك شەبەرلٸك (سونىمەن قاتار ەكٸنشٸ پلانداعى اكتەر), ٷزدٸك ستسەناريي, ٷزدٸك مۋزىكا جەنە ۆيزۋالدى ەففەكتٸلەر بويىنشا تابىستايدى. قازىلار القاسىنا «ارىستان پاتشا» انيماتسييالىق فيلمٸ بويىنشا تانىلعان, امەريكالىق رەجيسسەر جەنە پروديۋسەر روب مينكوفف تٶراعالىق ەتەتٸن بولادى.
حالىقارالىق كينوفەستيۆال بەيجٸڭ قالاسى ەكٸمشٸلٸگٸنٸڭ قولداۋىمەن 2011 جىلدان باستاپ جىل سايىن ٶتٸپ كەلەدٸ. Tiantan Award-2019 پرەميياسىنىڭ جەڭٸمپازدارى 2019 جىلدىڭ 20 سەۋٸر كٷنٸ كينوفەستيۆالدٸڭ جابىلۋ سالتاناتىندا بەلگٸلٸ بولماق.
ەستەرٸڭٸزگە سالا كەتەيٸك, «كومپوزيتور» فيلمٸنٸڭ ٶندٸرٸسٸ ٷكٸمەت دەڭگەيٸندە ۇيىمداستىرىلعان بولاتىن. 2015 جىلى 31 تامىزدا قر تۇڭعىش پرەزيدەنتٸ - ەلباسى نۇرسۇلتان نازارباەۆ جەنە قىتاي حالىق رەسپۋبليكاسىنىڭ تٶراعاسى سي تسزينپيننٸڭ قاتىسۋىمەن ٶتكەن مەدەني-گۋمانيتارلىق ىنتىماقتاستىق تۋرالى كەلٸسٸمگە قول قويىلعان كەزدە ۋاعدالاستىق ەتٸلگەن. قر مەدەنيەت جەنە سپورت مينيسترلٸگٸنٸڭ ۇسىنىسى بويىنشا ش.ايمانوۆ اتىنداعى «قازاقفيلم» اق مەن قىتايلىق Shineworks Pictures كومپانيياسى اراسىندا اتالعان فيلمدٸ بٸرلەسە ٶندٸرۋ, قارجىلاندىرۋ, جەنە پايدالانۋ جٶنٸندە كەلٸسٸمگە وتىرعان.
2017 جىلى 8 ماۋسىمدا قحر تٶراعاسى سي تسزينپيننٸڭ قازاقستانعا جاساعان ساپارى اياسىندا قول قويىلعان بٸرلەسٸپ كينوٶندٸرٸستٸ جٷرگٸزۋ تۋرالى مەملەكەتارالىق كەلٸسٸم نەگٸزٸندە اتالعان كينوجوبا ٸسكە اسقان بولاتىن.
كارتينانىڭ تٷسٸرٸلٸمدەرٸ 2017 جىلى ٶتٸپ, فيلمنٸڭ بٸراز بٶلٸگٸ قازاقستاندا جٷرگٸزٸلدٸ.
