مەجٸلٸس جەنە مەسليحات سايلاۋ ٶتەتٸن كٷن - 10 قاڭتاردا دەنە قىزۋى بار ازاماتتار سايلاۋ ۋچاسكەسٸنە كٸرگٸزٸلمەيدٸ. 29 جەلتوقسان كٷنگٸ بريفينگ كەزٸندە الماتى قالاسىنىڭ ايماقتىق سايلاۋ كوميسسيياسىنىڭ تٶرايىمى وسىلاي دەپ حابارلادى. ال قۇقىق قورعاۋشى "دەنە قىزۋى بار ادامداردى داۋىس بەرۋ قۇقىعىنان ايىرۋ - ادام قۇقىعىن بۇزۋ" دەپ سانايدى.
الماتى قالاسىنىڭ ايماقتىق سايلاۋ كوميسسيياسىنىڭ تٶرايىمى جاننا اسانوۆانىڭ ايتۋىنشا, 10 قاڭتاردا قالاداعى سايلاۋ ۋچاسكەلەرٸنٸڭ كٸرە بەرٸسٸنە كەلگەندەردٸڭ دەنە تەمپەراتۋراسىن ٶلشەپ تۇراتىن ارنايى جابدىق ورناتىلادى.
— دەنە قىزۋى بار سايلاۋشى سايلاۋ ۋچاسكەسٸنە كٸرگٸزٸلمەيدٸ. ولار داۋىس بەرمەيدٸ. سەبەبٸ, قازٸر كوروناۆيرۋس جۇققاندار ارتىپ بارادى, قاۋٸپ بار. سايلاۋ ۋچاسكەسٸندە دەنە قىزۋى كٶتەرٸلگەن ادامداردان بٶلەك, دەنساۋلىعىن قورعاعىسى كەلەتٸن ادامدار بار عوي. سول سەبەپتٸ ەرەجەگە سەيكەس, تەمپەراتۋراسى بار ادامدار كٶپشٸلٸك ورىنعا جٸبەرٸلمەيدٸ, — دەدٸ اسانوۆا.
سايلاۋ كوميسسيياسى ٶكٸلدەرٸنٸڭ ايتۋىنشا, دەنساۋلىعىنا بايلانىستى نەمەسە ٷيدە ناۋقاس تۋىسىن قاراپ, ۋچاسكەگە بارا المايتىن ادامدار تٷسكٸ 12-دەن كەشٸكپەي جازباشا ٶتٸنٸش جازىپ, سايلاۋ كوميسسيياسى مٷشەلەرٸن ٷيگە شاقىرا الادى. اسانوۆانىڭ ايتۋىنشا, ٶتٸنٸشتٸ سايلاۋشىنىڭ ٶزٸ نەمەسە سەنٸمدٸ ٶكٸلٸ تاپسىرۋى تيٸس. تەلەفون ارقىلى ٶتٸنٸش قابىلدانبايدى.
— تەمپەراتۋراسى بار كەز كەلگەن ادام سايلاۋ ۋچاسكەسٸنە بارىپ, اينالاداعى ادامداردىڭ ٶمٸرٸن قاۋٸپكە تٸگەدٸ دەپ ويلامايمىن, قۇقىعىم بۇزىلدى دەپ داۋلامايدى دەپ سانايمىن, - دەدٸ اسانوۆا.
ول ماسكاسى جوق ادامداردىڭ دا سايلاۋ ۋچاسكەسٸنە كٸرگٸزٸلمەيتٸنٸن ايتتى. ستاتسيونارلاردا كوروناۆيرۋستان ەمدەلٸپ جاتقان ادامدارعا اۋرۋحانادا ارنايى ۋچاسكەلەر اشىلادى.
Liberty قوعامدىق قورىنىڭ جەتەكشٸسٸ عالىم اعەلەۋوۆ دەنە قىزۋى بار ادامدى داۋىس بەرۋ قۇقىعىنان ايىرۋ - ادام قۇقىعىن بۇزۋ دەپ باعالايدى.
— ولاردىڭ داۋىس بەرۋگە قۇقىعى بار - بۇل ولاردىڭ اجىراماس قۇقىعى. كارانتينگە سٸلتەۋ دە دۇرىس ەمەس. مەملەكەت ولارعا بالاما مٷمكٸندٸك بەرۋٸ تيٸس قوي. ەگەر ادام داۋىس بەرەتٸن كٷنٸ اۋىرىپ قالسا, 12-گە دەيٸن سايلاۋ ۋچاسكەسٸنە حابارلاسا الادى, كوميسسييا مٷشەلەرٸ جىلجىمالى جەشٸكپەن كەلٸپ, داۋىس بەرۋٸنە جاعداي جاساۋى تيٸس. ادام تەمپەراتۋراسى بار ەكەنٸن ۋچاسكەگە كەلگەننەن كەيٸن بٸر-اق بٸلۋٸ مٷمكٸن عوي. بارلىق ساقتىق شارالارى ساقتالۋى تيٸس. وسك قاۋلىسىمەن ەر كوميسسييادا قورعانىش كيٸم كيگەن مەديتسينا قىزمەتكەرلەرٸ بولۋى كەرەك. بۇل قىزمەتكەرلەر جىلجىمالى جەشٸكپەن سونداي ادامدارعا قىزمەت كٶرسەتۋگە مٸندەتتٸ. ٶزگە ەلدەردە مۇنداي تىيىم جوق, — دەدٸ قۇقىق قورعاۋشى.
قازاقستاندا مەجٸلٸس جەنە مەسليحات سايلاۋى 10 قاڭتاردا ٶتەدٸ.
