قازاقستاندىق بلوگەر سەرٸك تلەۋلەسوۆ (superpapa_serik) بالانىڭ ەمٸنە اقشا جينايمىن دەپ باسى داۋعا قالدى, - دەپ حابارلايدى Tengrinews.kz.
بلوگەر بالانىڭ اناسىنا جينالعان اقشانىڭ 20 پايىزىن ۇستاپ قالاتىنىن ايتقان.
ارتىنشا ەر ادامنىڭ ٶزٸ بۇل مەسەلەنٸڭ مەن-جايىن تٷسٸندٸردٸ. ونىڭ سٶزٸنشە, ول ەشقاشان اقشا جيناعانى ٷشٸن كوميسسييا ۇستاپ قالماعان. ال ۇستاپ قالعان 20 پايىزىن ول باسقا بالانىڭ ەمٸنە بەرگٸسٸ كەلگەنٸن ايتادى.
"بۇل مەسەلەنٸ كٶتەرگٸم كەلمەپ ەدٸ, بٸراق كٶبٸ جازىپ, تالاپ ەتٸپ جاتىر (...) اقپاندا بٸر ەيەلگە اقشا جيناپ, كٶمەكتەسۋٸم كەرەك بولعان. بٸراق استاناعا ٸسساپارمەن بارۋىما تۋرا كەلدٸ. وعان دەيٸن ماعان نۇر-سۇلتانداعى بٸر انا بالاسىنا كٶمەك سۇراپ, ماعان جازعان بولاتىن. بٸر شەتٸ كٶمەك سۇراعان ەيەلمەن كەزدەسەيٸن دەپ شەشتٸم. مەن كەلٸپ, ماتەريال تٷسٸرٸپ, بالامەن كەزدەستٸم. بٸراق جينالاتىن اقشانىڭ 20 پايىزىن ٶزٸمە الاتىنىمدى ايتتىم, سەبەبٸ ونى بۇعان دەيٸن كٶمەك سۇراعان ەيەلگە بەرگٸم كەلگەن. مەنٸڭ قاتەلٸگٸم - ول اقشانى نە ٷشٸن الاتىنىمدى ايتپاۋىمدا. جاي 20 پايىزىن بٸر ادامعا بەرۋٸم كەرەك دەدٸم", - دەيدٸ بلوگەر.
ونىڭ سٶزٸنشە, ەيەل ادام كەلٸسٸپ, ەشتەڭە ايتپاعان. بالاسىنا كٶمەكتەسۋدٸ سۇراعان ەيەل ادامعا ەكٸ ميلليونداي جينالعان, سونىڭ 286 مىڭىن بلوگەرگە بەرگەن. سەرٸكتٸڭ ايتۋىنشا, ول 286 مىڭدى باسقا مۇقتاج ەيەلگە بەرٸپ, ونى ۆيدەوعا تٷسٸرٸپ العان.
وسى جايتتان كەيٸن بلوگەر ەندٸ ەشقاشان اقشا جينامايتىنىن اتاپ ٶتتٸ.
