كٶلساي كٶلدەرٸ, التىن ەمەل, شارىن ۇلتتىق پاركتەرٸندە ينۆەستوردى انىقتاۋعا اشىق بايقاۋ جارييالاندى, دەپ حابارلايدى قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز قىزمەتٸ.
الماتى قالاسىندا «كٶلساي كٶلدەرٸ», «التىن ەمەل» جەنە شارىن مەملەكەتتٸك ۇلتتىق تابيعي پاركتەرٸنٸڭ قوعامدىق كەڭەستەرٸ ەكولوگييالىق تۋريزمدٸ دامىتۋدىڭ تۇجىرىمدامالارى بويىنشا بٸرلەسكەن جينالىس ٶتكٸزدٸ.
سەبەبٸ ۇلتتىق پاركتەردٸڭ رەكرەاتسييالىق اۋماقتاعى جەرلەرٸندە ەكوتۋريزمدٸ دامىتۋ ماقساتىندا, ەرەجەگە سەيكەس, تەندەرلٸك قۇجات جوباسى الدىن الا تالقىلانىپ, بايقاۋ اشىق جارييالانۋى تيٸس.
جيىندى اشقان قر ەكولوگييا, گەولوگييا جەنە تابيعي رەسۋرستار مينيسترٸنٸڭ ورىنباسارى ەرلان نىسانباەۆ ۆەدومستۆو پرەزيدەنت تاپسىرماسى بويىنشا ەكوتۋريزمدٸ ٶركەندەتۋدٸڭ كەشەندٸ شارالارىن جٷزەگە اسىرىپ جاتقانىن ايتتى.
«ەكولوگييالىق تۋريزمدٸ دامىتۋدىڭ تۇجىرىمدامالارى تانىستىرىلىپ, قوعاممەن ماقۇلداندى. وسىعان بايلانىستى قابىلدانعان تۇجىرىمداماعا سەيكەس, پاركتەردٸڭ باس جوسپارلارىنىڭ ەكوتۋريزم ينفراقۇرىلىمىنا قاتىستى جەرلەرٸنە ٶزگەرٸس ەنگٸزٸلدٸ»,- دەدٸ ۆيتسە-مينيستر.
ٷش ۇلتتىق پاركتٸڭ باسشىلارى تۇجىرىمداماعا سەيكەس جٷزەگە اساتىن ينفراقۇرىلىم جوبالارى تۋرالى باياندادى. ولاردىڭ سٶزٸنشە, بارلىق پاركتەر اۋماعىندا 2021-2023 جىلدار ارالىعىندا ۆيزيت-ورتالىقتار, گلەمپينگ, كەمپينگتەر, ەتنو-قوناق ٷيلەر, ەتنواۋىلدار, كٶرۋ الاڭدارىن جەنە باسقا دا ينفراقۇرىلىم نىساندارىن سالۋ جوسپارلانعان. بارلىق نىساندار نەگٸزگٸ تابيعي نىساندارعا زييان تيگٸزبەس ٷشٸن قاشىقتاۋ جەردە ورنالاسادى.
ينۆەستورلارعا ەرەكشە قورعالاتىن اۋماقتار تۋرالى زاڭدى ساقتاۋ, تابيعي نىسانداردى بۇزباي, قورشاعان ورتانى قورعاۋ شارالارىنا باسىمدىق بەرە وتىرىپ جۇمىس ٸستەۋ تالابى قويىلادى. تابيعاتقا زييان كەلتٸرەتٸن شارۋاشىلىققا تىيىم سالىنادى.
سونىمەن بٸرگە جيىندا قوعامدىق كەڭەس مٷشەلەرٸ ەكوتۋريزمدٸ دامىتۋ جوباسىن جٷزەگە اسىرۋشىلاردىڭ جەرگٸلٸكتٸ حالىقپەن تىعىز جۇمىس ٸستەۋٸ تيٸستٸگٸ تۋرالى ايتتى.
«ۇلتتىق پاركتەر جانىنداعى قوعامدىق كەڭەستەر قابىلدانعان شەشٸمدەردٸڭ اشىقتىعىن قامتاماسىز ەتۋ ماقساتىندا قۇرىلدى. سوندىقتان قوعامدىق كەڭەس مٷشەلەرٸنٸڭ پٸكٸرٸ كەز كەلگەن شەشٸم قابىلدانعان كەزدە ەسكەرٸلەدٸ. ۇلتتىق پاركتەردٸڭ جەرلەرٸن تۋريستٸك جەنە رەكرەاتسييالىق قىزمەتتٸ جٷزەگە اسىرۋ ماقساتىندا ۇزاق مەرزٸمدٸ پايدالانۋعا بەرۋ بويىنشا قۇرىلعان كونكۋرستىق كوميسسييالار قۇرامىنا دا قوعامدىق كەڭەستەر مٷشەلەرٸ قوسىلادى»,- دەدٸ ەرلان نىسانباەۆ.
ايتا كەتەيٸك, ۇلتتىق پاركتەردە ەكوتۋريزمدٸ دامىتۋ بويىنشا بايقاۋعا قىزىعۋلىلىق تانىتقان كەز كەلگەن ينۆەستور قاتىسا الادى.
