بٸلٸم جەنە عىلىم مينيسترٸ اسحات ايماعامبەتوۆ بٸلٸم بەرۋ مەسەلەلەرٸ بويىنشا زاڭناما تەحنيكالىق جەنە كەسٸپتٸك بٸلٸم بەرۋ دەڭگەيٸن قالاي قامتىعانىن ايتىپ بەردٸ, دەپ حابارلايدى "ۇلت اقپارات".
مينيستر Facebook پاراقشاسىندا زاڭعا ەنگٸزٸلگەن ٶزگەرٸستەرگە ساي, تەحنيكالىق جەنە كەسٸپتٸك بٸلٸم بەرۋ جٷيەسٸنە مىناداي تەرتٸپ ەنگٸزٸلگەنٸن جازدى.
1. ەندٸ ستۋدەنتتەردٸڭ دۋالدى جٷيەسٸ ارقىلى بٸلٸم العان مەرزٸمٸ ەڭبەك ٶتٸلٸ رەتٸندە ەسەپتەلەدٸ. بۇل كوللەدج تٷلەكتەرٸنٸڭ جۇمىسقا ايتارلىقتاي تەجٸريبەمەن ورنالاسۋ مٷمكٸندٸگٸن ارتتىرادى.
2. بەكٸتٸلگەن زاڭناماعا سەيكەس ۋەكٸلەتتٸ ورگاننىڭ كوللەدجدەردە وقۋ مەرزٸمدەرٸن بەلگٸلەۋٸ تۋرالى نورما الىنىپ تاستالدى. بۇعان دەيٸن بٸز ەر بٸلٸكتٸلٸكتەر بويىنشا بٸلٸم الۋ مەرزٸمدەرٸن قاتاڭ بەكٸتەتٸنبٸز. ورتاشا ەسەپپەن العاندا, وقۋ مەرزٸمٸ 2 جىلدان 3 جىل 10 ايعا دەيٸن جالعاساتىن. ەندٸ وقۋ ۇزاقتىعى ناقتى بٸلٸم بەرۋ باعدارلاماسىنا جەنە قاجەتتٸ وقۋ نەتيجەلەرٸنە بايلانىستى بولادى. جاڭا ٶزگەرٸستەرگە سەيكەس كوللەدجدەر جۇمىس بەرۋشٸلەرمەن كەلٸسە وتىرىپ, كەسٸپتٸك ستاندارتتار نەمەسە نارىق تالاپتارى نەگٸزٸندە بٸلٸم بەرۋ باعدارلامالارىن ەزٸرلەيدٸ. كەيٸن ونى قر بعم باعدارلامالارىنىڭ تٸزٸلٸمٸنە قوسىپ, سوعان بايلانىستى كادرلار دايىندايدى.
3. كوللەدج ٶكٸلدەرٸ كٶتەرگەن تاعى بٸر مەسەلە شەشٸمٸن تاپتى. ەندٸ كوللەدجدەر اقىلى نەگٸزدە قىزمەت كٶرسەتٸپ, وقۋ-ٶندٸرٸستٸك شەبەرحانالاردا, شارۋاشىلىقتاردا, وقۋ پوليگوندارىندا دايىنداعان تاۋارلارىن ساتا الادى. مەسەلەن, «دەنەكەرلەۋ ٸسٸ» ماماندىعى بويىنشا وقيتىن ستۋدەنتتەر پراكتيكا كەزٸندە تەمٸردەن ساپالى كونسترۋكتسييالار جاسايدى, جاس كونديتەرلەر كەرەمەت ٶنٸمدەر پٸسٸرەدٸ, قولٶنەر باعىتىنداعى ماماندىقتارى بويىنشا وقيتىن ستۋدەنتتەر كيٸزدەن, كەراميكادان, اعاشتان, بىلعارىدان, زەرگەرلٸك بۇيىمداردان اۆتورلىق بۇيىمدار دايىندايدى. بٸراق ونىڭ بەرٸن ساتا المايتىن.
4. قازٸرگٸ ۋاقىتتا جوعارى وقۋ ورىندارىنا قاراستى بٸراز كوللەدجدەر جۇمىس ٸستەيدٸ, بٸراق قولدانىستاعى زاڭناماعا سەيكەس ول وقۋ ورىندارى بيۋدجەت ەسەبٸنەن كادرلاردى دايارلاۋ ٷشٸن مەملەكەتتٸك تاپسىرىس الا المايدى. جاڭا تٷزەتۋلەرگە سەيكەس بۇل مەسەلە وڭ شەشٸمٸن تاپتى.
5. مەملەكەتتٸك تاپسىرىستى الۋ ٷشٸن كوللەدجدەردٸڭ اككرەديتتەۋدەن ٶتۋٸنە قاتىستى تالاپتار الىنىپ تاستالدى.
«تەحنيكالىق جەنە كەسٸپتٸك بٸلٸم بەرۋ (تجكب) جٷيەسٸ بولاشاق مامانداردى نەعۇرلىم يكەمدٸ, بەيٸمدەلگٸش, تيٸمدٸ ەتٸپ جەنە جۇمىس ورىندارىندا تالاپ ەتٸلەتٸن قۇزىرەتتەردٸ بارىنشا ٷيرەتۋگە داعدىلانۋى تيٸس», - دەيدٸ اسحات ايماعامبەتوۆ.
