قر يندۋسترييا جەنە ينفراقۇرىلىمدىق دامۋ مينيسترلٸگٸ كٶلٸك كوميتەتٸ تٶراعاسىنىڭ ورىنباسارى ەلي التاي «Semey Bus» جشس سۋبسيدييا تٶلەنبەۋٸ تۋرالى مەسەلەگە پٸكٸر بٸلدٸردٸ, دەپ حابارلايدى قازاقپارات.
«Semey Bus» جشس كۆازيمەملەكەتتٸك كەسٸپورىن بولىپ سانالادى, وعان 2019 جىلدان بەرٸ سۋبسيدييا تٶلەنبەگەن. سەمەيدەگٸ اۆتوبۋس تاسىمالى جاعدايىنا نازار اۋدارۋىڭىزدى سۇرايمىن. ەكٸمدٸك سۋبسيدييا تٶلەمەيدٸ, كەسٸپورىندى بانكروتقا ۇشىراتۋى مٷمكٸن», - دەپ مودەراتور كٶرەرمەن سۇراعىن وقىدى.
كٶلٸك كوميتەتٸ تٶراعاسىنىڭ ورىنباسارى ەلي التاي بۇل مەسەلەدەن حاباردار ەكەنٸن جەتكٸزدٸ.
«ەكٸ جىل بويى ولار ٶنەركەسٸپتٸ دامىتۋ قورى ارقىلى اۆتوبۋستار ساتىپ الدى. قازٸر ولار بٸر دە بٸر تەڭگەنٸ ٶتەمەدٸ. ٶنەركەسٸپتٸ دامىتۋ قورى ٶز تاراپىنان پروتسەدۋرالىق تٷردە سوتقا جٷگٸنۋگە جەنە بۇرىن جاساسقان شارتتاردى توقتاتا تۇرۋعا مٸندەتتٸ. ەكٸمدٸك تاراپىنان وسى جىلعا سۋبسيدييالار قاراستىرىلعان, بٸراق كەسٸپكەردٸڭ ەكٸمدٸككە ەنگٸزگەن ٶتٸنٸمدەرٸ ٶتە ٷلكەن بولدى. ەكٸمدٸكپەن ەش ۋاعدالاستىق جوق. مەسەلەنٸ باقىلاۋدا ۇستاپ وتىرمىز», - دەدٸ ەلي التاي «Kazinform» الاڭىندا «قوعامدىق كٶلٸكپەن جولاۋشىلار تاسىمالداۋداعى بەسەكەلەستٸك» اتتى جيىندا.
بۇعان دەيٸن شىعىس قازاقستان وبلىسىندا جولاۋشى تاسىمالدايتىن كومپانييا - «Semey Bus» جشس-عا جوسپاردان تىس تەكسەرٸس جٷرگٸزٸلٸپ, 72 زاڭبۇزۋشىلىق انىقتالعانى حابارلانعان ەدٸ. «Semey Bus» جشس-نٸڭ جۇمىسشىلار الدىنداعى جالپى قارىزى 6 274 139 تەڭگەنٸ قۇرايدى.
