قازاقستاندا كٶلٸك باقىلاۋ ينسپەكتسييالارى قىزمەتكەرلەرٸنٸڭ شتات سانى كٶبەيتٸلمەيدٸ. بۇل جايىندا مەجٸلٸس دەپۋتتارىنىڭ رەسمي ساۋالىنا قر پرەمەر-مينيسترٸنٸڭ ورىنباسارى جەڭٸس قاسىمبەكتٸڭ جاۋابىندا ايتىلعان, دەپ حابارلايدى قازاقپارات تٸلشٸسٸ.
«اۆتوموبيل كٶلٸگٸ تۋرالى» قولدانىستاعى زاڭنىڭ ورىندالۋىن قاتاڭ قاداعالاپ, اۆتوجولداردى اۋىر سالماقتى كٶلٸكتەردٸڭ بٷلدٸرۋٸنە جول بەرمەۋگە تيٸستٸ ٶڭٸرلٸك كٶلٸك باقىلاۋ ينسپەكتسييالارى ٶزدەرٸنە جٷكتەلگەن مٸندەتتٸ تولىق اتقارىپ وتىر دەۋ قيىن ەكەندٸگٸ ايتىلعان. سەبەبٸ ولاردىڭ قىزمەتكەرلەرٸنٸڭ سانى از جەنە ماتەريالدىق-تەحنيكالىق جابدىقتالۋى جەتكٸلٸكسٸز. مىسال ٷشٸن, ەگٸنشٸلٸكپەن اينالىساتىن سولتٷستٸك قازاقستان وبلىسىنىڭ كٶلٸك باقىلاۋ ينسپەكتسيياسىنداعى 6 قىزمەتكەر 13 اۋىلدىق اۋداننىڭ جولدارىنداعى كٶلٸك اعىنىن قاداعالاپ ٷلگەرە الار ەمەس. مۇندا جالعىز-اق جىلجىمالى كٶلٸكتٸك باقىلاۋ بەكەتٸ بار. ال ۇلان-عايىر ەگٸن القابىنا يە قوستاناي وبلىسىندا نەبەرٸ 2 جىلجىمالى بەكەت جۇمىس ٸستەيدٸ. استىقتى اقمولا وبلىسىندا دا ولاردىڭ سانى - 4-ەۋ عانا», - دەلٸنگەن دەپۋتاتتاردىڭ رەسمي ساۋالىندا.
سونىمەن قاتار مەجٸلٸس دەپۋتاتتارى ەلٸمٸزدٸڭ نەگٸزگٸ استىقتى ٶڭٸرلەرٸنٸڭ ەرەكشەلٸكتەرٸن ەسكەرە وتىرىپ, ولاردىڭ كٶلٸك باقىلاۋ ينسپەكتسييالارى قىزمەتكەرلەرٸنٸڭ جەنە جىلجىمالى كٶلٸك باقىلاۋ بەكەتتەرٸنٸڭ سانىن كٶبەيتۋ مەسەلەسٸن قاراستىرۋدى ۇسىنعان بولاتىن.
رەسمي ساۋالعا جاۋاپ بەرگەن جەڭٸس قاسىمبەكتٸڭ اتاپ ٶتۋٸنشە, قازاقستان رەسپۋبليكاسىنىڭ اۆتوموبيل كٶلiگi تۋرالى زاڭناماسىنىڭ ساقتالۋىن مەملەكەتتiك باقىلاۋدى 48 جىلجىمالى, 3 ستاتسيونارلىق كٶلٸكتٸك باقىلاۋ بەكەتٸ جەنە ارنايى اۆتوماتتاندىرىلعان ٶلشەۋ قۇرالى (بۇدان ەرٸ - ااٶق) جٷزەگە اسىرادى.
«بٷگٸنگٸ كٷنگٸ قازاقستان رەسپۋبليكاسىندا كٶلٸك قۇرالدارى مەن ونىڭ سالماق گاباريتتٸ ٶلشەمدەرٸ تۋرالى اقپاراتتى اۆتوماتتىق تٷردە جٸبەرەتٸن 12 ااٶق بار. تەك 2018 جىلى ااٶق كٶلٸك زاڭناماسىنىڭ 804 بۇزۋشىلىعىن انىقتاعان, اۋىر سالماقتى جەنە (نەمەسە) ٸرٸ گاباريتتٸ كٶلٸك قۇرالدارىمەن جٷرٸپ ٶتكەن ٷشٸن 91 ملن 937 مىڭ تەڭگەدەن استام ايىپپۇل مەن الىم سوماسى ٶندٸرٸلدٸ, جىلجىمالى كٶلٸكتٸك باقىلاۋ بەكەتتەرٸندە (بۇدان ەرٸ - جكبب) 24 242 بۇزۋشىلىق انىقتالىپ, 5 ملرد. 951 ملن تەڭگەدەن استام ايىپپۇل مەن الىم سوماسى ٶندٸرٸلدٸ. بۇدان باسقا, 2018 جىلى كٶلٸك سالاسىنداعى ۋەكٸلەتتٸ ورگان 8 جكبب, پاۆلودار وبلىسىنىڭ ەكٸمدٸگٸ 3 جكبب ساتىپ الدى جەنە كٶلٸكتٸك باقىلاۋ ينسپەكتسيياسىنىڭ تەڭگەرٸمٸنە بەرٸلدٸ», - دەپ اتاپ ٶتەدٸ ۆيتسە-پرەمەر.
سونىمەن بٸرگە ول كٶلٸكتٸك باقىلاۋ سالاسىنداعى سىبايلاس جەمقورلىقتىڭ ورىن العاندىعىن ەسكەرە وتىرىپ, قر يندۋسترييا جەنە ينفراقۇرىلىمدىق دامۋ مينيسترلٸگٸ جەنە قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ اراسىندا كٶلٸكتٸك باقىلاۋ سالاسىنداعى سىبايلاس جەمقورلىق تەۋەكەلدەرٸن جويۋ جٶنٸندە بٸرلەسكەن ٸس-شارالار جوسپارى قابىلدانعانىن ەسكە سالادى.
«قولدانىستاعى جوسپاردىڭ شەڭبەرٸندە اۆتوكٶلٸك قۇرالدارىن سالماق گاباريتتٸ ٶلشەۋدٸڭ اۆتوماتتاندىرىلعان ستانتسييالارىن قۇرۋ ارقىلى كٶلٸكتٸك باقىلاۋدى قاشىقتىقتان جٷزەگە اسىرۋ نىسانىنا تولىق كٶشٸرۋ شارالارى پىسىقتالۋدا, بۇل باقىلاۋ-قاداعالاۋ فۋنكتسييالارىن جٷزەگە اسىرۋ كەزٸندە لاۋازىمدى ادامداردىڭ قاتىسۋىن بولدىرمايدى. وسىعان بايلانىستى, الداعى ۋاقىتتا جكبب-نٸڭ جەنە لاۋازىمدى ادامداردىڭ سانىن كٶبەيتۋ كٶزدەلمەگەن», - دەدٸ جەڭٸس قاسىمبەك.
