«اتامەكەن» ۇكپ باسقارما تٶراعاسى ابىلاي مىرزاحمەتوۆ كٶلەڭكەلٸ ەكونوميكامەن كٷرەس شارالارىن ايتتى, دەپ حابارلايدى "ۇلت اقپارات".
«كٶلەڭكەلٸ ەكونوميكانى جويۋ ٷشٸن قولما-قول قاراجاتتى توقتاتۋ كەرەك. بارلىعى بانكتٸك ەسەپشوتى ارقىلى جٷرگٸزٸلٸپ, تۇتىنۋشى مەن كەسٸپكەر اراسىنداعى قارىم-قاتىناس تۇرعىسىندا كارتالىق نەمەسە تسيفرلىق جٷيەگە كٶشۋٸ قاجەت. سوندىقتان بۇل تۇرعىدا ۇلتتىق بانكتٸڭ دە شەشٸمٸ قابىلداندى», - دەدٸ ول ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, تسيفرلاندىرۋ سالاسى كٶلەڭكەلٸ ەكونوميكاعا توسقاۋىل قويۋعا ىقپال ەتەدٸ.
«بۇل باعىتتاعى ٷكٸمەتتٸڭ جوسپارىن قولدايمىز. بٸز دە كەسٸپكەرلەردٸڭ تولىق تسيفرلىق تٸزٸمٸنە كٶشٸپ جاتىرمىز. قازان ايىنىڭ اياعىندا سەزد ٶتٸپ, وندا ناقتى شارالاردى تىنىستىرامىز», - دەدٸ ا. مىرزاحمەتوۆ.
