قازاقستاندا ٶندٸرٸستەن ەندٸ عانا شىققان نەمەسە يمپورتتالىپ كەلگەن كەز كەلگەن ٶنٸمگە تۇتىنۋشىعا جەتكەنشە ونلاين-مونيتورينگ جٷرگٸزۋ كەرەك. قارجى مينيسترلٸگٸ كٶلەڭكەلٸ ەكونوميكامەن وسىلاي كٷرەسۋدٸ جٶن كٶرٸپ وتىر, دەپ حابارلايدى قازاقپارات.
«بٸرٸنشٸدەن, بيزنەستٸ كٶلەڭكەدە جٷرگٸزۋ – جاعىمسىز پيعىلدىلاردىڭ ٸسٸ. ەكٸنشٸدەن, سالىقتان جالتارعاندار ٶز بيزنەسٸن جاسىرىن جٷرگٸزگٸسٸ كەلەدٸ. بٸراق, ونداي كٶلەڭكەلٸ بيزنەس ٶكٸلدەرٸ مەملەكەتتٸك كٸرٸستەر كوميتەتٸ كەلٸپ, كەلەشەكتە ودان دا ٷلكەن پروبلەما تۋىنداتۋى مٷمكٸن ەكەنٸن ۇمىتىپ كەتەتٸن بولۋى كەرەك. مەنٸڭ ويىمشا, قازٸرگٸ تاڭدا سالىق تٶلەپ, بيزنەسٸن اشىق جٷرگٸزٸپ وتىرعان كەسٸپكەرلەر ٶز بيزنەسٸن جابىق جٷرگٸزٸپ, جاسىرىن كٶلەڭكەگە «كٸرٸپ كەتٸپ» وتىرعانداردان شىعىن كٶرٸپ وتىر. سول سەبەپتٸ, بەسەكەلٸ ورتا بولۋى كەرەك. ياعني, جاۋاپتى بيزنەس ٶكٸلدەرٸ ٶزٸ سەكٸلدٸ بەسەكەلەستەرٸمەن جارىسا جۇمىس جٷرگٸزۋگە مٷمكٸندٸك الۋى تيٸس. سوندا عانا قازاقستاندا دۇرىس نارىقتىق ورتا جۇمىس جٷرگٸزەر ەدٸ», - دەدٸ قر بٸرٸنشٸ قارجى ۆيتسە-مينيسترٸ بەرٸك شولپانقۇلوۆ ٷكٸمەتتٸڭ باسپاسٶز ورتالىعىندا.
ونىڭ ايتۋىنشا, ەلٸمٸزدەگٸ كٶلەڭكەلٸ ەكونوميكا ساۋدا, قۇرىلىس سالاسىن جاۋلاپ العان. «بٸز قانداي شارا قابىلداپ جاتىرمىز? قازاقستانداعى ٶندٸرٸستەن ەندٸ عانا شىققان نەمەسە يمپورتتالىپ كەلگەن كەز كەلگەن ٶنٸمگە تۇتىنۋشىعا جەتكەنشە ونلاين-مونيتورينگ جٷرگٸزٸلۋٸ كەرەك. تاۋاردىڭ قوزعالىسىنا تولىققاندى مونيتورينگ باستايمىز. وسى قادام تولىق اشىقتىقتى قامتاماسىز ەتٸپ, كٶلەڭكەلٸ ەكونوميكانىڭ دەڭگەيٸن تٶمەندەتەدٸ», - دەدٸ ۆيتسە-مينيستر.
