فوتو: primeminister.kz
پرەمەر-مينيستر ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا كٷن تەرتٸبٸنەن تىس قازاقستاننىڭ باتىس ٶڭٸرلەرٸندە بولعان تٶتەنشە جاعدايدىڭ سالدارىن جويۋ مەسەلەسٸ قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
«قازمۇنايگاز» ۇك» اق باسقارما تٶراعاسىنىڭ ورىنباسارى دەۋلەتجان حاسانوۆتىڭ بايانداۋىنشا, كەشە تٷس اۋا سىرتقى جەلٸلەردە ەلەكتر ەنەرگيياسىن بەرۋدٸڭ توقتاۋىنا بايلانىستى اتىراۋ مٶز-نٸڭ جۇمىسى توقتاپ قالعان.
«ەلەكتردٸڭ ٶشۋٸ نەتيجەسٸندە امٶز-دٸڭ بارلىق تەحنولوگييالىق قوندىرعىسى قاۋٸپسٸز توقتاتىلدى. اپاتتىق جاعدايدىڭ الدىن الۋ جەنە قىزمەتكەرلەردٸڭ قاۋٸپسٸزدٸگٸن قامتاماسىز ەتۋ ٷشٸن اپاتتاردى جويۋ الگوريتمٸنە سەيكەس بارلىق قوندىرعىدان كٶمٸرسۋتەك گازى الاۋعا قاراي جٸبەرٸلدٸ», — دەدٸ دەۋلەتجان حاسانوۆ.
ونىڭ ايتۋىنشا, تٷندە ەلەكتر ەنەرگيياسى قايتا ٸسكە قوسىلعاننان كەيٸن زاۋىت قولدا بار قورلاردان مۇناي ٶنٸمدەرٸن جٶنەلتە باستادى. بٷگٸنگٸ تاڭدا امٶز رەزەرۆۋارلارىندا 26 مىڭ توننا اۆتوبەنزين, 33 مىڭ توننا ديزەل وتىنى, 1 200 توننا سۇيىتىلعان مۇناي گازى بار.
جالپى ەل بويىنشا اي-92 بەنزينٸ مەن ديزەل وتىنىنىڭ قورلارى بٸر ايعا, اي-95 ەكٸ اپتاعا جەتەدٸ.
«پاۆلودار مۇناي-حيمييا زاۋىتى 20 شٸلدەگە دەيٸن جوسپار بويىنشا جٶندەۋگە توقتاتىلعانىن, ال شىمكەنت مٶز-ٸ كاتاليتيكالىق ريفورمينگ قوندىرعىسىنداعى جۇمىستار ٷشٸن ٸشٸنارا توقتاتىلعانىن ەسكەرسەك تە, زاۋىتتاردان مۇناي ٶنٸمدەرٸن جٶنەلتۋ توقتاعان جوق. سىرتقى جەلٸلەردە ەلەكتر ەنەرگيياسىن بەرۋ باستالعاننان كەيٸن امٶز تەحنولوگييالىق قوندىرعىلارىن تۇراقتى رەجيمگە شىعارۋ باستالدى. اپتا سوڭىنا دەيٸن زاۋىت مۇناي ٶنٸمدەرٸن ٶندٸرۋدٸڭ بۇرىنعى كٶلەمٸنە شىعۋدى جوسپارلاپ وتىر», — دەدٸ دەۋلەتجان حاسانوۆ.
سونداي-اق قابىلدانعان شارالار تۋرالى KEGOC كومپانيياسىنىڭ باسقارما تٶراعاسى قانىش مولداباەۆ, ماڭعىستاۋ وبلىسىنىڭ ەكٸمٸ نۇرلان نوعاەۆ جەنە اتىراۋ وبلىسىنىڭ ەكٸمٸ سەرٸك شەپكەنوۆ بايانداما جاسادى.
پرەمەر-مينيستردٸڭ ايتۋىنشا, قازٸرگٸ تاڭدا ەنەرگييامەن قامتاماسىز ەتۋ قالپىنا كەلتٸرٸلٸپ جاتىر. امٶز-دە تەحنولوگييالىق اقاۋلار انىقتالعان جوق. زاۋىتتىڭ جۇمىسىن قاۋٸپسٸز توقتاتۋ ٷشٸن دەر كەزٸندە شارالار قابىلداندى. قازٸرگٸ ۋاقىتتا زاۋىت باسقا كەسٸپورىندار سيياقتى ٶز جۇمىسىن قالپىنا كەلتٸرۋدە.
«ەشقانداي دا جانار-جاعارماي تاپشىلىعى بولمايتىنىن باسا اتاپ ٶتكٸم كەلەدٸ. قولدا بار وتىن قورى بٷكٸل رەسپۋبليكاعا جەتەدٸ. بارلىق مۇناي ٶڭدەۋ زاۋىتىن توقتاتۋ تۋرالى الىپ-قاشپا ەڭگٸمەلەر شىندىققا جاناسپايدى. جاعداي باقىلاۋدا», — دەدٸ ەليحان سمايىلوۆ.
ٷكٸمەت باسشىسى مەملەكەت باسشىسىنىڭ تاپسىرماسىنا سەيكەس اپاتتىڭ سەبەپتەرٸن تەكسەرۋ ٷشٸن ارنايى مەملەكەتتٸك كوميسسييا قۇرىلعانىن ايتىپ ٶتتٸ. ونىڭ جۇمىسىنا پرەمەر-مينيستر باسشىلىق ەتەدٸ.
«كٸنەلٸلەر جاۋاپقا تارتىلادى. قازٸرگٸ تاڭدا ەڭ باستىسى – بارلىق كەسٸپورىننىڭ جۇمىسىن قالپىنا كەلتٸرٸپ, تۇتىنۋشىلاردى ەلەكتر ەنەرگيياسىمەن تولىعىمەن قامتاماسىز ەتۋ», — دەدٸ ەليحان سمايىلوۆ.
وعان قوسا پرەمەر-مينيستر ماڭعىستاۋ وبلىسىنىڭ ەكٸمدٸگٸنە ەنەرگەتيكالىق كومبيناتتىڭ قولدانىستاعى جابدىقتارىن ٸسكە قوسۋ جەنە جاڭعىرتۋ بويىنشا شارالار قابىلداۋدى, ەنەرگەتيكا مينيسترلٸگٸنە «KEGOC» كومپانيياسىمەن بٸرلەسٸپ, باتىس ەنەرگەتيكالىق تورابىنىڭ قالىپتى جۇمىسىن قامتاماسىز ەتۋدٸ, ەنەرگەتيكا مينيسترلٸگٸنە ٸٸم جەنە بقا-مەن بٸرگە الىپ-ساتۋ جەنە جانار-جاعارمايدىڭ جاساندى تاپشىلىعىن تۋعىزۋ فاكتٸلەرٸنە توسقاۋىل قويۋدى تاپسىردى.
