نۇر-سۇلتان قالالىق قوعامدىق دەنساۋلىقتى ساقتاۋ باسقارماسىنىڭ باسشىسى سەۋلە قيسىقوۆا كوروناۆيرۋستىڭ الدىن الۋعا باعىتتالعان بٸرقاتار كەڭەس بەردٸ, دەپ حابارلايدى قازاقپارات.
«جەكە گيگيەنا شارالار ساقتاۋعا بارىنشا نازار اۋدارۋ قاجەت. ولار: قولدى جۋۋ, انتيسەپتيكتەر پايدالانىپ, جٶتەلگەن كەزدە ساقتىق شارالارىن ساقتاۋ, بٶلمەگە دىمقىل تازالىق جٷرگٸزٸپ, اۋانى تازارتۋ. بٸز كەزدەسۋ بارىسىندا قول بەرٸپ امانداسپاۋعا, جٸتٸ رەسپيراتورلىق ۆيرۋستىق ينفەكتسييا بەلگٸلەرٸ بار تۇلعالارمەن تىعىز بايلانىستا بولماۋعا كەڭەس بەرەمٸز», - دەدٸ ول.
باسقارما باسشىسى بۇقارالىق شارالارعا بارۋدان دا باس تارتۋ ۆيرۋس جۇقتىرۋ قاۋپٸن تٶمەندەتەتٸندٸگٸن باسا ايتتى.
«مۇنىڭ بارلىعى دا جالپى كەڭەستەر سانالادى. بارلىق ەرەجەلەردٸ ساقتاۋىڭىز سٸزدٸڭ جەنە تٶڭٸرەگٸڭٸزدەگٸلەردٸڭ دەنساۋلىعىن ساقتاۋعا مٷمكٸندٸك بەرەدٸ دەپ سەنەمٸز», - دەدٸ سەۋلە قيسىقوۆا.
بۇعان دەيٸن نۇر-سۇلتان قالالىق قوعامدىق دەنساۋلىقتى ساقتاۋ باسقارماسىنىڭ باسشىسى قالادا كوروناۆيرۋستىڭ تارالۋىنا جول بەرمەۋ باعىتىندا قولعا الىنعان شارالاردى ايتقان ەدٸ.
