قوقىس تاريفٸن كٶتەرمەگەن جاعدايدا ەلٸمٸزدە تۇرمىستىق قاتتى قالدىقتار مەسەلەسٸ شەشٸلمەيدٸ. بۇل تۋرالى «قازاقستاننىڭ قالدىقتاردى قايتا ٶڭدەۋ ستراتەگيياسى» تاقىرىبىندا ٶتكەن فرانتسييا قازاقستان ساۋدا-ٶنەركەسٸپ پالاتاسىنىڭ فورۋمىندا ەكولوگييا, گەولوگييا جەنە تابيعي رەسۋرستار ۆيتسە-مينيسترٸ احمەتجان پٸرٸمقۇلوۆ ايتتى, دەپ حابارلايدى قازاقپارات.
«تمد-داعى ەڭ تٶمەن تاريفتەر بٸزدٸڭ ەلدە. ەۋروپا تۋرالى تٸپتەن ايتپاي قويايىن. ٶكٸنٸشكە قاراي, الماتى قالاسى عانا قوقىس شىعارۋ تاريفٸن 549 تەڭگەگە كٶتەردٸ. استانادا بۇل 246 تەڭگە. الماتى قالاسىنداعى تاريفتە قوقىس شىعارۋمەن قاتار قايتا ٶڭدەۋ تاريفٸ بار. ال نۇر-سۇلتان قالاسىنداعى تاريف تەك قوقىس شىعارۋ مەن جويۋ ٷشٸن عانا, قايتا ٶڭدەۋ تاريفٸ جوق. تاريف بولماعانمەن, ەدٸستەمە بار. تٷبٸ وسىعان كەلۋٸمٸز كەرەك. بٸز قوقىس تاريفٸن كٶتەرمەگەن جاعدايدا ەلٸمٸزدە تۇرمىستىق قاتتى قالدىقتار مەسەلەسٸ شەشٸلمەيتٸنٸن تٷسٸنۋٸمٸز كەرەك», - دەيدٸ ۆيتسە-مينيسترٸ احمەتجان پٸرٸمقۇلوۆ.
ول بۇل سۇراق جەرگٸلٸكتٸ اتقارۋشى ورگاندارىنا قاتىستى ەكەنٸن ايتتى.
«بٸز تاريف كەزەڭ-كەزەڭٸمەن كٶتەرٸلۋٸ كەرەك دەپ سانايمىز. تاريف باعاسى ەر ايماقتا بٸردەي بولا المايتىنى تٷسٸنٸكتٸ. بٸز ەر ايماقتىڭ ەرەكشەلٸگٸن, قالدىق مٶلشەرٸن, ماتەريالدىق جاعدايىن, حالىقتىڭ ەلەۋمەتتٸك توپتارىن ەسكەرۋٸمٸز كەرەك. بۇل ٶتە قيىن مەسەلە, سوندىقتان «تاريف باعاسى 500 تەڭگە, نەمەسە 1000 بولۋى كەرەك» دەپ ايتۋ – دۇرىس ەمەس», - دەيدٸ ۆيتسە-مينيستر.
ەسكە سالا كەتسەك, جيىندا فرانتسييا-قازاقستان ساۋدا-ٶنەركەسٸپ پالاتاسىنىڭ پرەزيدەنتٸ جەرار فريەس كەسٸپورىندار قالدىقتارىنىڭ قۇرامىندا ۋلى زاتتار جوق ەكەندٸگٸن دەلەلدەۋٸ كەرەك دەگەن پٸكٸر ايتتى.
