پرەزيدەنتتٸڭ تاپسىرماسىمەن «قاراپايىم زاتتار ەكونوميكاسى» باعدارلاماسى اياسىندا كٶكتەمگٸ ەگٸس جۇمىستارىن جٷرگٸزۋگە قوسىمشا 100 ملرد تەڭگە بٶلٸندٸ, دەپ حابارلايدى "ۇلت اقپارات".
«قازٸرگٸ ۋاقىتتا ەگٸس ناۋقانى وڭتٷستٸك ٶڭٸرلەردە جٷرگٸزٸلٸپ جاتىر. وسىلايشا جامبىل وبلىسىندا 249,5 مىڭ گا نەمەسە جازدىق ەگٸس الاڭىنىڭ 67 پايىزىندا, تٷركٸستان وبلىسىندا 167,5 مىڭ گا اۋماققا (25,5%), الماتى وبلىسىندا 97,1 مىڭ گا (15,6%), قىزىلوردا وبلىسىندا 23,9 مىڭ گا (17,6%) القاپتا ەگٸس جۇمىستارى جٷرگٸزٸلدٸ», - دەدٸ اۋىل شارۋاشىلىعى ۆيتسە-مينيسترٸ ايداربەك ساپاروۆ ونلاين رەجيمدە وكق-دا ٶتكەن باسپاسٶز مەسليحاتىندا.
ۆيتسە-مينيستر مەملەكەت باسشىسىنىڭ 2020 جىلعى 31 ناۋرىزداعى تاپسىرماسىن ورىنداۋ اياسىندا اۋىل شارۋاشىلىعى تاۋارىن ٶندٸرۋشٸلەر ٷشٸن رەسپۋبليكا بويىنشا ديزەلدٸك وتىننىڭ ليترٸنٸڭ باعاسى 165 تەڭگە بولاتىنىن جەتكٸزدٸ.
«سونىمەن قاتار, پرەزيدەنتتٸڭ تاپسىرماسىمەن «قاراپايىم زاتتار ەكونوميكاسى» باعدارلاماسى اياسىندا كٶكتەمگٸ ەگٸس جۇمىستارىن جٷرگٸزۋگە قوسىمشا 100 ملرد تەڭگە بٶلٸندٸ. سۋبسيدييالاۋدى ەسەپكە الا وتىرىپ, سوڭعى سىياقى مٶلشەرلەمەسٸ قارىز الۋشىلار ٷشٸن جىلدىق 6 پايىزدى قۇرايدى. بۇل شارۋالاردى اينالىم قاراجاتىمەن, تۇقىم, تىڭايتقىشتار, ٶسٸمدٸك قورعاۋ قۇرالدارىمەن, قوسالقى بٶلشەكتەرمەن قامتاماسىز ەتۋگە مٷمكٸندٸك بەرەدٸ», - دەدٸ ول.
