كٶكسۋ قانت زاۋىتى جاڭا ماۋسىمعا دايىندىق جۇمىستارىن باستاپ كەتتٸ. كەسٸپورىنداعى جٶندەۋ جۇمىستارى 20 سەۋٸردەن باستالدى, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
كٶكسۋ قانت زاۋىتىنىڭ باسشىلىعى الدىمەن جٶندەۋ جۇمىستارىنىڭ كەستەسٸن جاساعان.
مۇنداعى 8 تسەحتى جاڭا ماۋسىمعا دايىنداۋ جۇمىستارى قىزۋ جٷرٸپ جاتىر, وعان 170 ادام تارتىلعان. قانت قىزىلشاسىن ٶڭدەۋ جەلٸسٸنٸڭ نەگٸزگٸ توراپتارىنا اعىمداعى جٶندەۋ مەن دەفەكتٸلٸك جۇمىستارى جٷرگٸزٸلۋدە. وعان قوسا قامىستان قانت ٶڭدەيتٸن جاڭا جەلٸنٸڭ قۇرىلىسى اياقتالۋعا جاقىن.
«جالپى قانت قىزىلشاسىن قابىلداۋ پۋنكتتەرٸ مەن زاۋىتتىڭ جٶندەۋ جۇمىستارى بيىلعى جىلدىڭ 15 قىركٷيەگٸندە اياقتالۋى تيٸس. ول ٷشٸن قارجىلىق مٷمكٸندٸكتەر دە, ەڭبەك رەسۋرستارى دا جەتكٸلٸكتٸ», - دەيدٸ زاۋىت ديرەكتورى التىنبەك اباتوۆ.
اتاپ ٶتسەك, كٶكسۋ قانت زاۋىتىنىڭ بٸر ٶزٸ ٶتكەن جىلى 260 مىڭ توننا شيكٸزات ٶڭدەپ, 32 مىڭ توننا قانت العان. ال بيىلعى جىلى 285 مىڭ توننا قانت قىزىلشاسىن ٶڭدەپ, 38 مىڭ توننا دايىن ٶنٸم الۋ مەجەلەنٸپ وتىر.
ال جالپى وبلىس بويىنشا ٶتكەن جىلى اقسۋ جەنە كٶكسۋ قانت زاۋىتتارى بٸرلەسٸپ 51 مىڭ توننا قانت ٶڭدەپ شىعارسا, بيىل بۇل كٶرسەتكٸش 58 مىڭ تونناعا جەتەدٸ دەپ جوسپارلانعان. بۇل رەتتە بٷگٸنگٸ كٷنٸ تەتتٸ تٷبٸر 16 100 گەكتارعا سەبٸلدٸ.
