فوتو: اسلان وسپانوۆ/Kazinform
كٶكشەتاۋدا ۇلتتىق دومبىرا كٷنٸنە وراي «كيەلٸ دومبىرا» وبلىستىق فلەشموب ٶتٸپ, وندا 2500 جۋىق دومبىراشى بٸر مەزەتتە قۇرمانعازىنىڭ «بالبىراۋىن», «سارىارقا», «اداي» جەنە ابىلاي حاننىڭ «شاڭدى جورىق» كٷيلەرٸن ورىندادى, دەپ حابارلايدى «ۇلت اقپارات» Kazinform-عا سٸلتەمە جاساپ.
«وقجەتپەس» ستاديونىندا ۇيىمداستىرىلعان اۋقىمدى شاراعا ٷكٸلٸ ىبىراي اتىنداعى اقمولا وبلىستىق فيلارمونيياسى, «كٶكشەتاۋ» مەدەنيەت سارايى, م.جۇماباەۆ اتىنداعى اقمولا وبلىستىق عىلىمي ەمبەباپ كٸتاپحاناسى, وبلىستىق حالىق شىعارماشىلىق جەنە مەدەني دەمالىس ورتالىعى, اقمولا وبلىستىق تاريحي-ٶلكەتانۋ, كٶكشەتاۋ قالاسى تاريحى, مەلٸك عابدۋللين, ەدەبيەت جەنە ٶنەر مۋزەيلەرٸ, تاريحي مۇرانى قورعاۋ جەنە پايدالانۋ ورتالىعىنىڭ قىزمەتكەرلەرٸ, كٶكشەتاۋ قالاسى «دوستار» مەدەنيەت سارايىنىڭ شىعارماشىلىق ۇجىمدارى, سونىمەن قاتار, بٸرجان سال, اقكٶل, ارشالى, اتباسار, بۋراباي, جاقسى, ەرەيمەنتاۋ, ەسٸل, جارقايىڭ, زەرەندٸ, شورتاندى, تسەلينوگراد اۋداندارى مەن كٶكشەتاۋ قالاسىنىڭ بٸلٸم جەنە مەدەنيەت وشاقتارى, مەملەكەتتٸك شىعارماشىلىق تاپسىرىس قاتىسۋشىسى — «شابىت» بٸلٸم جەنە شىعارماشىلىق ورتالىعى تەربيەلەنۋشٸلەرٸ, اقمولا وبلىستىق سوتى, مەملەكەتتٸك ورگاندار, اقمولا وبلىسى دەنساۋلىق ساقتاۋ باسقارماسىنىڭ قىزمەتكەرلەرٸ مەن قالا تۇرعىندارى قاتىستى.
بارلىعى 2500-گە جۋىق دومبىراشى بٸر مەزەتتە قۇرمانعازىنىڭ «بالبىراۋىن», «سارىارقا», «اداي» جەنە ابىلاي حاننىڭ «شاڭدى جورىق» كٷيلەرٸن ورىنداپ, كٶپشٸلٸكتٸ تەنتٸ ەتتٸ.
شارادا اقمولا وبلىسى مەدەنيەت باسقارماسىنىڭ باسشىسى ايگٷل سەبيتوۆا ايماق باسشىسى مارات احمەتجانوۆتىڭ اتىنان جينالعانداردى قۇتتىقتاپ, ۇلتتىق ٶنەردٸ ناسيحاتتاپ جٷرگەن اقمولالىقتارعا العىس بٸلدٸردٸ.
«دومبىرا دەگەنٸمٸز — جاي عانا اسپاپ ەمەس, ول بابالارىمىزدان قالعان اسىل مۇرا, ەر قازاقتىڭ رۋحى مەن جانى. ەن مەن كٷيدٸڭ بەسٸگٸ سانالاتىن ارقا تٶرٸ اقمولا ٶڭٸرٸ ٷشٸن بۇل مەرەكەنٸڭ ورنى ەرەكشە. قازاق تاريحىنىڭ ٶنەر ەلەمٸندە تانىمال قۇرمانعازى, دەۋلەتكەرەي, تەتتٸمبەت, ماحامبەت, دينا, سٷگٸر, قازانعاپ سىندى كٷي قىراندارىنىڭ جولىن ۇستانعان ۇرپاقتار, كٷي ٶنەرٸنٸڭ دارابوزدارى, كٷيشٸ-دومبىراشىلار كٷنٸ بٷگٸن دە عاسىردان عاسىرعا ۇلاسقان بابالار دەستٷرٸن جالعاستىرۋدا», — دەدٸ باسقارما باسشىسى ٶز سٶزٸندە.
اقمولا وبلىسى مەدەنيەت باسقارماسىنىڭ مەلٸمەتٸنشە, بٷگٸنگٸ تاڭدا اقمولا وبلىسىندا 24 فولكلورلىق انسامبلٸ بار (قاتىسۋشىلار سانى — 345), 30-دان استام دەستٷرلٸ ەنشٸ, 10 قازاق ۇلتتىق اسپاپتار وركەسترٸ (قاتىسۋشىلار سانى — 275), 12 دومبىرا ٷيٸرمەسٸ بار (قاتىسۋشىلار سانى — 212), مەملەكەتتٸك شىعارماشىلىق تاپسىرىس بويىنشا 6 تەگٸن ٷيٸرمە (قاتىسۋشىلار سانى — 700) جۇمىس ٸستەيدٸ.
ايتا كەتسەك, بۇدان بۇرىن كٶكشەتاۋدا ۆوكالدى-اسپاپتىق انسامبلدەر مەن كاۆەر توپتار اراسىندا اقمولا وبلىسىنىڭ 85 جىلدىعىنا ارنالعان «سەلەم, كٶكشەتاۋ!» وبلىستىق بايقاۋ-فەستيۆالٸ ٶتكەنٸن جازعان ەدٸك.
