ەلوردادا «وتانداستار قورى» كەاق جانىنداعى قوعامدىق كوميسسييانىڭ وتىرىسى ٶتتٸ. جيىندا قانداستارعا قاتىستى قوردالانعان مەسەلەلەر جان-جاقتى تالقىلاندى, دەپ حابارلايدى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ.
كەڭەس وتىرىسىندا قر بٸلٸم جەنە عىلىم مينيسترلٸگٸ تاراپىنان شەت ەلدەردەگٸ ەتنيكالىق قازاقتارعا وقۋلىقتار مەن ەدەبي كٸتاپتار جٸبەرۋ, اقمولا وبلىسىنىڭ كراسنىي يار, شقو شىعىس اۋىلىنداعى شەتەلدەن كٶشٸپ كەلگەن قانداستارىمىزعا بەرٸلگەن ارەندالىق ٷيدٸڭ بٷگٸنگٸ جاعدايى جەنە رەپاترياتسييانى ىنتالاندىرۋ (ٷي-جايمەن, جەر تەلٸمدەرٸمەن, كٶتەرمە قارجىلارمەن قامتۋ) مەسەلەلەرٸ قوزعالدى.
شەتەلدەگٸ قانداستارىمىزعا ارنالعان كٸتاپ دايىنداۋدا قاجەتتٸ وقۋلىقتارعا ەلٸ دە باسىمدىق بەرٸلمەگەنٸ ايتىلدى. قوعامدىق كوميسسييا مٷشەلەرٸ قاجەتسٸز كٸتاپ شىعارۋ جوباسىن قىسقارتىپ, قانداستار تۇراتىن مەملەكەتتەرمەن كەلٸسۋ ارقىلى سۇرانىسقا ساي كٸتاپ شىعارىلسا دەگەن ويلارىن جەتكٸزدٸ.
اتاجۇرتقا كەلٸپ ٶرٸسٸ كەڭٸگەن اعايىننىڭ وسىدان 5-10 جىل بۇرىن قۋانىشى ەسەلەنگەن ەدٸ. كراسنىي يار مەن شىعىس اۋىلىنان 2-3 بٶلمەلٸ ٷي الىپ, قونىس تويىن تويلاعان جۇرتتىڭ شاتتىعى ۇزاققا سوزىلمادى. شارشى مەترٸنە - 88 تەڭگە, ورتا ەسەپپەن بٸر ٷيدٸڭ ايلىق ارەندالىق قۇنى 6866 تەڭگە بولىپ باعالانعان. بٷگٸنگٸ كٷندە 276 وتباسى ساپاسىز سالىنعان ٷيلەردٸڭ ارەندالىق قۇنى ٷشٸن مەملەكەتكە 73,4 ملن تەڭگە قارىز. تۇرعىندار ساپاسىز سالىنعان ٷيلەر ٷشٸن ارەندالىق اقشانى تٶلەۋدەن باس تارتىپ وتىر.
«2019 جىلى قاراشا ايىندا ەرٸپتەستەرٸمٸزبەن كٶكشەتاۋ قالاسى, كراسنىي يار اۋىلىنداعى ٷيلەردٸ كٶزٸمٸزبەن كٶردٸك. كٷن ەندٸ سۋىتا باستاعان ەدٸ. 10-15 ٷيدٸ ارالادىق. ٷيلەردٸڭ جالپى جاعدايى ادام ايتقىسىز دەرەجەگە جەتكەن. ٷي قابىرعالارى ٶتە جۇقا, ٸرگەتاسى جوق, ەدەندەرٸنە قاراقاعاز تٶسەلگەن. تٶبە جاقتاۋلارى ٶتە جۇقا سالىنعان. 2009-2010 جىلدارى «نۇرلى كٶش» باعدارلاماسىمەن سالىنعان ٷيلەردٸڭ ەربٸرٸنە سول كەزدەگٸ دوللار باعامىمەن 59 مىڭ دوللار قارجى جۇمسالعان. وسى ٷيلەردٸڭ ساپاسىز سالىنعانىن, قارجىنىڭ تالان-تاراجىعا تٷسكەنٸن ايتىپ, بٸر توپ دەپۋتات ٷكٸمەت باسشىسى اسقار ۇزاقبايۇلىنا دەپۋتاتتىق ساۋال جٸبەردٸك. بۇل مەسەلەنٸ شەشۋدٸڭ بٸر جولى - بارلىق ٷيدٸ جەرٸمەن بٸرگە جەكەشەلەندٸرٸپ بەرۋ قاجەت», - دەدٸ قوعامدىق كوميسسييا مەن قر پارلامەنتٸ سەناتىنىڭ ەلەۋمەتتٸك – مەدەني دامۋ جەنە عىلىم كوميتەتٸنٸڭ تٶراعاسى مۇرات باقتييارۇلى.
قوعامدىق كوميسسييا وتىرىسىنا كٶكشەتاۋ قالاسى ەكٸمٸنٸڭ ورىنباسارى بەيبٸت جٷسٸپوۆ قاتىسىپ, كوميسسييا مٷشەلەرٸ قويعان سۇراقتارعا جاۋاپ بەردٸ.
«قازٸرگٸ ۋاقىتتا 137 تۇرعىن ٷيدٸڭ 35-ٸ كٷردەلٸ جٶندەۋدٸ جەنە 102 اعىمداعى جٶندەۋدٸ قاجەت ەتەدٸ. كٶكشەتاۋ قالاسى ەكٸمدٸگٸ شاعىناۋداندا سالىنعان تۇرعىن ٷيلەردٸ تەحنيكالىق تەكسەرۋ ٷشٸن قارجى بٶلەدٸ. تەكسەرۋ جٷرگٸزۋگە 2020 جىلى بارلىعى 15,7 ملن تەڭگە بٶلۋ جوسپارلانعان. شٸلدە ايىنا دەيٸن تۇرعىندارعا ٷيٸ مەن جەرٸنٸڭ جاڭا قۇجاتىن دايىنداپ بەرۋ جۇمىستارى باستالدى», - دەيدٸ كٶكشەتاۋ قالاسى ەكٸمٸنٸڭ ورىنباسارى بەيبٸت ايتىمۇلى.
قىتايدان كەلگەن قانداسىمىز راحىم ايىپ ەلگە كەلەتٸن قانداستارىمىزدىڭ باسىم بٶلٸگٸ ەگٸنشٸ-مالشى ەكەنٸن العا تارتتى. وسى ورايدا الداعى ۋاقىتتا «شارۋاشىلىقپەن اينالىسقىسى كەلەتٸن ازاماتتار ٷشٸن مەملەكەت جەر بەرە الا ما?» دەگەن سۇراعىن قويدى. اۋىل شارۋاشىلىعى مينيسترلٸگٸنەن كەلگەن جاۋاپتى قىزمەتكەر اقمولا, شىعىس قازاقستان, پاۆلودار, قوستاناي وبلىستارىندا مەملەكەت يەلٸگٸندە جەر بار ەكەنٸن, شارۋاشىلىقپەن اينالىسقىسى كەلگەن قانداستارعا جەر بەرٸلەتٸنٸن جەتكٸزدٸ.
