فوتو: اقپارات مينيسترلٸگٸ
استانادا ٶتەتٸن 5 دٷنيەجٷزٸلٸك كٶشپەندٸلەر ويىندارى قارساڭىندا كٶكپاردان قازاقستان ۇلتتىق قۇراماسى الماتى وبلىسىندا وقۋ-جاتتىعۋ جيىندارىن ٶتكٸزٸپ جاتىر.
ۇلتتىق قۇرامانىڭ باس باپكەرٸ اقىلباي مانكەەۆتٸڭ ايتۋىنشا, وسى وقۋ-جاتتىعۋ جيىنى اياسىندا قىركٷيەكتە ٶتەتٸن ويىندارعا قاتىساتىن جىلقىلار دايىندالىپ جاتىر. بارلىعى 40 جىلقىنىڭ ٸشٸنەن مىقتىلارى ٸرٸكتەلٸپ الىنادى. ونىڭ سٶزٸنشە, كوماندا دايىندىعى قازٸر جاقسى دەڭگەيدە. ۇلتتىق قۇراماعا قىرعىزستان مەن ٶزبەكستاننان كەلگەن كوماندالار مىقتى قارسىلاس بولا الادى.
"ەكٸ ايدان بەرٸ 5-شٸ دٷنيەجٷزٸلٸك كٶشپەندٸلەر ويىندارىنا بەلسەندٸ دايىندالىپ جاتىرمىز. ەلٸمٸزدٸڭ نامىسىن ابىرويمەن قورعايمىز دەپ ٷمٸتتەنەمٸز. وسىنداي ماڭىزدى سپورتتىق جارىستىڭ ەلٸمٸزدە ٶتٸپ جاتقانى بٸزگە ٷلكەن جاۋاپكەرشٸلٸك جٷكتەيدٸ. بٸرٸنشٸ وقۋ-جاتتىعۋ جيىنىندا ٶزٸمٸزدٸڭ كٷش-قايراتىمىزعا باسا مەن بەرسەك, ەندٸ جىلقىلاردى دايىنداپ جاتىرمىز", - دەدٸ كٶكپاردان ۇلتتىق قۇراما مٷشەسٸ ەدٸلەت مامىت.
ەستەرٸڭٸزگە سالا كەتەيٸك, رەسپۋبليكالىق كٶكپار فەدەراتسيياسى ۇلتتىق سپورت تٷرلەرٸ قاۋىمداستىعىنىڭ قۇرامىنا كٸرەدٸ. سونىمەن قاتار, قاۋىمداستىق قۇرامىندا بەيگە, جامبى اتۋ, اۋدارىسپاق, ساداق اتۋ, قۇسبەگٸلٸك, اسىق اتۋ, تەڭگە ٸلۋ, JORYQ جەنە ت.ب. فەدەراتسييالار بار. ال قاۋىمداستىقتى بەلگٸلٸ كەسٸپكەر, مەتسەنات, Altyn Qyran Foundation قوعامدىق قورى قامقورشىلىق كەڭەسٸنٸڭ تٶراعاسى يسلامبەك سالجانوۆ باسقارادى.
