"يرينا كايراتوۆنا" توبىنىڭ مٷشەلەرٸ مەن Shiza لاقاپ اتىمەن تانىمال رەپەردٸڭ ەرەكەتٸ قوعامدا قىزۋ تالقىلانىپ جاتىر. جەلٸدەگٸ پٸكٸرلەر ەرتٷرلٸ. بٸرەۋٸ داتتاسا, ەندٸ بٸرٸ كەشٸرٸممەن قاراۋعا ٷندەپ جٷر. بۇل جايتقا قاتىستى وي بٶلٸسكەندەردٸڭ اراسىندا بەلگٸلٸ ٶنەر ادامدارى دا بار.
ەنشٸ مەرۋەرت تٷسٸپباەۆا جەلٸدەگٸ پاراقشاسىندا توپتىڭ ەرەكەتٸنە اشىنىپ, جازبا جارييالادى.
"كيەلٸ كٶك تۋىمىزدى مىنا قاسيەتسٸز ۋقالاپ, قول ورامال قىلدى-اۋ… اياققا تاپتاپ… گەنناديي گولوۆكين - ۇلتى ٶزگە بولسا دا, رينگتە ۇلتتىق شاپان كيٸپ, كٶك تۋىمىزدى جەلبٸرەتٸپ, تالاي كٶزٸمٸزگە جاس كەلتٸرٸپ, جٷرەگٸمٸزدٸ تەبٸرەنتٸپ ەدٸ!!! كٶك تۋ - مەملەكەتتٸك رەمٸز!!! ونى قورلاۋعا جول جوق!! زاڭ بار. (...) كٸم ٶزٸ? (اسپانداعى جۇلدىز بولسا دا) جاۋاپقا تارتىلۋى كەرەك! ۆيدەومەن كەشٸرٸم سۇراعاندار كەشٸرٸلمەسٸن! زاڭ بويىنشا جازالانسىن!", - دەدٸ ەنشٸ.
ٶز كەزەگٸندە, قازاق ەستارداسىنىڭ جۇلدىزى مەيرامبەك بەسباەۆ تا بۇل ەرەكەتتەرٸ ٷشٸن ولاردى قاتاڭ جازالاۋدى تالاپ ەتتٸ.
"ەگەمەندٸگٸمٸز بەن ەلدٸگٸمٸزدٸڭ بەلگٸسٸ, تەڭٸردەن تٸلەپ العان تەۋەلسٸزدٸگٸمنٸڭ سيمۆولى, قاستەرلٸ دە قاسيەتتٸ كٶك تۋ سەنٸڭ قادٸرٸڭە جەتە الماي جاتىرمىز-اۋ. توق زاماندا تۋعان جاستار ساحنا تٶرٸنە شىعىپ, مەملەكەتتٸك رەمٸزٸمٸزدٸ قورلاپ, اۋزىنا كەلگەنٸن وتتاپ, ويران سالىپ جاتىر. وسىنداي ەسەرلٸك پەن ەسسٸزدٸكتٸڭ سازايىن بەرەتٸن زاڭ ورىندالۋى تيٸس. مەيلٸ اي بول, جۇلدىز بول, كٸم بولساڭ, ول بول - بٸزدٸڭ كٶك تۋىمىزدى قورلاۋعا ەشكٸمنٸڭ قاقىسى جوق. بۇل - بٸر "كەشٸرٸم" سۇراپ قۇتىلا سالاتىن مەسەلە ەمەس. قاتاڭ تٷردە جازاسىن الىپ, ايىبىن ٶتەۋٸ تيٸس", - دەدٸ ەنشٸ.
ايتا كەتەيٸك, 25 مامىردا الماتىداعى بالۋان شولاق اتىنداعى سپورت سارايىندا "يرينا كايراتوۆنا" مەن Shiza-نىڭ كونتسەرتٸ ٶتكەن. كەيٸنٸرەك جەلٸ قولدانۋشىلارى "يرينا كايراتوۆنا" توبىنىڭ مٷشەسٸ ازامات ماركلەنوۆ پەن اسحات جولشيەۆتٸڭ ساحناداعى ەرەكەتٸن سىنادى. ەنشٸلەر ساحنادا بوعاۋىز سٶز دە ايتقان.
