قازاقستاندا قوعامدىق كەڭەستەردٸڭ مٷشەلەرٸن مەرزٸمٸنەن بۇرىن الىپ تاستاۋعا بولادى. بۇل تۋرالى قر پارلامەنتٸ مەجٸلٸسٸندە ٶتكەن دٶڭگەلەك ٷستەل وتىرىسىندا ايتىلدى, دەپ حابارلايدى "ۇلت اقپارات".
اتالعان شارادا قر اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قوعامدىق كەڭەستەردٸڭ قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىنىڭ نەگٸزگٸ ەرەجەلەرٸن تانىستىردى.
ٸس-شاراعا پارلامەنت دەپۋتاتتارى, ورتالىق جەنە جەرگٸلٸكتٸ مەملەكەتتٸك ورگانداردىڭ قوعامدىق كەڭەستەرٸنٸڭ باسشىلارى, مەملەكەتتٸك ورگانداردىڭ, ٷەۇ-نٸڭ ٶكٸلدەرٸ جەنە ساراپشىلار قاتىستى.
قوعامدىق كەڭەستەر قىزمەتٸنٸڭ مەسەلەلەرٸ بويىنشا تالقىلاۋعا ۇسىنىلعان ٷكٸمەتتٸك تٷزەتۋلەر 2019 جىلعى قاراشادان باستاپ مەجٸلٸستٸڭ قاراۋىندا جاتىر. وسىعان بايلانىستى دەپۋتات قانات مۋسين قوعامدىق كەڭەستەر قوعام مەن بيلٸك اراسىندا سىندارلى بايلانىس ورناعانىن, سونداي-اق, بٷگٸندە ەلٸمٸزدە 200-دەن استام قوعامدىق كەڭەس قۇرىلعانىن اتاپ ٶتتٸ.
«بٸزدٸڭ ازاماتتارىمىزدىڭ باعالاۋى بويىنشا قوعامدىق كەڭەستەر قوعامدىق پٸكٸر بٸلدٸرۋدٸڭ جەنە قوعام مەن بيلٸك اراسىنداعى ديالوگتىڭ دەربەس جەنە ماڭىزدى ينستيتۋتى رەتٸندە قالىپتاستى», - دەپ اتاپ ٶتتٸ دەپۋتات.
ايتا كەتەيٸك, زاڭ جوباسى جەرگٸلٸكتٸ دەڭگەيدە ساندىق قۇرامدى جەنە رەسپۋبليكالىق دەڭگەيدە قوعامدىق كەڭەستەر قۇرامىنىڭ ساندىق پارامەترلەرٸن بەلگٸلەۋ بويىنشا بٸرىڭعاي تەسٸلدٸ ۇسىنادى. قوعامدىق تىڭداۋلاردى, قوعامدىق ساراپتامانى, قوعامدىق مونيتورينگتٸ, مەملەكەتتٸك ورگاندار باسشىلارىنىڭ ەسەپتەرٸن ۇيىمداستىرۋ جەنە ٶتكٸزۋ تەرتٸبٸن نورماتيۆتٸك بەكٸتۋ ۇسىنىلادى.
«قوعامدىق كەڭەستەرگە قاجەت بولعان جاعدايدا قوعامدىق باقىلاۋدىڭ ەرتٷرلٸ فورمالارىن جٷرگٸزۋ ٷشٸن تەۋەلسٸز ساراپشىلاردى تارتۋ مٷمكٸندٸگٸن بەرۋ ۇسىنىلادى. زاڭ جوباسىندا قوعامدىق كەڭەستەر سالاسىنداعى ۋەكٸلەتتٸ ورگاندى ايقىنداۋ ارقىلى مەملەكەت پەن قوعامدىق كەڭەستەردٸڭ ٶزارا ٸس-قيمىل جاساۋ تەتٸگٸ بەلگٸلەنەدٸ, ونىڭ قۇزىرەتٸنە قوعامدىق كەڭەستەردٸڭ قىزمەتٸن ٷيلەستٸرۋدٸ جەنە ەدٸستەمەلٸك قامتاماسىز ەتۋدٸ جٷزەگە اسىرۋ كٸرەدٸ. بۇل ورگانعا مەملەكەت باسشىسىنا قوعامدىق كەڭەستەردٸڭ قىزمەتٸ تۋرالى جىل سايىنعى ۇلتتىق باياندامانى دايىنداۋ جەنە ەنگٸزۋ بويىنشا ٶكٸلەتتٸكتەر بەرٸلەتٸن بولادى», - دەدٸ بولات تٸلەپوۆ.
ايتا كەتەيٸك, قازاقستاندا تٷرلٸ دەڭگەيدەگٸ 234 قوعامدىق كەڭەس جۇمىس ٸستەيدٸ. رەسپۋبليكالىق دەڭگەيدە – 18 قوعامدىق كەڭەس, ٶڭٸرلٸك دەڭگەيدە – 216 كەڭەس (وبلىستار دەڭگەيٸندە, نۇر-سۇلتان مەن الماتى, شىمكەنتتە – 17, قالالار مەن اۋداندار دەڭگەيٸندە – 199).
