قوعامدا سەنٸمسٸزدٸك تۋىنداعان جاعدايدا جەردٸ جەكەمەنشٸككە بەرۋ مەسەلەسٸن تٷبەگەيلٸ شەشۋ ٶتە قيىن. مۇنداي پٸكٸردٸ قر پارلامەنتٸ مەجٸلٸسٸنٸڭ دەپۋتاتى, جەر رەفورماسى كوميسسيياسىنىڭ مٷشەسٸ ايدوس سارىم بٸلدٸردٸ, دەپ حابارلايدى قازاقپارات.
«اۋىل شارۋاشىلىعىندا, جەر مەسەلەسٸندە قوردالانعان, بۇعان دەيٸنگٸ جەر كوميسسيياسىنان تىس قالىپ, شەشٸمٸن تاپپاعان مەسەلەلەرگە قاتىستى ناقتى ۇستانىمدار قابىلدانىپ جاتىر. بٸز, پارلامەنت رەتٸندە ٷلكەن زاڭدار لەگٸن, اتاپ ايتقاندا, جەر كودەكسٸ مەن اۋىل شارۋاشىلىعىنا قاتىستى زاڭدارعا ٶزگەرٸستەردٸ كٷتٸپ وتىرمىز. ونىڭ ٸشٸندە, بٷگٸنگٸ, بۇعان دەيٸنگٸ 4-وتىرىستا, ودان تىس جۇمىس توپتارىندا ايتىلعان دەرەكتەردٸ الىپ, قۇداي قالاسا زاڭدىق نەمەسە تيٸستٸ نورماتيۆتٸك-قۇقىقتىق شەشٸمگە اينالدىرۋ ٸسٸمەن اينالىسۋ كەرەك بولادى. مۇنىڭ ٸشٸندە ەڭ باستىسى قوعامدى ەبٸگەرگە سالعان, مەسەلە تۋدىرعان جەردٸ جەكەمەنشٸككە بەرۋ جايىنا قاتىستى ايتار بولساق, بٷگٸنگٸ كٷنٸ تولىق اقپارات جوق, جەر قىرتىسى ەگجەي-تەگجەيلٸ زەردەلەنبەگەن, قوعام ٸشٸندە سەنٸمسٸزدٸك تۋىنداعان جاعدايدا بۇل مەسەلەنٸ تٷبەگەيلٸ شەشۋ قيىن دەپ ەسەپتەيمٸن», - دەدٸ ايدوس سارىم اتالعان كوميسسييانىڭ 5-وتىرىسىنان كەيٸن.
ونىڭ اتاپ ٶتۋٸنشە, شەشٸم قابىلداۋشى ٷكٸمەت, پارلامەنت دەيتٸن بولساق, وندا بٷگٸنگٸ كٷنٸ سىرتتان كٶرسەتٸلٸپ جاتقان قىسىمدى ساناعا ەمەس, كٶڭٸل-كٷيگە باعىنعان ەرەكەت دەپ باعالاۋعا بولادى.
«سوندىقتان ەر تاراپقا دا شەشٸم قابىلداۋ ٷشٸن ناقتى, شىنايى اقپارات قاجەت. سەنٸمسٸزدٸكتٸ جويۋدىڭ بٸر عانا جولى – فاكت. شىن مەنٸندە بٸر-ەكٸ جىلدىڭ ٸشٸندە جەر كاداسترى اشىلسا, قاي جەردٸڭ يەسٸ كٸم ەكەنٸ كٶرسەتٸلسە, الداعى ۋاقىتتا جايىلىمدار قايتارىلسا, پاندەمييادان كەيٸن ەكونوميكامىز كٶتەرٸلٸپ, ەلەۋمەتتٸك مەسەلەلەر شەشٸلٸپ, حالىقتىڭ ەڭسەسٸ كٶتەرٸلٸپ جاتسا, وندا سول كەزدە جەكەمەنشٸك مەسەلەسٸن كٶتەرۋگە بولادى. سوندىقتان جەردٸ جەكەمەنشٸككە بەرۋگە قاتىستى موراتورييدٸ 5 جىلعا سوزۋ تۋرالى مەسەلەنٸ پرەزيدەنتكە ۇسىنۋ قاجەت. بۇل - پرەزيدەنت قابىلدايتىن ٷلكەن شەشٸم», - دەدٸ مەجٸلٸس دەپۋتاتى.
ەسكە سالا كەتەيٸك, بٷگٸن جەر رەفورماسى كوميسسيياسىنىڭ وتىرىسىندا جەر يەلگٸنە قاتىستى نورمالارعا بەلگٸلەنگەن موراتوريي مەرزٸمٸن 5 جىلعا ۇزارتۋ تۋرالى شەشٸم قابىلداندى.
