«قازمەديا ورتالىعىندا» اۋىل شارۋاشىلىعى مينيسترلٸگٸنٸڭ باستاماسىمەن اگروٶنەركەسٸپ كەشەنٸ فورۋمىنىڭ العاشقى كٷنٸ ٶتتٸ.
فورۋم اياسىندا اۋىلداعى ٷكٸمەتتٸك ەمەس ۇيىمداردى (ٷەۇ) دامىتۋ مەسەلەلەرٸ بويىنشا «ازاماتتىق قوعام جەنە مەملەكەت: سەرٸكتەستٸك, ديالوگ جەنە جاۋاپكەرشٸلٸك» اتتى رەسپۋبليكالىق كونفەرەنتسييا ۇيىمداستىرىلدى.
سونداي-اق شارا اياسىندا اۋىلدىق ٷەۇ كواليتسييانىڭ قۇرىلتاي كونفەرەنتسيياسى مەن تۇقىم ٶسٸرۋ شارۋاشىلىعىن دامىتۋ بويىنشا ديالوگ الاڭى ٶتكٸزٸلدٸ.
اتالعاندارمەن قوسا اگروٶنەركەسٸپ كەشەنٸنٸڭ سالالىق, ايماقتىق جەنە ينفراقۇرىلىمدىق باعدارلامالارى, اگرارلىق عىلىم مەن بيزنەستٸ بٸرٸكتٸرۋ بويىنشا بٸرقاتار سەسسييالار ۇيىمداستىرىلدى.
جەردٸ تيٸمدٸ پايدالانۋ بويىنشا سەسسييادا مودەراتور رەتٸندە م.تايجان سٶز سٶيلەدٸ.
قوعام بەلسەندٸلەرٸنٸڭ باستاماشىل توبىنىڭ اتىنان سٶز سٶيلەگەن ول تەك قازاقستان تۇرعىندارى ٷشٸن جەكەمەنشٸك مٷلٸك ينستيتۋتىنىڭ ورنىنا جالعا الۋ ينستيتۋتىن ەنگٸزۋدٸ, بٸرىڭعاي اگرارلىق سالىقتى ورناتىپ, جەردٸ جەرسەرٸك ارقىلى باقىلاۋدى زاڭداستىرۋدى ۇسىندى. جينالعاندار ونى تولىق قولدادى.
شارانى قورىتىندىلاي كەلە, قر اۋىل شارۋاشىلىعى ۆيتسە-مينيسترٸ ب.بيسەنعاليەۆ قر جەر كودەكسٸنە ەنگٸزٸلٸپ وتىرعان تٷزەتۋلەر قوعام بەلسەندٸلەرٸنٸڭ قاتىسۋىمەن جەنە جازىلعان شارالاردى كەزەڭ-كەزەڭمەن ٸسكە اسىرۋ ارقىلى ٶتەتٸنٸن ايتتى.
