شىمكەنتتەگٸ داعدارىس ورتالىعىنا بالا كەزٸندە سەكس قۇلدىققا ساتىلعان 30 جاستاعى ەيەل تٷستٸ, دەپ حابارلادى Sputnik قازاقستان اگەنتتٸگٸ Otyrar.kz پورتالىنا سٸلتەمە جاساپ..
ٶزبەكستان تۋماسىنىڭ ايتۋىنشا, اتا-اناسى جالعىز قىزىن ون جاسىندا بەيتانىس ادامدارعا ساتىپ جٸبەرگەن.
قىزدىڭ ەكەسٸ ناشاقور, اناسى ماسكٷنەم بولعان. وتباسىندا بالانىڭ تاعدىرىنا اتاسى عانا الاڭداپتى – الايدا ول نەمەرەسٸن ساتىپ جاتقانىن ەستٸپ, جٷرەك تالماسىنان قايتىس بولعان.
قىزدى شەكاراداعى سارىاعاش قالاسىنا, ودان كەيٸن شىمكەنتكە ەكەلٸپ, ٷلكەن جەكە ٷيگە قاماپ تاستاعان. كٸشكەنتاي تۇتقىن ٶمٸرٸنٸڭ جەتٸ جىلىن جەزٶكشەلەر ٷيٸندە ٶتكٸزدٸ. ودان بٶلەك تاعى 20 قىز سەكسۋالدىق قۇلدىقتا بولعان. بايعۇس بالالارعا تەك نان مەن سۋ بەرگەن.
بويجەتكەن كٷتپەگەن جەردەن بوستاندىققا شىقتى: جەزٶكشەلەر ٷيٸن ۇيىمداستىرۋشىلاردىڭ بٸرٸ 17 جاستاعى قىزعا اياۋشىلىق تانىتقان.
"ول جەردە اشتىقتان كٶپتەگەن قىز ٶلدٸ. كەيبٸرٸن شەتەلگە ساتىپ جٸبەردٸ. بٸر-بٸرٸمٸزبەن سٶيلەسپەيتٸن ەدٸك. كليەنتپەن جاتۋدان باس تارتساق, تەمٸر شىنجىرمەن ۇرىپ, باسىمىزعا قارۋ كەزەنەتٸن. بۇل قورقىنىشتى جەردەن كەتۋگە ولاردىڭ ادامدارىنىڭ بٸرٸ كٶمەكتەستٸ. ول مەنٸ ايادى", - دەيدٸ ەيەل.
ول قاشىپ شىققاننان كەيٸن دە تاعدىر تەلكەگٸنە ۇشىرادى: جىلدار ٶتە كەلە جٷكتٸ بولدى, بٸراق ۇلىن بوسانۋىنا ٷش اي قالعاندا بالانىڭ ەكەسٸ قاشىپ كەتكەن. ەيەلگە ەرٸكتٸلەر كٶمەكتەستٸ. بٷگٸندە 30 جاستاعى كەلٸنشەك بٸر جاسار ۇلىمەن شىمكەنتتەگٸ داعدارىس ورتالىعىندا تۇرىپ جاتىر.
"كٶمەك" داعدارىس ورتالىعىنىڭ ديرەكتورى ماليكا جٷسٸپوۆانىڭ ايتۋىنشا, ەرٸكتٸلەر ەيەلگە ٷمٸت سىيلاعىسى كەلەدٸ.
"ونىڭ ارمانى بار دەپ ويلايمىن. قىز بالالىق شاعىن قۇلدىقتا, زورلىق-زومبىلىقتا ٶتكٸزگەندٸكتەن, ٶمٸردە كٶپ نەرسەدەن ايىرىلعان", - دەيدٸ جٷسٸپوۆا.
بۇرىنعى تۇتقىن جازىپ, وقي المايدى. ەيەلدٸڭ قولىندا قۇجاتى دا, اقشاسى دا جوق. بٸراق بۇل بەرٸبٸر قۇلدىقتان, زورلىق پەن قورلاۋدان جاقسى, دەيدٸ ول.
شىمكەنتتەگٸ داعدارىس ورتالىعىندا ودان بٶلەك سەكسۋالدىق زورلىق-زومبىلىقتىڭ قۇربانى بولعان تاعى بەس قىز تۇرىپ جاتىر.
