"اسىل ارنا" تەلەارناسىنىڭ ديرەكتورى مۇحامەدجان تازابەكتٸڭ قوعامدىق لەكتسييالارىنىڭ مونتاجدالعان نۇسقاسى ەلەۋمەتتٸك جەلٸگە تاراپ, ەل-جۇرت ەلگٸ ۆيدەودا ايتىلعان ەڭگٸمەنٸ ەجەپتەۋٸر تالقى جاسادى. ەسٸرەسە, اراب ساقشىلارىنا مۇسىلمانداردىڭ قاسيەتتٸ ورنى سانالاتىن قاعبادا, جۇرتتىڭ جولىندا تۇرىپ ناماز وقىعان ادامعا بٸرنەشە مەرتە ەسكەرتۋ جاساپ نامازىن بٶلۋگە, وعان كٶنبەسە قۇيرىعىنان تەۋٸپ توقتاتۋعا رۇقسات ەتٸلگەن دەگەن اۋانداعى سٶزدەر ەل اراسىندا ەرتٷرلٸ پٸكٸر تۋعىزدى.
قۇدايعا قۇلشىلىق جاساپ تۇرعان ادامنىڭ نامازىن بۇزۋعا بولا ما? قاسيەتتٸ قاعبانىڭ ٶزٸندە نامازحاندى تەبۋگە رۇقسات بەرٸلسە, وندا ٶزگە مەشٸتتەردە قالاي? بۇل قانشالىقتى شاريعات شەڭبەرٸنە سىيىمدى ەڭگٸمە?
بٸز قازاقستان مۇسىلماندارى دٸني باسقارماسىنا حابارلاسىپ, پٸكٸر سۇرادىق. ساۋالىمىزعا قمدب پەتۋا جەنە شاريعات بٶلٸمٸ مەڭگەرۋشٸسٸنٸڭ ورىنباسارى حاسان امانقۇلوۆ جاۋاپ بەردٸ.
حاسان امانقۇلوۆ, قمدب ٶكٸلٸ:
- شاريعات بويىنشا باستاعان نامازدى سوڭىنا دەيٸن وقىپ بٸتٸرۋ مٸندەت. ال سەبەپسٸز ٶزٸنٸڭ نامازىن بۇزۋ نەمەسە بٸرەۋدٸڭ وقىپ تۇرعان نامازىنا كەدەرگٸ جاساۋ حارام, ياعني كٷنە بولىپ سانالادى. مۇسىلمان ادام مۇنداي ەرەكەتكە بارماۋى تيٸس.
يسلامنىڭ العاشقى جىلدارىندا مۇسىلماندار دٸنٸن جاسىرىن ۇستاۋعا مەجبٷر بولعان. مۇسىلمان بولۋعا, ناماز وقۋعا دٸن دۇشپاندارى (كەپٸرلەر) كٶپ كەدەرگٸ جاساعان. تٸپتٸ, قاعباعا باراتىن جولعا تٸكەن تاستاپ, پايعامبارىمىزدى (وعان اللانىڭ سالاۋاتى مەن سەلەمٸ بولسىن) ناماز وقۋدان توساتىن, سەجدەدە جاتقاندا ٷستٸنەن تٷيەنٸڭ قارىن ٸشەكتەرٸن تاستاپ قورلايتىن.
قازٸرگٸ تاڭدا جىلدا ميلليونداعان ادام قاجىلىققا بارادى. ماعان دا بيىل اللا تاعالا قاسيەتتٸ مەككەگە بارىپ, قاجىلىق عيباداتىن اتقارىپ كەلۋدٸ نەسٸپ ەتتٸ. سول جەردە تەرتٸپكە قارايتىن ارنايى ساقشىلار (پوليتسييا) قىزمەت ەتەدٸ ەكەن. قاعبانىڭ اينالاسىندا, ەسٸرەسە, دەل قارا تاستىڭ جانىندا كەپتەلٸستٸڭ بولۋى, ادامدار جٷرەتٸن جولدا كەيبٸرەۋلەر ناماز وقىپ تۇرىپ الۋى, ودان باسقا بٸرٸن-بٸرٸ تٷرتٸپ, الىسىپ جاتۋى كٶپ قيىندىق تۋعىزادى ەكەن.
سولاي بولسا دا, ساقشىلاردىڭ قاجىلارعا قاباق شىتقانىن بايقامادىم. قايتا قۇلاسا, جەردەن تۇرعىزىپ, قاجىلاردى سالقىنداتۋ ٷشٸن ٷستٸلەرٸنەن سۋ سەۋٸپ, جول سۇراعانعا جىلى شىرايمەن جولىن ايتىپ, قانشا تەرتٸپ بۇزسا دا, وعان سابىرلىقپەن تٷسٸندٸرٸپ, ەسكەرتٸپ جاتقاندىعىن كٶردٸم. تٸپتٸ, مىنانداي بٸر جاعداي بولدى. قاعبانى تەۋاپ ەتٸپ بولعان سوڭ شەتكە شىعىپ ەكٸ راكاعات ناماز وقۋ بار. سوندا قاجىلاردىڭ بٸرٸ ساقشىلاردىڭ ەسكەرتۋٸنە قاراماي, تەرتٸپكە باعىنباي, تۋرا جولعا تۇرىپ الىپ نامازىن باستاپ كەتتٸ. سوندا دا, ساقشى سول ادامدى نامازى بٸتكەنگە دەيٸن كٷتٸپ تۇردى. نامازىن اياقتاعان سوڭ ەدەپپەن بىلاي جاساۋعا بولمايتىنىن ايتتى.
اللا تاعالا بارشامىزعا بٸر-بٸرٸمٸزگە مەيٸرٸمدٸ بولۋدى جازسىن!
Abai.kz
