قحل: «بارىس» تٶرت ويىننان كەيٸن جەڭٸسكە جەتتٸ

«بارىس» قۇرلىقتىق حوككەي ليگاسىندا بٷگٸن ەلوردادا قىتايدىڭ «كۋنلۋن رەد ستار» كومانداسىن قابىلدادى, دەپ حابارلايدى "ۇلت اقپارات".

ەكٸ كوماندا بۇعان دەيٸن 12 مەرتە كەزدەستٸ. ونىڭ 8-ٸ «بارىستىڭ» باسىمدىعىمەن اياقتالسا, قالعانىندا قىتايلىق كلۋب جەڭٸسكە جەتتٸ. ەلوردالىق كلۋب سوڭعى تٶرت كەزدەسۋٸندە جەڭٸلٸسكە ۇشىراسا, قىتايلىق كوماندا كەيٸنگٸ بەس كەزدەسۋدٸڭ تٶرتەۋٸندە قارسىلاستارىنان باسىم تٷستٸ. 

بٷگٸنگٸ ويىندا «بارىس» كومانداسى ٷشٸن جەڭٸس اۋاداي قاجەت بولاتىن. كەزدەسۋدە تٸزگٸندٸ ايدىن يەلەرٸ قولعا الۋعا تىرىستى. 

ويىننىڭ 9-مينۋتتا ەلوردالىق حوككەيشٸ ياكرب ليل ەسەپ اشتى. ال 13-مينۋتتا مەتت فرەتتين ەسەپتٸ ٷستەمەلەي تٷستٸ. 

ەكٸنشٸ كەزەڭدە قىتايلىق كلۋب بٸر شايبا سوعىپ, ەسەپ ايىرماسىن قىسقارتتى. ونى 23-مينۋتتا يۆان نيكوپيششين ٶزٸنٸڭ ەنشٸسٸنە جازدى. 

كەزدەسۋدە «بارىس» قارسىلاسىنان 2:1 ەسەبٸمەن باسىم تٷستٸ. وسىلايشا ەلوردالىق كلۋب تٶرت ويىننان كەيٸن جەڭٸلٸس سەريياسىن توقتاتتى. 

ەندٸ «بارىس» 3 قاراشادا ەلوردادا لاتۆييانىڭ «دينامو» (ريگا) كرمانداسىن قابىلدايدى.