«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن ەلوردادا رەسەيدٸڭ تسسكا (مەسكەۋ) كومانداسىنا قارسى ٶتكٸزدٸ, دەپ حابارلايدى "ۇلت اقپارات".
ويىن تارتىستى ٶتتٸ. ەكٸ كوماندا دا شابۋىلعا كٶپ كٶڭٸل بٶلدٸ. دەگەنمەن بٸرٸنشٸ كەزەڭدە ەسەپ اشىلعان جوق.
ەكٸنشٸ كەزەڭدە ايدىن يەلەرٸ ويىن تٸزگٸنٸن ٶز قولىنا الۋعا تىرىستى. قارسىلاستار قاقپاسى ماڭىندا جيٸ بوي كٶرسەتتٸ. نەتيجەسٸندە 32-مينۋتتا نيكيتا ميحايليس تسسكا قاقپاسىنان ساڭىلاۋ تاپتى.
ٷشٸنشٸ كەزەڭدە قوس كوماندا تاراپىنان دا گول سوعاتىن بٸرنەشە مٷمكٸندٸك بولعان ەدٸ. الايدا ەلوردالىق كلۋب ونى تيٸمدٸ پايدالانا العان جوق. مەسكەۋلٸك كلۋب ساپىنان الەكساندر پوپوۆ 57-مينۋتتا تارازى باسىن تەڭەستٸرٸپ كەتتٸ. ويىن وۆەرتمايمعا ۇلاستى. وۆەرتايمدا دا جەڭٸمپاز انىقتالعان جوق. بۋلليتتە تسسكا كومانداسىنىڭ جولى بولدى.
«بارىس» بيىلعى ماۋسىمدا بۇعان دەيٸن بەس ويىن ٶتكٸزدٸ. ونىڭ ەكەۋٸندە جەڭٸپ, قالعانىندا قارسىلاسىنا ەسە جٸبەردٸ.
ەكٸ كوماندا بٷگٸنگە دەيٸن 23 مەرتە شەبەرلٸك بايقاستى. ونىڭ 7-ٸ «بارىستىڭ» باسىم تٷسە, قالعانىندا رەسەيلٸك كلۋب جەڭگەن. ەندٸ «بارىس» ەلوردادا 18 قىركٷيەكتە لاتۆييانىڭ «دينامو» (ريگا) كلۋبتارىمەن وينايدى. ودان كەيٸن رەسەيدە چەرەپوۆەتس قالاسىنىڭ «سەۆەرستال» كومانداسىمەن كەزدەسەدٸ.
