قۇرلىقتىق حوككەي ليگاسىنىڭ كەزەكتٸ تۋرىندا «بارىس» ەلوردادا «اۆتوموبيليست» (ەكاتەرينبۋرگ) كومانداسىمەن ايدىنعا شىقتى, دەپ حابارلايدى قازاقپارات.
شىعىس كونفەرەنتسييادا «بارىس» پەن «اۆتوموبيليست» سەيكەسٸنشە سەگٸزٸنشٸ, توعىزىندا ورىندا ەدٸ. سوندىقتان ٷزدٸك سەگٸزدٸككە ٸلٸگۋ ٷشٸن بۇل ماتچتىڭ ماڭىزى زور بولاتىن.
«بارىستىڭ» مەرگەن شابۋىلشىلارى نيكيتا ميحايليس پەن كەرتيس ۆولك وسىعان دەيٸن تٶرت ويىن بويى گول سوعا الماسا, بۇل جولى قانجىعالارى مايلاندى. 4-مينۋتتا ن.ميحايليس كەرتيس ۆولك پەن ەگور شالاپوۆتىڭ پاسىنان كەيٸن ەسەپ اشتى. كٶپ ۇزاماي ايدىننان قۋىلعان دميتريي گۋركوۆتىڭ شىعۋىنا بٸر سەكۋند قالعاندا, قوناقتاردان ستەفان دا كوستا سان باسىمدىلىعىن پايدالانىپ كەتتٸ – 1:1. دەگەنمەن ياكوب ليليا مەن ن.ميحايليس ۇيىمداستىرعان ەدەمٸ شابۋىلدان سوڭ ك.ۆولك ەسەپتٸ 2:1-گە جەتكٸزدٸ.
ەكٸنشٸ كەزەڭدە ايدىن يەلەرٸ ٷش مەرتە سان باسىمدىلىعىن پايدالانا المادى. كەرٸسٸنشە سونداي سەتتە اناتوليي گولىشەۆ تارازى باسىن تەڭەستٸرٸپ كەتتٸ – 2:2.
ٷشٸنشٸ كەزەڭدە دە, وۆەرتايمدا دا وسى ەسەپ ٶزگەرمەگەننەن كەيٸن كەزدەسۋ تاعدىرى بۋلليت سەريياسىندا شەشٸلدٸ. مۇندا ياكوب ليليا مەن ليندەن ۆەي قاقپانى دەل كٶزدەدٸ.
ماتچ بارىسىندا ەلوردالىقتاردىڭ قاقپاشىسى يوني ورتيو كٶپتەگەن سوققىنى قايتارا الدى.
وسىلايشا «بارىس» ماڭىزدى ەكٸ ۇپايعا يە بولىپ, سەگٸزٸنشٸ ورىندى ساقتاپ قالدى.
يۋريي ميحايليستٸڭ شەكٸرتتەرٸ بيىلعى جىلدىڭ ەڭ سوڭعى ويىنىن 29 جەلتوقسان كٷنٸ ەلوردادا شىعىس كونفەرەنتسيياسىندا ٷشٸنشٸ ورىندا كەلە جاتقان «سالاۆات يۋلاەۆ» (ۋفا) كومانداسىمەن ٶتكٸزەدٸ.
