قازاقستان حالقى اسسامبلياسىنىڭ اتىنان بەرٸلەتٸن ناگرادالار تٸزٸمٸنە بٸرقاتار ٶزگەرٸس ەنگٸزٸلدٸ, دەپ حابارلايدى "ۇلت اقپارات".
بۇل تۋرالى قحا تٶراعاسىنىڭ ورىنباسارى مايا بەكباەۆا اسسامبلەيانىڭ كەڭەيتٸلگەن وتىرىسىندا مەلٸم ەتتٸ. ونىڭ ايتۋىنشا, بٷگٸندە قازاقستان حالقى اسسامبلەياسىنىڭ تٶرت قوعامدىق ماراپاتى بار. ولار:
1) «قازاقستان حالقى اسسامبلەياسىنىڭ قوعامدىق «بٸرلٸك» التىن مەدالٸ»;
2) «جومارت جان» تٶسبەلگٸسٸ»;
3) قۇرمەت گراموتاسى;
4) العىس حات.
«قازاقستان حالقى اسسامبلەياسى كەڭەسٸ مٷشەلەرٸنٸڭ قاراۋىنا قوعامدىق ناگرادالار تۋرالى ەرەجە جوباسى مەن قوعامدىق ناگرادالار ديزاينى ۇسىنىلىپ وتىر. بٸرٸنشٸدەن, قازاقستان حالقى اسسامبلەياسىنىڭ «بٸرلٸك» قوعامدىق مەدالٸ ٶزگەرٸسسٸز قالادى. ول 10 جىلدان استام ۋاقىت بويى بەرٸلٸپ, قوعامدا ٷلكەن بەدەلگە جەنە تانىمالدىققا يە بولدى», - دەگەن اسسامبلەيا ٶكٸلٸ بۇل مەدال حالىقتىڭ بٸرلٸگٸن نىعايتۋعا, بەيبٸتشٸلٸك پەن كەلٸسٸمدٸ ساقتاۋعا جەنە رۋحاني مەدەنيەتتٸ دامىتۋعا قوسقان ەلەۋلٸ ٷلەسٸ ٷشٸن بەرٸلەتٸندٸگٸن ەسكە سالدى.
«ەكٸنشٸدەن, بەدەل مەن ەلەۋمەتتٸك ماڭىزدىلىعىن ارتتىرۋ ٷشٸن «جومارت جان» تٶسبەلگٸسٸنٸڭ ديزاينىن ٶزگەرتۋ ۇسىنىلادى.
قازاقستان حالقى اسسامبلەياسىنىڭ «جومارت جان» تٶسبەلگٸسٸ قازاقستان رەسپۋبليكاسىنداعى مەتسەناتتىق جەنە قايىرىمدىلىق قىزمەتتٸ دامىتۋداعى ەڭبەگٸ ٷشٸن ازاماتتاردى قوعام بولىپ تانۋ جەنە كٶتەرمەلەۋ بەلگٸسٸ بولىپ تابىلادى. 2017 جىلدان باستاپ بۇل ماراپاتقا 100-دەن استام ادام يە بولدى. جاڭا ديزاين بويىنشا تٶسبەلگٸ دەستٷرلٸ قازاق ويۋى بار التىبۇرىشتى جٸبەك قاتقىل لەنتاعا بەكٸتٸلگەن», - دەدٸ مايا بەكباەۆا.
سونداي-اق, ول «جومارت جان» تٶسبەلگٸسٸنٸڭ ديزاينى مەن مازمۇنىن قايتالاپ تۇرعان «مەيٸرٸم» تٶسبەلگٸسٸنٸڭ ورنىنا قازاقستان حالقى اسسامبلەياسىنىڭ «العىس» تٶسبەلگٸسٸن ەنگٸزۋدٸ ۇسىندى.
«العىس» تٶسبەلگٸسٸ ازاماتتاردىڭ قازاقستان حالقى اسسامبلەياسىنىڭ قىزمەتٸنە جەنە حالىقتىڭ بٸرلٸگٸ مەن رۋحاني قۇندىلىقتاردى نىعايتۋعا باعىتتالعان ەلەۋمەتتٸك, مەدەني جەنە اقپاراتتىق جوبالاردى ٸسكە اسىرۋعا بەلسەندٸ قاتىسقانى ٷشٸن بەرٸلەدٸ. تٶسبەلگٸنٸ تاپسىرۋ قۇقىعىن قازاقستان حالقى اسسامبلەياسى تٶراعاسىنىڭ ورىنباسارى – قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ قحا حاتشىلىعى مەڭگەرۋشٸسٸنٸڭ قالاۋى بويىنشا ۇسىنۋ كٶزدەلەدٸ.
بۇل تٶسبەلگٸمەن قازاقستان رەسپۋبليكاسىنىڭ ازاماتتارىن جەنە ەرەكشە جاعدايلاردا شەتەل ازاماتتارىن ماراپاتتاۋ جوسپارلانۋدا. ەربٸر ماراپاتتالۋشىعا تيٸستٸ كۋەلٸك بەرٸلەدٸ», - دەدٸ اسسامبلەيا تٶراعاسىنىڭ ورىنباسارى.
ونىڭ ايتۋىنشا, اقحا اتىنان بەرٸلەتٸن قۇرمەت گراموتاسى مەن العىس حاتتاردىڭ ديزاين جەنە مازمۇنى ٶزگەرٸسسٸز قالماق.
«جالپى, ۇسىنىلىپ وتىرعان ٶزگەرٸستەر اسسامبلەيانىڭ قوعامدىق ناگرادالارىنىڭ بٸرىڭعاي جەلٸسٸن قۇرۋعا جەنە ولاردىڭ بٸرىڭعاي ديزاينەرلٸك شەشٸمٸن قامتاماسىز ەتۋگە مٷمكٸندٸك بەرەدٸ. مۇنداي تەسٸل اسسامبلەيانىڭ قوعامدىق ناگرادالارىنىڭ مەرتەبەسٸ مەن ماڭىزدىلىعىن ارتتىرۋعا مٷمكٸندٸك بەرەدٸ», - دەدٸ مايا بەكباەۆا.
