قازاقستان حالقى اسسامبلەياسىنىڭ XXIX سەسسيياسىندا «تەۋەلسٸزدٸك قىراندارى» قوعامدىق قورىنىڭ اتقارۋشى ديرەكتورى, كەسٸپكەر ولجاس سٷلەيمەن جاستاردى, كەسٸپكەر بولىپ, ەلەمنٸڭ نارىعىن بٸرگە جاۋلاۋعا شاقىردى, دەپ حابارلايدى قازاقپارات.
«قازاقتا «الماس قىلىش قىن تٷبٸندە جاتپايدى» دەگەن جاقسى سٶز بار. بٸزدٸڭ ەلدە تالپىنعان, ەڭبەكتەنگەن ادامعا جەتٸستٸككە جەتۋگە بولاتىنىنا مەن تولىقتاي سەنٸمدٸمٸن! وعان دەلەل رەتٸندە قاراپايىم جەتٸستٸكتەرٸممەن بٶلٸسۋگە رۇقسات ەتٸڭٸزدەر. ەلٸمٸزدٸڭ ارقاسىندا اۋىل بالاسىنىڭ قىتاي حالىق رەسپۋبليكاسىنداعى ەڭ مىقتى ۋنيۆەرسيتەتتەردٸڭ بٸرٸندە بٸلٸم السام دەگەن ارمانى ورىندالدى. شەتەلدە وقىپ جٷرگەن كەزٸمٸزدە, بٸزگە قاراپ ەلدٸ سىنايتىن بولعاندىقتان, 10 مىڭنان استام ستۋدەنتتٸڭ باسىن بٸرٸكتٸرەتٸن قازاقستان ستۋدەنتتەر قاۋىمداستىعىن قۇردىق جەنە دە شانحايدىڭ تٶرٸنەن «قازاقستان مەدەنيەت ورتالىعىن» اشتىق. توعىز جىل اسپان استى ەلٸندە تۇرىپ, وقۋىمدى امان-ەسەن تەمامداپ, «ەلٸمدٸ قانداي جاڭالىقپەن قۋانتىپ, تاڭقالدىرسام?» دەگەن ويدا جٷرگەنٸمدە بۇۇ ۇيىمداستىرعان «كٶپ تٸلدەر, بٸر ەلەم» شىعارمالار سايىسىنا قاتىستىم», - دەدٸ و. سٷلەيمەن.
ونىڭ ايتۋىنشا, بايقاۋدا 130 مەملەكەتتەن 23 مىڭنان استام ٷمٸتكەر قاتىسقان دودادا جەڭٸسكە جەتتٸ.
«بۇۇ-دا بيٸك مٸنبەردەن سٶزٸمدٸ سٸزدەن (نۇرسۇلتان نازارباەۆتان) ٷلگٸ الىپ, انا تٸلٸمدە باستاپ, قازاق تٸلٸن ەلەمگە تاعى بٸر ەستٸرتتٸم. بۇۇ-دا ەلٸمٸز يادرولىق قارۋدان باس تارتقانى ٷشٸن, ەرەكشە قۇرمەتكە يە ەكەنٸنە كٶزٸم جەتتٸ. اۋىلدىڭ ارمانشىل بالاسى – شەتتەن بٸلٸم الىپ, حالىقارالىق تەجٸريبە جيناپ, امان-ەسەن ەلگە ورالدىم. كەلگەن سوڭ مينيستردٸڭ كەڭەسشٸسٸ لاۋازىمىندا, تاعى باسقا قىزمەتتەردە بولىپ, كەيٸن كەسٸپكەرلٸككە بەت بۇردىم. شەت ەلدە بٸلٸم العان دوستارىممەن بٸرٸگٸپ «بٸز جۇمىس ٸزدەمەي, جۇمىس ورنىن اشايىق» دەگەن ويمەن ٶزٸمٸزدٸڭ كومپانييامىزدى قۇردىق. قازٸرگٸ كەزدە كومپانييامىز جوعارى دەڭگەيدە جۇمىس ٸستەپ, مۇناي جەنە بلوكچەين سالارىندا حالىقارالىق دەڭگەيدەگٸ كومپانييالارمەن بەسەكەگە تٷسۋدە. كەسٸپكەر دەگەنٸمٸز – قازٸرگٸ كەزدٸڭ جاۋىنگەرٸ دەپ ويلايمىن. سەبەبٸ, كەسٸپكەرلٸك ٷلكەن ەڭبەك پەن باتىلدىقتى قاجەت ەتەدٸ. باتىلدىق پەن باتىرلىق قانىمىزدا بولعان سوڭ, ەلٸمٸزدٸڭ جاستارى ەشكٸمگە تەۋەلدٸ بولماي, كەسٸپكەر بولىپ, ەلەمنٸڭ نارىعىن بٸرگە جاۋلاۋعا شاقىرامىن! قازاق جٸگٸتتەرٸ باي-باقۋاتتى ەل دەگەندە مەرت, اتىمتاي جومارت بولسا, ەلٸمٸز بۇدان دا ٷلكەن جەتٸستٸكتەرگە جەتەتٸنٸنە سەنٸمدٸمٸن», - دەدٸ ولجاس سٷلەيمەن.
