پرەمەر-مينيستر باقىتجان ساعىنتاەۆ الماتى وبلىسىندا ٶلتٸرٸلگەن اعايىندىلاردىڭ ٸسٸن ٶز باقىلاۋىنا الدى, - دەپ حابارلايدى kaz.tengrinews.kz تٸلشٸسٸ.
"قازٸرگٸ ۋاقىتتا باق-تاردا قىلمىستار تۋرالى كٶپ ايتىلىپ جاتىر. قىلمىسكەرلەردٸڭ الماتى وبلىسىندا ۇستالعانى بەلگٸلٸ بولدى, تەرگەۋ شارالارى جٷرٸپ جاتىر. بۇل حالىقتى الاڭداتىپ وتىرعاندىقتان, بۇل جايىندا بٸزگە مەلٸمەت بەرسەڭٸز ەكەن", - دەدٸ ٷكٸمەت باسشىسى ساعىنتاەۆ ٸشكٸ ٸستەر مينيسترٸنە.
"20 قىركٷيەكتە بٸزگە ٷش ازاماتتىڭ الماتىعا مال ساتۋعا كەتٸپ, جوعالىپ كەتكەنٸ جايلى حابار كەلٸپ تٷستٸ. 21 قىركٷيەكتە ولاردىڭ بٸر كٶلٸگٸن تاپتىق. ولار ەكٸ كٶلٸكپەن 41 باس ٸرٸ قارانى الماتى وبلىسىنداعى بازارعا ساتۋعا اپارا جاتقان. 23 قىركٷيەكتە ەكٸنشٸ كٶلٸك تابىلدى", - دەدٸ قالمۇحانبەت قاسىموۆ.
"وسىدان كەيٸن جەرگٸلٸكتٸ تۇرعىنداردىڭ بۇل كٶلٸكتٸڭ جٷرگٸزۋشٸلەرٸنە كٶمەكتەسكەنٸ بەلگٸلٸ بولدى, سٶيتسە ولار لاي-باتپاقتا تۇرىپ قالىپتى, كەيٸن ول جەردە كٸم بولعانى بەلگٸلٸ بولدى. ولار جامبىل اۋدانىنىڭ تۇرعىندارى. وسى تۇلعالار ارقىلى قىلمىسكەرلەردٸ انىقتادىق, جامبىل اۋدانىنىڭ ەكٸ تۇرعىنىن انىقتادىق, ولار مال بازارعا بارا جاتىپ, وسى ساتۋشىلارعا جاقىنداعان. سٶيتٸپ, ولاردان بارلىق مالىن ساتىپ الۋدى ۇسىنعان. ولاردى الداپ, القاپقا الىپ كەتٸپ, قىلمىس جاساعان. مەيٸتتەر مەن مالدى جەتكٸزۋ بارىسىندا ولاردىڭ كٶلٸگٸ توقتاپ قالعان, سوندىقتان ولار جەرگٸلٸكتٸ تۇرعىنداردان كٶمەك سۇراعان. قازٸرگٸ ۋاقىتتا قىلمىسكەرلەر ۇستالدى, كٸسٸ ٶلتٸرۋگە قولدانىلعان قارۋ تەركٸلەندٸ, قىلمىسكەرلەر مەيٸتتەردٸ قايدا كٶمٸپ كەتكەنٸن ٶز قالاۋىمەن كٶرسەتٸپ بەردٸ. قاجەتتٸ ساراپتامالار تاعايىندالدى. بٷگٸن جەرلەۋ رەسٸمٸ ٶتەدٸ. 36 باس ٸرٸ قارا تەركٸلەندٸ. ٸستٸ الماتى وبلىستىق ٸٸد تەرگەپ جاتىر. مەنٸڭشە, از ۋاقىتتىڭ ٸشٸندە ٸستٸ تەرگەپ, سوتقا جولدايمىز", - دەدٸ ول.
"باقىلاۋعا الىڭىزدار. قوعامدىق قاۋٸپسٸزدٸكتٸڭ جەنە زورلىقپەن كٷرەستٸڭ بٸزدٸڭ نەگٸزگٸ جۇمىسىمىز ەكەنٸن بارلىعىمىز بٸلەمٸز. سوندىقتان تاياۋ ارادا وسى مەسەلەنٸ ٷكٸمەتتە قارايمىز دەپ ويلايمىن", - دەدٸ ساعىنتاەۆ.
ەسكە سالايىق, تالدىقورعان قالاسىنا جاقىن ماڭداعى كٶكسۋ اۋدانىنىڭ 3 تۇرعىنى الماتى جاقتاعى ۇزىناعاش بازارىندا مال ساتامىز دەپ ٸز-تٷسسٸز جوعالىپ كەتكەن بولاتىن.
كەيٸنٸرەك ولاردىڭ ٶلٸ تابىلعانى حابارلانعان ەدٸ. ۆەدومستۆوداعىلاردىڭ ايتۋىنشا, مارقۇمداردىڭ دەنەسٸندە زورلىق بەلگٸلەر بار. پوليتسەيلەر كٸسٸ ٶلتٸردٸ دەگەن كٷدٸكتٸلەردٸ ۇستاپتى. ولار جامبىل اۋدانىنىڭ ەكٸ تۇرعىنى. قازٸرگٸ ۋاقىتتا قر قىلمىستىق كودەكسٸنٸڭ 99-بابى ("ادام ٶلتٸرۋ") بويىنشا سوتالدى تەرگەۋ باستالىپتى. كٷدٸكتٸلەر ۋاقىتشا ۇستاۋ يزولياتورىنا قامالدى.
