الماتىداعى پەدياترييا جەنە بالالار حيرۋرگيياسى عىلىمي ورتالىعىندا 300-گە جۋىق مەدبيكە جۇمىس ٸستەيدٸ. ناۋقاس نەرەستەلەردٸڭ دەرتٸنە داۋا ٸزدەپ, ەربٸر ەمدەلۋشٸنٸڭ جاعدايىن جاساپ, ولاردىڭ تەز ساۋىعىپ كەتۋٸنە ٷلەس قوسىپ جٷرگەن مەدبيكەلەردٸڭ الار ورنى بٶلەك.
سولاردىڭ بٸرٸ نەوناتولوگييا جەنە جاڭا تۋعان نەرەستەلەر حيرۋرگيياسى بٶلٸمشەسٸنٸڭ مەدبيكەسٸ گٷلجان سەدٸبەك. ول اتالعان ورتالىقتا 33 جىلدان بەرٸ جۇمىس ٸستەپ كەلەدٸ.
«مەن ەڭبەك ەتەتٸن نەوناتولوگييا بٶلٸمٸنٸڭ جاۋاپكەرشٸلٸگٸ مول. تٸپتٸ مەدبيكەلەردٸڭ كٶتەرەر جٷگٸ ەكٸ ەسە اۋىر دەسەك تە بولادى. ٶيتكەنٸ بۇل جەرگە جاڭا تۋعان نەرەستەلەر عانا تٷسەدٸ. بٸزدٸڭ قارايتىن بالالاردىڭ سالماعى 650 گرامم. ەرينە ولار ەرەكشە كٷتٸمدٸ قاجەت ەتەدٸ. تٸپتٸ تەز سالماق قوسىپ, ساۋىعىپ كەتۋٸنە مەدبيكەلەردٸڭ قوسار ٷلەسٸ زور»,– دەيدٸ گٷلجان سەدٸبەك.
ونىڭ ايتۋىنشا, ينكۋباتورداعى (كيۋۆەز) نەرەستەلەر مەدبيكەنٸڭ تٸكەلەي قاراۋىندا بولادى. مۇنداي جاعدايدا ەرٸپتەستەرٸم ساقشى سيياقتى تەۋلٸك بويى سەبيدٸڭ جانىنان شىقپايدى. ولار كەز كەلگەن سەتتە العاشقى كٶمەككە دايىن بولۋى كەرەك.
«شالا تۋعان جەنە كٷردەلٸ وپەراتسييا جاسالعان شاقالاقتارعا دەرٸ ەگۋدە دە وڭاي شارۋا ەمەس. الساڭ الاقانىڭا سيياتىن كٸشكەنتايدىڭ كٶك تامىرىن تاۋىپ, كاتەتەر قويۋ دا ٷلكەن ەپتٸلٸكتٸ, تەجٸربيەنٸ تالاپ ەتەدٸ. زەرٸگەرلٸك جۇمىسپەن تەڭ دەسەك تە بولادى»,– دەيدٸ مەدبيكە.
سونىمەن قاتار, ول سەبي تەز ساۋىعىپ, اتا-انالارىنىڭ قولىنا بەرٸلسە بالاشا قۋاناتىندارىن ايتتى.
«بالا دەگەن – ٷلكەن باقىت قوي. كەز-كەلگەن اتا-انا سەبيٸنٸڭ دەنٸ ساۋ بولعانىن قالايدى. ٶز كەسٸبٸڭە ادال بولىپ, بارىنشا قولداۋ كٶرسەتسەڭ, ونى حالىق ايتىپ جٷرەدٸ. شٷكٸر ەڭبەگٸمٸزگە دەن ريزا اتا-انالار سانى شەكسٸز», – دەيدٸ ول.
دەرٸگەر ەمٸنٸڭ نەتيجەلٸ بولۋى مەدبيكەنٸڭ ەم-دومدى ۋاقتىلى كٶرسەتٸپ, ٶز مٸندەتٸن مٷلتٸكسٸز اتقارۋىنا تٸكەلەي بايلانىستى. ناۋقاستىڭ دەنساۋلىعىنا دەرٸگەردەن كەم جاۋاپ بەرمەيتٸن دە سولار.
«33 جىل از ۋاقىت ەمەس. وسى ۋاقىت ارالىعىندا مەنٸڭ قولىمنان 10 مىڭننان استام سەبي ٶتتٸ. قىزىعى سول قازٸر ولاردىڭ الدى وتباسىن قۇرىپ, ٶزدەرٸ دە سەبيلٸ بولدى. بٸزدٸ ۇمىپايدى. ەلٸ كٷنگە دەيٸن حابارلاسىپ تۇرادى. ەڭبەكتٸڭ جەمٸسٸ دەگەن وسى ەمەس پە?»,– دەپ قورتىندىلادى گٷلجان سەدٸبەك.
