لاتىن قارپٸ جəنە تاريحي كونتەكست.
ەلدە بولىپ جاتقان اسا كٷردەلٸ رەفورمالارعا وراي مىنانى ەستە ساقتاۋ كەرەك.
***
اتام قازاق, باعزى زامانداعى بابالارىمىز نەگە رۋنانى تاستاپ, اراب قارپٸنە كٶشتٸ?
بىلاي قاراسا بابالار مۇراسى, رۋنامەن جازىلعان قانشاما مۇرا, تاسقا قاشالعان دٷنيە بار. بٸراق, كٶشتٸ.
سەبەبٸ بٸر: سول كەزدەگٸ رۋنا سول زامان ادامدارىنىڭ رۋحاني ٸزدەنٸستەرٸ مەن قاجەتتٸلٸگٸن ٶتەي المادى. تəڭٸر ٸلٸمٸ كٷردەلەنٸپ بارا جاتقان زامانعا ٸلەسە المادى, ادامداردىڭ مەتافيزيكالىق, ەكزيستەنتسيالدى ٸزدەنٸستەرٸنە, سۇراقتارىنا جاۋاپ تابا المادى.
سوندىقتان دا اتا-بابامىز دəستٷرلٸ مۇراسىنان باس تارتىپ, يسلام دٸنٸن قابىلدادى. يسلاممەن قاتار رۋنادان دا باس تارتتى...
***
جيىرماسىنشى عاسىردىڭ باسىنداعى əلٸپبي ٶزگەرٸسٸنٸڭ استارىندا دا ٷلكەن رۋحاني ٸزدەنٸستەر بولدى. Əرينە, سىرتتان قىسىم دا بولدى, قازاقتى دٸننەن, دəستٷردەن كٷشتەپ ٷزۋ ساياساتى دا تۇردى.
بٸراق, قازاقتىڭ بəرٸ بولماسا دا بٸرازى جاڭا əلٸپبي قازاقتى سان عاسىرلىق ۇيقىسىنان وياتادى, ەڭسەسٸن كٶتەرەدٸ, زاماناۋي ٶزگەرٸستەردٸڭ كٶشٸن قۋىپ جەتۋگە سەپ بولادى دەپ ۇقتى.
جاڭا əلٸپبي قازاقتى زامان تالابىنا ساي قىلادى. جاحاندىق بəسەكەگە, عىلىمي-تەحنيكالىق پروگرەسس تٸلٸن ۇعىندىرادى دەگەن ۇستانىم دا بولدى.
***
بٷگٸنگٸ ٶزگەرٸستەرگە دە وسى تاريحي كٶكجيەك تۇرعىسىنان قاراۋ كەرەك.
ورىس تٸلٸ مەن كيريلل قارپٸ قازاققا ازدىق ەتٸپ جاتىر. تٸپتٸ قازاقتىڭ رۋحاني ٸزدەنٸستەرٸن تەجەپ, زامانعا كەرٸاعار رول اتقارىپ جاتىر. نە دەسەڭٸزدەر و دەڭٸزدەر, بٸراق كيريلل قارپٸ قۇلدىق سانا مەن وتارلىق قامىتتىڭ سينونيمدەرٸنە اينالىپ بولدى. سوندىقتان قۇلدىق سانادان قۇتىلۋ مٸندەت, پارىز. ەگەر بۇل قادام ەكٸ نە ٷش ساتى ارقىلى كەلسە دە قارسى ەمەسپٸن. بəرٸبٸر كەرەك. تٸپتٸ بٷگٸنگٸ لاتىن نۇسقاسىن بيلٸك كٷشپەن ٶتكٸزسە دە, ەرتەڭگٸ جاڭا بيلٸك ونى قازاققا جاقىنداتىپ, تٸل قاجەتتٸلٸكتەرٸنە ساي ٶزگەرتەدٸ. Əلٸپبيدٸ جاڭارتۋ, اپگرەيدتەۋ بولاشاق ساياسي وپپوزيتسييانىڭ ۇرانى بولىپ كەتسە دە تاڭىم جوق!
***
ويلانسىن بيلٸك!
ايدوس سارىمنىڭ فەيسبۋكتاعى جازباسىنان
