© Photo: pixabay.com
ورال قالاسىندا قوقىس جەشٸگٸنە بالاسىن تاستاپ كەتكەن ەيەل وقيعانى بايانداپ بەردٸ, دەپ حابارلايدى Sputnik قازاقستان اگەنتتٸگٸ "موي گورود" پورتالىنا سٸلتەمە جاساپ.
اناسىنىڭ ايتۋىنشا, ول بالاسىن مونشادا جالعىز ٶزٸ بوسانعان. ەيەل تٶرتٸنشٸ جٷكتٸلٸگٸن اتا-اناسىنان جاسىرعان. ول ەكٸ جىل بۇرىن كٷيەۋٸمەن اجىراسقان. كٷيەۋٸ بالا تەربيەسٸنە كٶمەكتەسپەگەن, بٸراق اليمەنت تٶلەپ تۇرعان. اجىراسقالى بەرٸ كەلٸنشەك اتا-اناسىمەن بٸرگە پەتەر جالداپ تۇرعان. ٷش بالاسى كٸشكەنتاي بولعاندىقتان, جۇمىس ٸستەۋگە مٷمكٸندٸك بولماعان. ەيەلدٸڭ ايتۋىنشا, قايىن ەنەسٸمەن تٸل تابىسا الماعان.
"مەن تٶرتٸنشٸ جٷكتٸلٸگٸم تۋرالى بٸلگەنٸمدە, كەزدەسٸپ جٷرگەن جٸگٸتٸمە مەن-جايدى باياندادىم. ول مەنٸ تىڭداماستان, تەلەفون تۇتقاسىن قويا سالدى. كەيٸننەن ماعان بٸلگەنٸڭدٸ ٸستە دەدٸ. مەن اتا-اناما ايتۋدان قورىقتىم. مەنٸڭ جٷكتٸلٸگٸمدٸ ەمحاناداعى اكۋشەر عانا بٸلەتٸن. ول تٷسٸك جاساتۋعا كەل دەدٸ, بٸراق مەن بارا المادىم", — دەيدٸ ەيەل.
ايتۋىنشا, ەيەلدٸڭ بالاسىن ٶلتٸرۋ تۋرالى ويى بولماعان. تولعاعى قىسقان كەزدە ەكە-شەشەسٸ مەن بالالارى ۇيىقتاپ جاتقان.
"مەن جالداپ تۇرىپ جاتقان ٷيدٸڭ يەسٸنەن مونشاعا تٷسٸپ الايىن دەپ سۇرادىم. تولعاعىم قىسقان كەزدە مونشاعا باردىم. ٶزٸم بوسانىپ, كٸندٸگٸن ٶزٸم كەسٸپ, بالانى شومىلدىردىم. سىرتقا شىعىپ, بالانى قوقىسقا اپارماس بۇرىن بٸراز ويلاندىم. نە ٸستەسەم ەكەن دەپ باسىم قاتتى. ول ۋاقىت تاڭعى ساعات 04:00 شاماسى بولاتىن. نە ٸستەپ, نە قويعانىمدى بٸلۋگە مۇرشام بولمادى", — دەيدٸ ەيەل.
ەيەل جاساعان ٸسٸنە ٶكٸنەتٸنٸن جەنە بارلىق بالاسىن ٶزٸنە قايتارعىسى كەلەتٸنٸن ايتادى. بولعان وقيعادان كەيٸن ونىڭ ٷلكەن بالالارى ەكەسٸندە قالسا, قوقىس جەشٸگٸندە قالدىرىلعان بالاسى – بالالار ٷيٸندە. ول بالالار ٷيٸندەگٸ ۇلىنا بٸرنەشە رەت بارعان, بٸراق بالانى كٶرسەتپەگەن.
قازٸر ەيەل جاساعان قىلمىسى ٷشٸن سوتتى كٷتٸپ جٷر. سوتتان كەيٸن قامقورشىلىق ورگاندارى نەرەستەنٸڭ بولاشاق تاعدىرىن شەشەدٸ.
