قازاقستانداعى KIMEP ۋنيۆەرسيتەتٸندە وقىتۋشىلارعا قاتىستى داۋ قوعام نازارىن اۋداردى. ەلەۋمەتتٸك عىلىمدار كوللەدجٸنٸڭ دەكانى دجەيسون گەينوس قىزمەتٸنەن كەتٸپ, ستۋدەنتتەردٸ وقىتۋشىلار تاراپىنان جىنىستىق قىسىم كٶرسەتۋ فاكتٸلەرٸ بولسا, ولاردى جارييا ەتۋگە شاقىردى, دەپ حابارلايدى ult.kz.
ۆرەميا باسىلىمىنىڭ جازۋىنشا, ۋنيۆەرسيتەتتە بٸر جىلعا جەتپەيتٸن ۋاقىت جۇمىس ٸستەگەن گەينوس ستۋدەنتتەرگە جولداعان قوشتاسۋ حاتىندا باسشىلىق تاراپىنان قىسىم كٶرگەنٸن مەلٸمدەگەن.
ونىڭ ايتۋىنشا, ۋنيۆەرسيتەت باسشىلىعى بۇرىن جىنىستىق قىسىم كٶرسەتۋ داۋىنا بايلانىستى اتى اتالعان پروفەسسور ناديم ناكۆيمەن ەڭبەك كەلٸسٸمشارتىن ۇزارتۋدى تالاپ ەتكەن. الايدا گەينوس بۇل شەشٸممەن كەلٸسپەي, قىزمەتٸنەن كەتۋدٸ تاڭداعان.
حاتتا گەينوس ناديم ناكۆيدٸڭ 1999 جىلى اقش-تاعى دجوردجييا ۋنيۆەرسيتەتٸنەن ستۋدەنتتەرگە قاتىستى جىنىستىق قىسىم كٶرسەتۋگە بايلانىستى جۇمىستان شىعارىلعانى جٶنٸندەگٸ اقپاراتتى كەلتٸرگەن. وسى جايتقا بايلانىستى ول KIMEP باسشىلىعىن مەسەلەنٸ مۇقييات قاراستىرۋعا شاقىرعانىن ايتقان. بٸراق وعان اتالعان وقيعانىڭ شامامەن 30 جىل بۇرىن بولعانى جەنە قازٸرگٸ قىزمەتٸنە قاتىسى جوق ەكەنٸ جەتكٸزٸلگەن.
گەينوستىڭ مەلٸمدەۋٸنشە, ۋنيۆەرسيتەت باسشىلىعى داۋلى مەسەلەنٸ قوزعاماۋدى سۇراپ, ناكۆيمەن جاڭا كەلٸسٸمشارت جاساۋعا كٶندٸرۋگە تىرىسقان.
وسىدان كەيٸن ول ستۋدەنتتەردٸ حاراسسمەنت فاكتٸلەرٸن جاسىرماي, جارييا تٷردە كٶتەرۋگە ٷندەگەن. كەيٸن حات ەلەۋمەتتٸك جەلٸلەردە تاراپ, كەڭ قوعامدىق تالقىلاۋعا سەبەپ بولدى.
ەزٸرگە KIMEP ۋنيۆەرسيتەتٸ بۇل جاعدايعا قاتىستى رەسمي مەلٸمدەمە جاساعان جوق.
ايتا كەتەيٸك, ناديم ناكۆي ۋنيۆەرسيتەتتە 2013 جىلدان بەرٸ جۇمىس ٸستەيدٸ. ال KIMEP وقۋ ورنى 1992 جىلدان بەرٸ جۇمىس ٸستەپ كەلەدٸ جەنە حالىقارالىق بٸلٸم بەرۋ مودەلٸن قولدانادى.
